إن كان تبغا الحق بنقدم حقوق=وإن كان مستغني فدتك العطيه
ليا صار جيب الثوب ياسعد مفتوق=احذر تحط بداخله لو ميه

الحق ضاع وراعي الحق مفهوق= الراعي اثره مادرى بالرعيه
السارق افلح والبلا صرت مسروق= واللي سرقني مالديه الهويه

ياصاحبي لاتتبع كل مطفوق=ترى الردية ما تسمى نقيه
لو كان مايبقى معك لو عملوق=تعيش في دنياك عيشه هنيه

الصقر ماينظر بعينه لغرنوق= ولارد عقله يم طارة عليه
ماني من اللي ياولد يحلب النوق= والا يدق العود السمسميه

الجسم ما يحيا بلا دم وعروق=اليا سلم راسك فدتك المطيه
البوق خله للذي يتبع البوق=ترى العتيبي ما يحب الدنيه

ماني من الانذال ياخي محروق= والصيرفي يجلس مع الصيرفيه
خل المقاضي يافتى جوف صندوق= واهل الحويه يعشقون الحويه