اليا اتعبتك الحمله ابرك ياشعيل \ لا تنسدح فالدرب ولا تحرفه = اشوف فيك الميل كله وانت راس \ اليا اتعبتك الحمله ابرك ياشعيل
لو تنشد اهل المعرفه في كل جيل\ ترى الشعر لا شي دون المعرفه = واخذ من التوقيع حقي اقتباس \ ثم انشد اهل المعرفه في كل جيل

حنا نخيل البرق يبرق فالمخيل / واثعل على روس الجبال المشرفه = جت له عكاظ وجات سبق وجات واس / ويصورون البرق يبرق فالمخيل !!
ما لدّو الا السيل جاي امع المسيل / لو كبري البحرين قدمه يجرفه = بغت تضلي كارثه ويروح ناس / والله ستر من سيل ناحر للمسيل !!

لا تقطع الارسال بالبرج البديل \ ولا نبا ندّدّدّفعك فرق التعرفه = ان كان صافي لك ولا فيه التماس \ لا تقطع الارسال بالبرج البديل !!!!
من جدكم ياهذيل ؟؟ هذا مستحيل \ الميت اتشوفون زوله فعرفه = اصحوا ترى الدعوه ماهي لعب وحماس \ من جدكم ياهذيل ؟؟ هذا مستحيل "

مايدفع الا انته ولو انّك بخيل / جاتك رموز اللعب والدمع اذرفه = حنا قلبنا السحر ويروح العماس / افتح طرف مخباك وادفع يابخيل !!
فتوى غلط .. ياحضرة الشيخ الجليل / اللي عطاك العلم روحه مسرفه = الثقب فالاوزون جاب الاحتباس /وش رايكم ياحضرة الشيخ الجليل!!