يامعجب الي يقول الحق ماخاف = لو فوق راسه يشنون الحرابه
في مذهب الحنبلي ولا فالاحناف = من يكتم الحق عند الله حسابه

الضلع مازعزعه لفح الهوا الجاف=ولا زاده الا ثبات امع الصلابه
علمبها اللي يغط الحق بلحاف=واكتب له الخط عني بالنيابه

فرهودي

يامعجب اسلم وسلم وانطح القاف = واخذ القلم واترك السيف ونصابه
العام ياذيب تبدي فوق مشراف = واليوم مالك قنيب مع الذيابه

معجب العتيبي

يامرحبا والطريق الزين ينشاف=ياشاعرٍ بالنصايح فك بابه
العام سوق الغلا واليوم ينعاف=من يوم ماصارت الدعوا نهابه

فرهودي

دام البقى وانت راعي حق وانصاف = منحاز للحق ماهو للقرابه
بعض الاسامي عطوها زين الاوصاف = ولآ هو من التابعين ولا الصحابه

معجب العتيبي

الدين حقه يقدم قبل الاعراف=واجب يطبق ولا فيها غرابه
الحق يعطا لراع الحق ويضاف=للي يبا الحق تقدير ومهابه

فرهودي

يامعجب الي يقول الحق ماخاف = لو فوق راسه يشنون الحرابه
في مذهب الحنبلي ولا فالاحناف = من يكتم الحق عند الله حسابه

معجب العتيبي

الضلع مازعزعه لفح الهوا الجاف=ولا زاده الا ثبات امع الصلابه
علمبها اللي يغط الحق بلحاف=واكتب له الخط عني بالنيابه

مبدعين صحت السنتكم "