طالع بعينك فوق شوف النور=النجم عانه شوف الأعياني
عانه على راسك يمين يدور=ما يلحقه مري وقحطاني

يركبك حقّ ماهو بمنظور=وشلون ارحبّك وتبلاني؟
البكره اللي تتبع المقهور=هذي ترا موضوعها ثاني

لا تكشف اللي بيننا مستور=إن كان جالك شيء ماجاني
البكرة اللي ساقها المطيور=ماهي حلالي يالقويماني

يا طيب قلب الشاعر المسرور=يجاهد الجيش المريكاني
حذرا تخلّيها وعد بلفور=وانا اعرفك يا نجم قوماني

دام الذهب في كيسكم مصرور=لا تشتحن وأنت الكريعاني
لا تزن فوق العش يا دبور=يا مسلم (ن)منته بنصراني