ابا امدحك لكن ماحصلت عند اسمك وسام=حدك على اقصاك الزمان الشين والوقت القصي
خلك على غيرتك يارجال من حدك وشام=قبل العصا تنصاك من كفك على راسك نصي

انا وسامي خوة اهل الطيب عالين المقام = وانته وسامك من عطايا عبيد وحمود وقصي
يايوسف الحجاج قلي كيف يهنا لك منام = اليا ذكرت الارمله والشيخ وذاك المخلصي

افكاركم يا اصحابنا ثارت وغطاها العسام=لاتخلفون الوجهه وتبدون في هز النصي
الشيخ دقق بالفتاوي والحلال من الحرام=والشاعر ابياته تغنّا في زوايا المرقصي

ماباقي الا ان ّ نحط اشدادها فوق المسام = حتى ندرّجها على الدرب الصعيب ونخلصي
اليا بحلتوا بالسيوف اللي يقصّن العظام = على المطاريق الخفيفه يالقريحه احرصي

مال الرجال الا الرجال اللي يضدون الخصام=بالسيف ياعقاب انتبه ماهي بحذفات الحصي
ياعقاب فيما قلت والله مانلحقك الملام=مادمت مثل العقرب اللي تستدير وتقرصي