مسا النور ومسا الخير ولا عندي يالعتيبي غير=علوم الطيب واللي غير والله مانجي حوله
انا مالي دخل فاللي حصل واللي يروح يصير=انا مسلم مسالم والعميل الشين قولوله

انا ادري انك سنافي ما يجي من يمك التقصير = لكن شفتك تشجع من يشيل الجمر في حثوله
ترا شرواك لا منه تكلم صار اله تأثير = وترا هرجتك هاذي يا ولد ماهيب معقوله

انا ماشجّع اهل الضلم واهل الكفر والتفجير=اشجّع من يطيعون الله الهادي ومرسوله
جبل دخان فيه مواصفاتٍ من جبال النير=لكن فتش وتلقى يالرويس بعرضه وطوله

يا عبدالله وصلني في جميع اللي حصل تقرير = ويمناً ما تمد الخير بين الناس مشلوله
تبرر لي علومك مير ما ينفع بها التبرير = عليك النو زلزل راعده وانهلت اثعوله

هل التزوير ياسلطان ماينفعهم التزوير=مدام قلوبهم فيها مرض والروس مغسوله
تقوله مير انا مادخل مجالس نافخين الكير=الي بين الرجال اهل المعزه صوله وجوله