يابن وايل عسى جدتك ترقع ثوبك المشقوق = وتعقل فالمجالس دون هرج ودون تصفيره !!
انا ياعقاب من ماض الليالي مافقدت حقوق = فقدت المكرفون وكيمره تلمع وتصويره !!

لقيت اوصافكم مع حرب نفس النهج والمنطوق = يشب النار واحد مير 10 تطفي النيره !!
اثر شرواك شفق ٍ للمصوّر يارفيع الذوق !! = يبا لك مع رجال العرف كم لفه وتدويره

الا ياللي تقيّم فالقبايل روق اقلّك روق = لو ان المعرفه ديره .. لقيتك خارج الديره !!
الا ياللي تقلّدنا لعلّك مايجيك العوق = ليا منك نويت الحج تعال اعطيك تاشيره !!

لو ان قلبك على اللي قد مضا ياصاحبي محروق = ورا ماتبذل المجهود والاخلاص والغيره !!
آنا حصلت تقديري بمجلس قوم برقا وروق = واخذت الاوله يوم ٍ غيري جته الاخيره

لو اسرائيل حاقت من فلسطين الابيه حوق = مصير القدس تتحرر ويشرد راعي الذيره !!
ترى العتبان قبلك ياجودي فهّمتهم فالسوق = والا يادبرة الله كل منكم يشعب بعيره !!