لوكان عيضه من ابعاد النظر=امداه ينقض لها يفتلها
ان طلعت الشمس مابان القمر=والديره اللي تبا محتلها

حنّا بنينا البنايه من حجر=واليوم فوقك يظلل ظلّها!!
تراك غلطان ما عندك خبر=ماغير تبغى الكبود اتعلّها!!

ابنايتك خدر ماهو من وبر =من صوف ضان العرب لعلها
ان كان يمحى نقوشن في صخر=آظن عيضه هذا طبلها

نبني بيوتًا مايخلفها الدهر=وأهل الغنم بالجمال انزلّها!!
يانجد جيناك من فوق وحدر=مافيه سكه ماعاد اندلّها!!

سريت ياعيضه بليلن غدر=وعلومنا ياولد باقلها
ناشبلك براس ضلعن من شهر=وان طعت شوري لاعاد اتفلها

لن ضاع قدر الشيوخ مع الجبر=ماضاع حب الهنوف لخلّها!!
ونهاية السالفه بالمختصر=بكره عليك السوف نسلها!!