| سعود العصيمي |
16-Jan-2010 07:55 PM |
نايف بن ملحق =
ياسعود العصيمي ماش غيرك خصيم=حسبي الله علي الدنيـاء وصكاتهـا
احتزم للمواقف وانت شاعر عصيم=والمعانـي تراهـا جـات حزاتهـا
سعود العصيمي=
من قديم الزمن وانا الخصيم الزعيم=كـل قـوم تميزهـا مقاماتـهـا.
سرها يابن ملحق وانت شاعر فهيم= ماتناسبك يانايـف معـي هاتهـا.
نايف بن ملحق =
ياهل وادي عصيل الزمل كله محيم=وام وجهين ويش اغفـر زلاتهـا
لاتغيشم وانا خابرك منتب غشيـم=والعرب ماتبا تحملـك شرهاتهـا
سعود العصيمي=
وردوها على نعـدٍ تعرفـه قديـم=وام ظرفيـن نعرفهـا بميزاتهـا.
كل ماجبت سين ايجيك للسين جيم=والعـرب لا تحاسبهـا بنياتهـا.
نايف بن ملحق =
يالعصيمي تري بي غفور رحيم=والقضيه تراهـا فـي ملفاتهـا
ياسعود انت لاجاهل ولانتب يتيم=من يعوم البحور ايعرف غباتها .
سعود العصيمي=
مالقينا طريقآ واضـح ومستقيـم=والمعاني تميزهـا علاماتهـا.!!؟
والعصيمي مايمشي غير دربٍ سليم=روح علم رجالٍ تسمع اصواتهـا!!
نايف بن ملحق =
ياهل المنتدي الي جوكم فيـه غيـم=اعـرف اقلوبكـم وعـرف نياتهـا
احد مرتاح في الدنياء واحد في جحيم=كـل نـاس بمذهبهـا وعاداتـهـا
سعود العصيمي=
اثرك اللي يشيل عظامها فالبريـم=مـد يمنـاك وامـدك بمداتـهـا.
انت ابن نعمه ولاعشت عيشة نعيم=والسبب من عمل نفسك وسيئاتها.
|
