عسي ربي يبارك فيك اعرفنك جذع وصغير=علي هونك وميز في كلامك وحسب احسابه
عطيتك علم وانته لاتحسبن الذهب قصدير=تري لن كان منتب ذيب غيرك يوجد اذيابه

انا ماني متابع للقناة اللي تبا تشفير = ليا زاد الجهل فوق الجهل عندي قفل بابه !!
بني تغلب ماعاد المجد فيهم غير فعل الزير = لكن اليوم كلٍ قام يمه يشعب ركابه !!

ياسلطان الجذع خابرك الك حشمه ولك تقدير=وبعض اصحابنا يضحك وهو معروف هندابه
تري لن كان ماتدري دفنت السر جوف البير=تري الخوه علي ماقيل ياسلطان غصابه

على كف الزمان الذيب يسري والطيور تطير = ورجلٍ مايسوي شئ لاينطق ولاجابه !!
عسى ربي يبارك فيك انا ادري وين رحت مغير = لكن اردعك والنهج الخطاء ماابغاك تضرابه !!

تري ماني مجامل معك مالك غير دهن السير=اعرفك طيرن ابرق مايجيب الصيد مخلابه
ياماشاءالله ياسلطان الجذع ياريس التجرير=تدور خير عند الناس مار الهون ترضابه