اخاف غنّا فيك ياعبدالحميد=والشعر عقبه صرت جد مطلقه
هات العلوم وجنب اسلوب البليد=اللي بيوت الشعر دايم تشرقه

يالربع معجب رجل من نوعه فريد=يشك في نفسه ولا عنده ثقه
وش لون تفهم مقص الخصم العنيد=والعين عميا و اليدين معوقه

المشاركة الأصلية كتبت بواسطة عبدالله الاصعر (المشاركة 972330) يالربع معجب رجل من نوعه فريد=يشك في نفسه ولا عنده ثقه وش لون تفهم مقص الخصم العنيد=والعين عميا و اليدين معوقه

والله يالولاي استحي لاقول عيد=لان الاذن عن بعض هرجك مغلقه
ياسرع ماضيّعت ياساع البريد=والواجب انك كل دربٍ تطرقه

المشاركة الأصلية كتبت بواسطة صاهود (المشاركة 972333) ههههههه خف الله يالاصعر انفضها من شليلك ليا صار معجب امعوقه يديه اجل مافينا صاحي ههههههه

عبدالله الاصعر

يامعجب انت تنسق بيوت القصيد=وش رايك اجيلك بقاف تنسقه
تراك يمكن يالعتيبي تستفيد=وركب تقافا عنك يمكن تلحقه

معجب العتيبي

ابو بشاير جاب جعله مايفيد=غيّر بيوت العز باكبر صندقه
يصعب عليه يحقق اللي له يريد=ويزيد نقده ويتلخبط منطقه

عبدالله الاصعر

لاتضلمه تراه نضراته بعيد=لو قال فيك الشعر صرت معلقه
مير اتركه وانا معي سيف حديد=سيف لا وقّع في خصيمي يشلقه

معجب العتيبي

اخاف غنّا فيك ياعبدالحميد=والشعر عقبه صرت جد مطلقه
هات العلوم وجنب اسلوب البليد=اللي بيوت الشعر دايم تشرقه

عبدالله الاصعر

يالربع معجب رجل من نوعه فريد=يشك في نفسه ولا عنده ثقه
وش لون تفهم مقصد الخصم العنيد=والعين عميا و اليدين معوقه

معجب العتيبي

والله يالولاي استحي لاقول عيد=لان الاذن عن بعض هرجك مغلقه
ياسرع ماضيّعت ياساع البريد=والواجب انك كل دربٍ تطرقه