يالسعيدي دوك راس العرف من روس العوارف=الشهر لازل يومً منه ماوالله يعودي
ان سكنا فالطرف ولا سكنا فالمشارف=ماتباعدنا هذيل اللي على حد الزيودي

بس اظن المعرفه ماتستوي مع رجل تارف = والعلوم الثانيه ماتخدم الرجل الرقودي !!
جاهل اللي مايعرف هذيل اهل مكه وخارف = والكويتي والعراقي حدها دون الهنودي !!

البحر ياهل البحر لاتغرفونه بالمغارف=كان مد وطالكم يشتالكم في راس عودي
يالسعيدي لاتطرفها ترا العالم طوارف=انت مسلم دينك الاسلام ماقلنا يهودي

لوّ ترضع شخب من ناقة شفيع اصبحت سارف = فالقصيد اللي مع العرّاف يرقابك سنودي !!
البدي واحد لكن السمكره جت فالرفارف = اجتمع سرب الذيابه والضباعه والاسودي !!