هذا اليوم اشوفك داعيه وامس نصاب=ولاهو يضحك غار شر البليه
ياصاهود ياصاهود ياشين الأعراب=تنصب على حكمن بليا رعيه

ترا الادمي تحذف ذنوبه ليا تاب=وانا تبت والتوبه نصوحه قويه
انا يوم اعد الحق مانيب كذاب=تتطلّع بشعبه فالهدا والحويه

تقوله بعد فرقت مابين الانساب=وتوبتك هذيه ماتمشي عليه
تجمعت انا واياك من فوق محراب=واناظنه يجازي حسانن بسيه

ترجيت فيك الخير مار الرجا خاب =ليا مت تدفع ذنب تهمتك ليه
لاتطمر علي الاسوار وادخل مع الباب=وانا اضمن لك التقدير يابوسميه

بعد ذقت علقه من معكفت الاشناب=تواريت ثم دنيتها هاشميه
افصل ثيابي مايفصل لي ثياب=وابه فرق بين العود والجاونيه

انا كل يوم اكسر علي الرؤؤس مشعاب=وترا الدمع ماعرّفه ولاني خويه
ثيابك ماتصلح كنها ثياب بنجاب=ياشين المهبي والثياب الهبيه