ظلالك ماستر حالك على البيدا بلا مــنـزال = وهــــاذي حــالة اللـي مثلكم محدٍ تغاربها
اثر عيد متوطيه الزمن حاله مايحسب حال = مدام اللقمه اللي حاشها بالحلق غصبها

انا لي حاجةٍ تعطى وصوت الحق فيها عال=ولاكن تتبع القشرى وتذهب مع مذاهبها
خذاها من بكت أمه تبا تفرح تشوف رجال=وكله لأجل لحيه زورها من تحت شاربها

مالك حاجه وملكك في شماغٍ ماعليه عقال = ولوهبت هبوب الوقت من فوقك تطيربها
مــدامـك ماتحوشبها ولا تكـسب وراها مال = تعاديكم مع الطرقه بــفعلك ما تصــاحبها

ياخيال المسمى فوق رأس لاح برق خيال=مع الأجواد ذكره مير ليش أنته مكذبها
أنا ماقلت لك عطني بلا مجهود ربع ريال=وأنا اللي شّد ريمه يوم حملي فوق غاربها

مصادر علمكم ياعيد بين الناس قيل وقال = خطاها يوم تريويها لنا من فوق صايبها
رسنها في يمين القرم ريح ياوسيع البال = وود الــعــلم كل القوم حاضرها وغايبها

يابن روق المفدا قالوا الأسواق بدلال=على ماقيل دسم شاربك لاقالوا اجلبها
حرارٍ ماتوقع غير في روس رجوم طوال=وضب القاع له حجرٍ ليادنت يخش بها

المشاركة الأصلية كتبت بواسطة عيد بن مرضي (المشاركة 961030) يابن روق المفدا قالوا الأسواق بدلال=على ماقيل دسم شاربك لاقالوا اجلبها حرارٍ ماتوقع غير في روس رجوم طوال=وضب القاع له حجرٍ ليادنت يخش بها