ابو لمار

لاتقول انك يامعجب ماتحب الشهره = لو رزقك الله بشهره تنقلب صهيوني
دامت انك مامعك فالعلم حيل وقدره = كيف تبقى هكذا من غير طعم ولوني

معجب العتيبي

لاوصلك الرد عجل في ثواني واقره=الكبر لله ياليت العرب يدروني
صاحبي بين الخلايق ماجهلنا قدره=لو نسوه الناس جر الصوت لاتنسوني

ابو لمار

من يموت ابدون علّه ليش ننبش قبره = مير هدّي سرعتك ياماسح الطبلوني
انت مثل اللي على النيران فايح قدره = صرت لعبه في يد اللاعب سواة السوني

معجب العتيبي

ذاك طبع اللي نفذ بين المشاكل صبره=مير لاتتهمني (أ)بها هيه يالملسوني
كل مجنونٍ يسولف عن خفايا صدره=لين كل الناس تستانس على المحنوني

من غلاتك لازم انّا فوق مثلك نشره = مير تبقى غالي" عندي ووسط عيوني
وش تحب من السوالف قوللي وش تكره = لو انا مجنون يمكن ربعك ايحسدوني

والله انه مالحقك خلاف غير الكشره=خلت العالم علاك تبيّح المكنوني
والله انه مايمل مع الرجال العشره=غير واحد في هواجيسه غدا مسجوني

من حفر حفره لاخوه يطيح وسط الحفره = لين يامعجب يصير بحفرته مدفوني
الله انه لايعيد اهل النوايا القشره = والسبايب كلها فالطاغيه فرعوني