انا ماغبطك ياللي تضرب الدنيا بدون حساب =اغبط اللي على وجه لفعل الجود ماريه
طبيعي لو يموت الداب تبلشنا فروخ الداب=ولكن المشاكل تنتهي لاماتت الحيه !

أبو خالد و لي العهد لو هو عن وطنكم غاب =رجع لارض الوطن من بعد رحلته العلاجيّه
تحت شمس الحقيقه زبدكم يا أهل الدعايه ذاب=و دعواكم تجاه الدين و أهل الدين كيديّه

ليا طاب ابو خالد عيشكم ياهل الجزيره طاب =صتيمه عقّبه عبدالعزيز من السديريه
تحت شمس الحقيقه يعرف الصادق من الكذاب =نبا نكتبلك الاسماء ونرسلها ببرقيه