المنادي لج بالصوت في كل الفجاج=والمساجد ما تبطل صلاة ولا قنوت
مار بين الناس شاوي وهمه فالنعاج=ملتزم بحدود بيته وخايف لايموت

للصلاه شروط ماهي على حسب المزاج=واختلافي في العقيده مع الشيعه ثبوت
فيه بين الناس من يارد العد الهماج=حده السيف الحدب للمضامي والوقوت

هد فالسرعة وصك القزاز عن العجاج=قبل اقول انك مع الخلق صورة دون صوت
ان عزلت النفس والناس في حال اندماج=حظك يثبتك تثبيت وايامك تشوت

صورتي صورت ملك لابس بدله وتاج=صجته طبله عرب مايعرفون السكوت
واشقر الجنحان ماله مع امثاله مداج=والطيور الي معك عنك لايمكن تفوت