علومك علومك نفسها راحت وجات = عسى انك تعدّيها بحيد السياجي
ترى المرجله ماهيب في كثر الاصوات = وانا دون ربعي عز راسي وتاجي

مطلق الفليت

سلامي على الشعار وعقاب بالذات =سميك .. سميك ياعقاب العواجي
وانا ما اجهل الكعبة ولا كل ميقات = اعرف المقيت وماه حلو وهماجي

عقاب العنزي

هلا مرحبابك بالنيابه لكن هات = علومك قبل لاتضيع وسط العجاجي
يقولون الاحيا ماهم حساب الاموات = لكل علة نلقى باثرها علاجي

مطلق الفليت

يدوم البقا ياعقاب لكن سلامات=انا اخبرك بيتك مابني من زجاجي
وترا اللي يجي ويروح ياعقاب بسكات=لامنجن بني عمه ولاهوب ناجي

عقاب العنزي

علومك علومك نفسها راحت وجات = عسى انك تعديها بحيد السياجي
ترى المرجله ماهيب في كثر الاصوات = وانا دون ربعي عز راسي وتاجي

انا مسلم ٍ خاشع بكل الصلوات = لكن ّ أشبك الكهرب بسلك البواجي
ترى اهل الابل ماتستمع فالقنوات = مدام النقايد جت من اهل الدجاجي