المشايخ مشايخ والهلامه هلامه=نمدحه للأجل ياصل بين عالي قممها
الجرب في بعيرٍ فوق رأسه خطامه=والمنيحه تعشي في حكم من وسمها

كل شيخ ٍ محدث ماخافنا مقامه = مير بعض المشايخ ودك تصك فمها
زاد شيبه وفي الاعيان قٌل احترامه = بعد زلة عن دروب المراجل قدمها

كيف يجهل ورجلٍ باديٍ في سلامه=اختلط العرب ويا العجم من عجمها
ذيب يسري على النايف ويطوي ظلامه=يوم أم القرين تنوح سيلٍ دحمها

المشاركة الأصلية كتبت بواسطة الشامان (المشاركة 953331) قمة الجزاله والعلم واصل رنيه

لايغرك سفيه ٍ مايثمن كلامه = لو تشوف العصا في كف يدٌه لزمها
سلعة ٍ ماتجمٌل طشها فالقمامه = قبل لاتنثر الخيشه علاكم فحمها

ماندور لخبل القوم عذر وملامه=والعدا نعرف الفارس ومن هو هزمها
الندم من سكن فالبيت يارث ندامه=عارفين العرب وقريش تعبد صنمها