مدارسك ماتعطي شهادات وافلوس=ماغير اللحن يالاح يالاح لاحي
ترا لا تباعد لو نكرّع من الكووس=مادام الزمن يضحك لقرن الوضاحي

تعبنا معك فالعلم مير انت منحوس = تدوّر على المكروه قبل المباحي
لو انك تنوّر فوق راسك بفانوس = كلام الحقيقه مثل نور الصباحي

لاوالله ظهر في داخل الدم فيروس=علي ادنا سبب تنقل عصاك وتناحي
انا ماخذ الحكمه من انسان دبوس=اعرف الطيور اللي ترف الجناحي

يجوز اغسلوا مخك نهار انت محبوس = تحسب الكلام الجد مثل المزاحي
هذا اكبر دليل انك مهرقل ومحيوس = وقدرك على نيران الاجواد فاحي

نهار السجن ماطحت للهند والروس=ذبحت المسجن واطلقولي سراحي
لو اني سواتك مكثر المدح والبوس=كليت الضحيه يوم ذبح الاضاحي