مصر نكبتها لك الله جات من فاروقة= باعها للانقليز وعمّة النصراني!!
مير علم ربعنا برقا وقل للروقة= والله انّا مانحب المذهب العلماني!!

لاتلد العين في نوٍ تلوح بروقه = وانت ماتحسب من اهل الابل واهل الضاني
العسل حالي ومن هو باللسان يذوقه = يمكن انه كل ليلة يزعج العرباني

ماجنينا التمر من نخلٍ يباس عذوقة= تمرها ياسعود زادٍ لبرق الجنحاني
صاحبك مرزوق يلعبّة ولد مرزوقة= لا تقول انّه شجيع وفارس الميداني

لاتجي للمحكمة بالحجة المطقوقة = عندنا ماتُقبل الحجة بلا برهاني
موتر لاشافه السواق قام يسوقه = في حراج السوق بعته با ارخص الاثماني