ما أنت راعي مرحبا ..مير أحسن المولى عزايه=فالسلام اللّي.. خساره لا وصل نفسً رديّه!!
مير أنا رجال وأحذف زلة الطيّب ورايه=نظرتي قدّام ..وشدادي على ظهر المطيه!!

والله انّي عن طريق الحق مازلّت خطايه = في محلّك دارت الهرجه وهات الشاذليّه !!
فيك خير .. وفيك شر .. وفيك كبره .. (والنهايه؟) = انت بكره فالتراب الدّود ينخر فاللحيّه !!

اللقافه عند أهلها صايره ورث وهوايه=وأنت لو عندك شوية عقل ماجبت الخطيه!!
ليت فواز السعيدي حط في جيبه مرايه=لين يعرف ويش طوله؟ جنب برج الفيصليه!!

روّحت ياكبتن عتيبه ولاهي عاد جايه = اضمنوها ياعتيبه ( غلطة الشاطر بميّه ) !!
مخ ساقك جفّ ياكبتن من اسباب العنايه = خاب ظنّي فيك (طلّعنا حقيقتك الخفيّه ) !!