انته بدون مجامله تضيق ولا ما تضيق=في حالتك نعم الرجال في حالنا مالك لوا




الله الله طاروق اكثر من رائع




دائماً لقاءات مستور والزلامي وحبيب وملفي مميزه وقويه ورائعه أي طاروق يجمع اثنين منهم يكون افضل قاف فالحفله كلها

سلام تسليـم المسافـر للمسافـر فالطريـقطرقي وقابل طرقي(ن )ثاني وطرقتهـم سـوا


ياسلالالالالالالالام يابو فيصل على الابدااااااااااع تجبر اللي ما يعرف يلعب يلعب معك صح فما بالك اذا كان الخصم ملفي المورقي

هنا يجتمع الابداع في سلة واحدة ونخرج بمحاورة قمه كشعراءها

لاهنت يابو فائح على نقل هذه الرائعه

اولا تسلم يمينك يا ابو فايح على هالطاروق الكايف



ثانيا اسمح لي اقول ان تفسيرك للمعنى غير صحيح مع انك اكثر خبره مني

وانا اتعلم منك .. لكن انا اراهن على المعنى .

اتمنى قبول وجهة نظري .

غريبه يا ابو فايح


انا ودي استفيد منك ولي وجهة نظر


اما اقنعتني والا اقنعتك .


ما فيه داعي تتجاهل الموضوع

هذا الامل فيك يا ابو فايح

اما بالنسبه للمعنى اتوقع انه في بحر السياسه .

حبيب يقول


وليا لقيت المورقي ماعاد ابا غيـره صديـق
......بسم الله امطر يا صدوق الغيث واسكر يا هواء

يعني ملفي يفهم حبيب ويعرف معناه قبل لايرمزم له باي رمز .


رد وقال ملفي المورقي



يا صاحبي ياصاحبي كني على قلبك مويق
.....................انا تراني حضرة الدكتور وابشر بالـدواء


يعني ان عرفت هدفك ما يحتاج .








وقال حبيب


السيل من وادي حنيفه لو وصل وادي العقيق
..............ما كان توحي فالصحاري القاحله ذيب(ن) عوا

واضح اتوقع .


وقال حبيب بعد


مـدري نخليهـا زهـر ولا نولعهـا حريـق
.....................إلكـل أمـرا عاقبـه ولكـل امـرؤ مـانـوا


تحذير وتخوف من عواقب






قال المورقي




ابشرك ماهوب رايح ينطحه عارض طويـق
.............ماتدري ان طويق قدامـه تحـادى والتـوا

واضح بعد بلا شك

وقال ملفي



وقال حبيب


يا شيخ لا تسحب عباتك من فريق اليا فريق
..............................انته رفيع المستوى خلك رفيـع المستـوى

لورجعت لايام المحاوره عرفت المعنى بالضبط والمقصود ماهوب ملفي .











وقال المورقي




يوم اتمشا يا حبيـب بيـن ركبـه والمضيـق
............اخير عندي من خميس مشيط وعيون الجـوا

يعني لو كان المقصود ما كان رد كذا .




قال حبيب العازمي




انته بدون مجامله تضيق ولا ما تضيق
.......................في حالتك نعم الرجال في حالنا مالك لوا


يعني انت اهم شي عندك ما يخصك من امور
وانك كفوا فالامور هاذي






ملفي المورقي




انا يتيم الطبع لا اخو ولا ولد عمن شقيـق
.............هذاك يزعل مايداني الهرج والثانـي حـوا


مافيه داعي اوضح .





هذا اللي انا فهمته من الطاروق

ويمكني مصيب ويمكني مخطي .


وسلامتك

المثالي شكرا لك على اجتهادك لكنك ما أصبت في تفسير المعنى

المعنى واضح يخص ملفي فقط

شبل مرجح الموازين


انا اراهن على الكلام هذا واقطع بها يمناي

كات انا غلطان .



واتمنى ان مناي واحد له علاقه بالشاعرين

والا اللي كانوا فالحفله مستور وزيد والقرقاح


ان يتأكد منهم .


وانا اتحدا واراهن على ما قول ..


وترا اختلاف الراي لايفسد للود قضيه .


لكن لعل احد الاخوان يجيب لنا العلم اليقين .


اعذروني كان حصل خطا