الروى هداج ماتنشد صدوره عن وروده = حت لو منته بداريبه ترى غيرك درابه
شرهةالقايد على ضباطه وسربة جنوده =كل مايبدي بعلم زين عود وانتهابه

يالعطاوي كل عد(ن) عارف(ن) نقصه وزوده = وكل علم(ن) منك يا ابو عيد محسوب(ن) حسابه
تعرف ان الرجل عزه يالسنافي من عضوده = والعلوم علوم يا حاكم ومعضمها تشابه

الخيال اللي بروقه فالسما تسبق رعوده =خايله قدام لايمطر على راسك سحابه
اقتصاد العالم الثالث نعرفه من ركوده =خاسرٍ من باع فيه وخاسرٍ منهو شرابه

الشجيع اللي عضامه ما تجي فيها البروده = وا عذاب اللي وقف قدام وجهه وعذابه
انت ما انت بفاهم(ن) فالاقتصاد ولا بنوده = ريح افكارك وخل العلم عند اهل المهابه

اليمن لو يقدرون يحررونه من زيوده =تنتهي بعض العلوم اللي مثل قوس الربابه
ابرص الخدين لو يصبغ من المرهم خدوده =والله انه مايغير واديٍ سيله جرابه