الهيـــــــــــــلا *** منتدى قبيلة عتيبة

- منتدى شاعر المليون (http://www.otaibah.net/m/forumdisplay.php?f=82)

- - بندر بن محيا تحت المجهر (http://www.otaibah.net/m/showthread.php?t=57969)

بندر باستطاعته ان يكتب التقليدي البحت كما قال الاستاذ
راشد الدوسري ولعل هذه القصيدة هي اكبر دليل على ان هذا الشاعر يتنقل بحرفيه عالية بين التقليدي، والشعر المجدد.

الصبر وين الصبر يارابط الجاش=الصبر بعض احيان مايـْوكلك عيش
مثل المحال اللي طوى حال الادباش=ومثل الظما على الكبود المعاطيش
فالصدر ضيق وينقش القلب منقاش=وتبغاني اصبر واحتسب وقفتي ليش؟؟
أصلاً انا ماجيت ابيع الهوى كاش=لو زوّدو سـعر الهوى بالبخاشـيـش..
ياعنك كن الارض لي غرفة انعاش=افزع وقم رد البرى جعلك تعيـش
من صاحب ٍ خلاّ سما الفكر ينداش=اللي ينقّض ضافيات العكاريـش
اللي تركني كل ليله ومغباش=اسوق رجلي في طوال المطاريش
لاهـــوب لاناير ولانيب منحاش=ولاحصل صـّده ولــّـده وتطنيش !
قله رفيقك مبلش ٍ حاله ابلاش=عقبك حياته كلها طيش في طيش..
وقله خذ عيونه غطا برد وفراش=وله بحر شعر ٍ مااسبحوه الطواويش
عسى دياره بين سجه ومطراش=لحقوق غيم ٍ مع مطرها مراهـيش
يمطر ثلاث ايام من وبل ورشاش=على الصفا وارض ٍ وطاها هشاهيش
عليه وجدي تارك ٍ قلبي عراش=ومسوي ٍ في موجة البال تشويش!
وعرق الردى في صامد الراس ماعاش=لو مرّني راع الثمان المباهيش...
ولانيب لا لاش ٍ ولا اخاوي اللاش =ولاحسبت حــساب الايام بالشيش!
ياصاحبي من يوم بعض العرب طاش= يكفيني اني من شيوخ الحناتيش..
هل النياق اللي عراقيبها حراش=وهل السيوف الساطيات المباطيش
واللي تثلثل فوق علباه الاعشاش=محسوب ٍ حساب الضعوف الدراويش
وهدر العماني مايقارن بالاكباش=والنصر مايفعل فعول اشقر الريش
والصدق مايطري على بال غشاش=والخبل خبل ولو مشى مع مداغيش
وعميش لوانه ظهر مثل عمـَاش=الطـيب مايحصر بعماش وعميش
الطيب واضح في عيون ٍ بها ارماش=مثل الجدي واضح على غير تفتيش
ياسعود سيّرها بمرقاب ومشاش=وشش في وجيه ٍ يمك تهوز وتشيش
خابرك انا ياعالي البطش بطاش=ياشوق من تلبس زمام ودناديش...
يوم النوايا لونها كنه الشاش=عطني علوم اللي جفا يااشقر الريش

بندر المحيا العتيبي

بندر المحيـا

قمــــــــــ في الابـدا ع ــ ـــــــــــه

وبيض الله وجه أ/ راشد الدوسري

وعلى قولة بدر صفوق ( بندر له طابعه الخاااص تعني بندر بالذاات)

بالتووفيق ان شاء الله لبنـدر

.. يعطيك العافيه

بندر بن محيا شاعر جزل ونجم صاعد وواعد نتمنى له التوفيق

ولك التقدير والإحترام

بيض الله وجهك

يالعازمي

لا عدمنا حضورك الرائع

بسم الله الرحمن الرحيم

السلام عليكم ورحمة الله وبركاتة

تسلم ياخوي العازمي ويسلم الدوسري والله يعطيكم العافية

بندر بن محيا يذكرني بنايف صقر سبحان الله نفس الالقاء ونفس الاسلوب حتى في نفس المعاني والرموز عموما بندر بن محيا شاعر بمعنى الكلمة الله يوفقه ويوفق جميع الشعرا ء المبدعين

وتقبل تحياتي

يعطيك العافية

وبصراحة الشاعر بندر المحياء شاعر كبير واناء بصراحة اعتبرة خليف الشاعر نايف صقر

يستاهل بندر

أنا اختلف مع الأخوان اللي يقولون يشبه نايف صقر،

كل مافالامر ان بندر "يختار المفردة بعد جهد" واعتقد ان له منهجه وله خطه بعيد عن نايف اللي يكتب شعر خاص فيه

اتمنى مانظلم بندر ولانايف بهالشي لان هذا غير صحي!!

واتمنى ما نظلم النجوم الشابة على حساب شعراء سبقوهم،

:)

.

قصيده مسنده على الشاعر نايف بن عبيد بن جليغم القحطاني

.

.

ياراكب اللي كنه النشمي ليا صاح النذير =اليا انتخت مجمولة ٍ ذبت فالارض خمارها
جيب ٍ ليامن داس له سواقه بحزة عصير=يطيّر ارض ٍ لامشى فيها يطير غبارهــا
حنت سيوره كنها الى اشتغل هدرة بعير=على سواني من ربط محالته واكوارها!
يظهر ثرى ارض ٍ بعّد الما عن محاجرها الهجير!=ويدني بلاد ٍ تتعب الركبان في مسفارها
النور غاز ولايطق اليا سرى النور القصير=برق ٍ يصب من الرفيف بقــاع الارض امطارها!
مراتبه مخمل وجلد ٍ ناعم ٍ كنه حرير=وسيوره تهوجس ودلكـّوه يبيح اسرارها
كنه ليا راوْدته الطرقه وشفته يسـتدير=شيخ ٍ تعازمه الرجال كبـارها وصـغارها
والياوقف كنه خلف هذال قدام الامير=يلقي قصيده فالوطن ويعد فعل اخيارها
لونه (نحر) عذراً على العشـاق شر ٍ مستطير=في لبة ٍ ماتفرقـه لا لبْــست اكـسـسـوارها
لاديس له تقول توحي من ورى الصدر الزفير=ولاريـّـحه كن الكفر تصالحت مع قارها
واليا رسى كنه يقول اليوم تحديد المصير=ومسرى الليالي طاب جايدها وقطف ثمارها!
عقب انهزم ثلثين ليل وحوّل الثلث الأخير=وخيل الهواجس حطت الضلع القصي مضمـارها
ينصى شـجاع ٍ من نسـل قحطان مروية الشـطير=السـربه اللي عالية شـان وعلا مــقــدارهــا
ذوي جليغم رحمة المسـجون فاليوم العسير =لاوّصل الدم الركب والخيل في مـثــارهـا
وانا من رجال ٍ لهم وقفه لياغار المغير =لـطـامــة العايـل ومكرمة الضيوف بدارها
اعـتيبه الهيلا هل الطولات حامية القصير=يكفيك لاعدوّا مع الأيـام فـعـل احـرارها
ويانايف ابن عبيد مادونك يابوجليغم شوير=والناس من دونك مااشاورها ولا ابغى شـارها
عطني حلول المسأله والوضع من تالي خطير=قـبل الليـــالي ياولــد ماتتخذ قــرارهــا
مع عالم ٍ ماعاد تعطي لاقليل ولاكثير=والمشكله انه مالقى مع كل هذا غارهــا!
وش حيلته لامن وقف مابين برد وزمهرير=مابين برد وزمهرير وبين شعلة نـارهـا!
اليا حضر ماينصفونه وان سكت ماهو بـخير=وان غاب قالوا حجة الغايب خذت شــعّارهـا
والرازق الله والحســود اللي على الرقـه يسير=ماطوّل بعمر البشــر ولاقصـْـر فـــ اعمــارهــا
يالشــاعر المبدع وانا شاعر ولي قلب وضمير =يوم الضمايـر فالخفا يجُــاد لعب ادوارهــا
وقال المثل أسأل مجرب قبل ماتسأل خبير=وانته من اهل الفكره اللي ينظر بمنظارهــا
رد الجواب لشــاعر ٍ ماخاف لاصــاح النذير=ومسرى الليالي طاب جايدها وقطف ثمارها

بـنــدر بـن مـحــيــّـا
اسلوب شعري (خاص فيه) ماشاء الله عليه حتى القصايد اللي على الطرق الاول :)

والله ونعم في بندر المحيا شاعر مبدع ورائع وسيثبت وجوده في الايام القادمه وعلى طاري عمل بندر انا سمعت انه معلم ويدرس في مدرسة
تمير التابعه لسدير على طريق القصيم وانا الي قالي العلم هذا معلم في تمير و قال بعد انه بصوتله وشكرا

اخوي رجال اشكرك علي ما قدمت . وبندر بن محياء يستاهل .

شاعر متمكن وننتظر المرحله القادمه. والتصويت جاهز لابن محياء

وباقي شعراء عتيبه.