حبيب العازمي

سلام الله سلام فيه حذف وكتف يا مستور///وفيه من العلوم اللي تخصك وانت خابرها

مستور العصيمي
أنا ما قلت لك سلم عليه يا عديم الشور///علومك يا حبيب كلها عندي مصادرها

بدع طيب ورد طيب

سلام حبيب فيه شر حذف وكتف

ورد مستور

انا ماقلتك سلم عطنا من الاخر ياحبيب واعلومك خابرها

صياف

العازمي كل ماصلي القيام اطيح طاقيته = وان كان جابو له الثنتين لا يزعل علشانها

حبيب

العازمي حسنته في صاحبه غطت علي سيته =وليا وزنها علي الميزان مايختل ميزانها

مدري كتب من قبل او لا

ترحيبة حبيب اعتبرها من اقوى واعجب البيوت في تاريخ المحاورة

يامرحبا يالسدارى ياخوال الملوك ...............في حلة عتيبة الهيلا خوال النبي

اح








قويه قويه كيف مشت على حبيب

من أقوى المحاورات التي جمعت الشاعرين الكبيرين عبدالله المسعودي ومستور العصيمي


ونلاحظ فيها قوة الفتل والنقض وقد ذكرها مستور العصيمي في أحد اللقاءات بأنها أقوى


محاوراته التي لعبها في مسيرته الشعريه .



المسعودي


سلام الله عليكم عد مايبدي الورق فالعـود**نبـا منـك السوالـف وانــت يامسـتـور هذبـهـا
علامك يالعصيمي تختلف فالوعد والموعود**وانـا خابـر وراك رجــال تفـتـل فــي شواربـهـا



مستـور


هـلا يامرحبـا حييـت ياشـاعـر بـنـي مسـعـود**تــدور للسـوالـف مــن عتيـبـي يجيـك ابـهــا
نهار انا تواعدنا على وضح النقا المجرود**بهيبـتـنـا كـسـرنـا الـقــوم قـبــل انـــا نحـاربـهـا




المسعودي


بغيتـوا يـوم جيتـوا مالقيـتـوا غـايـة المقـصـود**ومنهـو ذل لـه مـن علـة مـامـات غـيـر ابـهـا
نهارك صادفه رمضا واصابتك الليال السود**وحـنـا خابـريـن اســود سمـحـه مـــن ثعالـبـهـا




مستـور


ياعبدالله لابد العلم يطلع فيه نقص وزود**وانا اصحح علوم الصـدق والكذبـه نكذبهـا
تـدورنــا وتعـزمـنـا لـضـيـفـه بـابـهــا مــــردود**تهاون بالعزيمه مانت داري عن عواقبهـا



المسعودي


تبا تزبن على الحيد الزبين وتبذل المجهود**سـواة الغـاوي اللـي مخلـف الساقـه وعاقبـهـا
لكـنـك حــج واحــرم والفريـضـه بابـهـا مـريـود**ليا صح البـدن باقـي المراجـل مـن مكاسبهـا




مستـور


ليامنك جحدت اللي حصل عندي عليك شهود**شــهــود تـشـهــد انــــك سـبـهــا وانــــك سبـايـبـهـا
لـقـيـت إيـدامـهـا قـدامـهـا فـــي سـبـلـك الـمـمــدود**وبعض الناس وشهـو عذرهـا فـي تـرك واجبهـا




المسعودي


تلحقهـا بعـد راحـت علـيـك وفـاتـك العنـقـود**تـلــد بـعـيـن والا عـيــن مـاتـقـدر تـلــد ابـهــا
تهز البندق اللي تاكل الصفره مع العبرود**ولـو يرمـي بهـا الرمـاي ضايعـةٍ مضاربـهـا




مستـور


اظــنــك مـاسـمـعـت الــلــي يــنــادي والـعـبــاد رقــــود**عـديـم المعـرفـه يـدعـي عـلـى الصنـعـه وصاحبـهـا
بعد حاشتني الطرقه وجيت انشد عن اهل الجود**واثـــرهــــا مــقــبـــره لـقــبــورهــا تــشــهـــد نـصـايـبــهــا

اختيار ينم عن رقي ذائقتك والحقيقة قكرة هذا البيت لم تتداول شعريا الى بعد هذا البيت

رغم انها حقيقة تاريخية....وما اغتقد فيه عتيبي مايحفظه

البيت قوي جدا جدا جدا .. وفيه دهاء ماهو طبيعي ..!!

بس فيه احد الاخوان هنا .. ما يحضرني اسمه او الموضوع اللي انكتب فيه .. ينفي ان هالبيت لحبيب العازمي ..!!

واتمنى من الاخوان يفيدونا عن هذا البيت .. لأنه ذهب ..!!

بيت عادئ كل واحد يقر يسويه

الحين بيت حبيب العازمي


يا مرحبا يالسدارى يا خوال الملوك...في حلة عتيبه الهيلا خوال النبي


ههههههههههه انا اشوفك مستقعد لحبيب فموضوعي شوي وتغلط على حبيب بعد


وطلع الان ردك هنا بيت حبيب هذا عادي برايك


ليتك سلمت منها بس نرى حبيب عتيبي احفظ للرجال حقه مو تقلل منه بموضوعي وتقلل منه هنا


بيبقي حبيب العازمي افضل شعراء عتيبه بطيب ولا غصب


والقبايل تشهد له ما جت عليك انت يوم تنقص قدره بموضوعي وهنا