راع الخطا وش لون يبدا بالتشرّه و العتاب=هذاك جدّك و انته بناخيه ما هو جدّ لي
لا و الله ألاّ طاب فالك في هذاه الليل طاب=عليك شدّينا الحموله يالبعير الساحلي

المشاركة الأصلية كتبت بواسطة علي فلاح العضياني (المشاركة 841049) راع الخطا وش لون يبدا بالتشرّه و العتاب=هذاك جدّك و انته بناخيه ما هو جدّ لي لا و الله ألاّ طاب فالك في هذاه الليل طاب=عليك شدّينا الحموله يالبعير الساحلي

كبتن عتيبة

سلام ردَّيه تُمْرّ ومرّها مرَّ السحاب=اللَّي صدور الناس من حبُّه تفيض وتمتلي!!
عسى حضورك يا علي..مثل المطر عقب الغياب=أُمَّا حضوراً هكذا..ولاَّ لا تحضر ياعلي!!

علي فلاح العضياني

يا مرحبا ترحيبةٍ يحسب لها الكبتن حساب=على سلوم أهل الكرم و الجود و المخرج ملي
ما ينقفل للشّرّ باب و ينفتح للخير باب=إلاّ ليا جيتك و أنا طيّب و حظّي معتلي

كبتن عتيبة

الليله أنته فاختبار الشْعر..وسْؤَال وجواب=علّل,, ودلّل,, وأشرح الأبيات,,وأكمل مايلي..!!
ماني بقايل ياعلي..لن رحت جعلك للذهاب=لن رحت ننحر لك جمل..وان جيت نذبح لك طلي!!

علي فلاح العضياني

إن كنت ابو زيد الهلالي ... معك إبن غانم ذياب=لا تحسب انّك فارسٍ فالمعركه مالك حلي
إن غبت عنكم صارت أيامك مثل لون الغراب=و ان جيتكم كل الظلام اللي عليكم ينجلي

كبتن عتيبة

يافارس الفرّيس ياللّي لا تذل ولا تهاب=استسلم الليله لنا والاّ نلقيك الخلي!!
ما ادوَّر الشلفا ليا حصَّلت مصقول النصاب=وأنت ابتليت ثبيت مير الله يعين المبتلي!!

علي فلاح العضياني

لا والله ألاّ حطّك الله بين ضرس و بين ناب=حيلك برد في ساعة الشدّه و كبدك تصطلي
شمس الحقيقه ما حجبها لا غيوم و لا ضباب=صارت مثل ما قلت لك ما هي مثل ما قلت لي

كبتن عتيبة

يامبعد الجنّه عن الغاوين ياقرب العذاب=مير أنت حدَّد منزلك قبل تحدَّد منزلي!!
أنت مولّع فالحياه وصارت أحلامك سراب=لكن خلَّك فالمحاني والله الوالي ولي!!

علي فلاح العضياني

يا كبتن عتيبه ترى ما فيك زود عن الشباب=في كل ليل أقلقل الشعار في زيت القلي
من يحسن بدنيا يجزاه الله بحسن الثواب=عملك في دنياك وشهو ؟ مالك و مال عملي

كبتن عتيبة

أثر جناح الصقر ماينعد مع جناح الذباب=حسب كلام صحيبنا اللّي داخل الزيت يغلي!!
شعر الدجيما سبَّب الكم يابني روق أكتئياب=تبكون لا اوحيتوا قصيدة(واوجودي ياهلي)

علي فلاح العضياني

تحذف ... بعد ما طحت فالطاسه و غثربت الشراب=على ما قال المالكي و الشافعي و الحنبلي
لفّيت و انته تطرق الــــ (200 ) و أحدثت إنقلاب=عقلك خفيّف مثل عقل المنقره شاعر بلي

كبتن عتيبة

الله يسامح من يحسب المخطيه مثل الصواب=يالشاعر اللّي عشت فالحرَّه وجدّك في حلي!!
كبرت وهانت ياوسيع المعرفه والقاف شاب=وهداج تيماء مانقص ياللَّي تميحون الدلي!!

علي فلاح العضياني

راع الخطا وش لون يبدا بالتشرّه و العتاب=هذاك جدّك و انته بناخيه ما هو جدّ لي
لا و الله ألاّ طاب فالك في هذاه الليل طاب=عليك شدّينا الحموله يالبعير الساحلي

المشاركة الأصلية كتبت بواسطة ابو لمار (المشاركة 841047) هههههههههههههههه انا اشهد ان العود لحمه مر مايصلح مقلقل ان كان كبسه بالبهارات ههههههههههههه