الهيـــــــــــــلا *** منتدى قبيلة عتيبة
صفحة 14 من 16 « الأولى 41213 14 1516
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   هنـــــــــــــــــــــــــــــا انطلاق المحـــاوره المباشره لهذه الليله 24/4/1430هــ (http://www.otaibah.net/m/showthread.php?t=89552)

قادح شرار 20-Apr-2009 09:53 PM
اقتباس:
المشاركة الأصلية كتبت بواسطة هايل العتيبـــي (المشاركة 841029)


حظورك متألق يابو فايح ...:)وياهلا ومرحبابك..

وان ملتوا علينا ملنا عليكم ...العين بالعين ....:)

..........

هات خشمك أحبه يا هايل ...

أبو فايح هذه يحضـّر البكالريوس في الأجرام ... مير الله وليّه ...

هاوي511 20-Apr-2009 09:53 PM
اقتباس:
المشاركة الأصلية كتبت بواسطة بندر المرشدي (المشاركة 841032)
‏محمد العتيبي, ‏محمد بن رشيد, ‏مرزوق حمدان العتيبي*, ‏المعتصم بالله, ‏النشمي, ‏الطيب 2009, ‏القائد ركن طيار, ‏ابو لمار, ‏ابن سرحان الثبيتي, ‏ابو عطا, ‏ابو فايح, ‏بدر الكريزي, ‏بناخي الايداء, ‏علي فلاح العضياني, ‏عبدالمجيد العطاوي, ‏عبدالله الاصعر, ‏عبدالله الجـــذع, ‏غريب داخل بلاده, ‏هايل العتيبـــي, ‏هاوي511, ‏ناصر الجلاه, ‏وصل العطياني؟؟؟*, ‏قادح شرار, ‏كبتن عتيبه




يالله انك تحيي الجميع شرفتونا
زاد شرفك يا طويل العمر :)

بدر الكريزي 20-Apr-2009 09:53 PM

كبتن عتيبة × علي بن فلاح


صحت السنتكم ..

و بيض الله وجيهكم ..

محمد العتيبي 20-Apr-2009 09:54 PM
اقتباس:
المشاركة الأصلية كتبت بواسطة كبتن عتيبه (المشاركة 841030)
الله الله

الله يسامح من يحسب المخطيه مثل الصواب=يالشاعر اللّي عشت فالحرَّه وجدّك في حلي!!
كبرت وهانت ياوسيع المعرفه والقاف شاب=وهداج تيماء مانقص ياللَّي تميحون الدلي!!

تصبحون على خير


واشكركم على حضوركم الرائع


وصح لسانك يابو فلاح



الله الله الله

ختااااامها مسك ياكبتن ..

صح لسااانك وصح لسااان ابو فلاااح

تحيتي
...

فهيد الايدا المورقي 20-Apr-2009 09:54 PM
ابداااااااااااااااااااااع



من الجميع




طاروق حامي



الكبتن---الفالح


صحت السنتكم جميع

ابو فايح 20-Apr-2009 09:54 PM
صحت السنتكم طاروق ممتع جدا في قلي وحمس وامور خطيره امتعتونا بها

@ـايل 20-Apr-2009 09:54 PM
تصبحون على خير جميع شعّار وصفوف ..وجماهير وزوار ...

ليله من احسن الليالي ...

بيض الله وجيهكم ....

...........

بندر المرشدي 20-Apr-2009 09:57 PM
كبتن عتيبة


سلام ردَّيه تُمْرّ ومرّها مرَّ السحاب=اللَّي صدور الناس من حبُّه تفيض وتمتلي!!
عسى حضورك يا علي..مثل المطر عقب الغياب=أُمَّا حضوراً هكذا..ولاَّ لا تحضر ياعلي!!


علي فلاح العضياني



يا مرحبا ترحيبةٍ يحسب لها الكبتن حساب=على سلوم أهل الكرم و الجود و المخرج ملي
ما ينقفل للشّرّ باب و ينفتح للخير باب=إلاّ ليا جيتك و أنا طيّب و حظّي معتلي


كبتن عتيبة




الليله أنته فاختبار الشْعر..وسْؤَال وجواب=علّل,, ودلّل,, وأشرح الأبيات,,وأكمل مايلي..!!
ماني بقايل ياعلي..لن رحت جعلك للذهاب=لن رحت ننحر لك جمل..وان جيت نذبح لك طلي!!

علي فلاح العضياني



إن كنت ابو زيد الهلالي ... معك إبن غانم ذياب=لا تحسب انّك فارسٍ فالمعركه مالك حلي
إن غبت عنكم صارت أيامك مثل لون الغراب=و ان جيتكم كل الظلام اللي عليكم ينجلي


كبتن عتيبة


يافارس الفرّيس ياللّي لا تذل ولا تهاب=استسلم الليله لنا والاّ نلقيك الخلي!!
ما ادوَّر الشلفا ليا حصَّلت مصقول النصاب=وأنت ابتليت ثبيت مير الله يعين المبتلي!!


علي فلاح العضياني


لا والله ألاّ حطّك الله بين ضرس و بين ناب=حيلك برد في ساعة الشدّه و كبدك تصطلي
شمس الحقيقه ما حجبها لا غيوم و لا ضباب=صارت مثل ما قلت لك ما هي مثل ما قلت لي


كبتن عتيبة



يامبعد الجنّه عن الغاوين ياقرب العذاب=مير أنت حدَّد منزلك قبل تحدَّد منزلي!!
أنت مولّع فالحياه وصارت أحلامك سراب=لكن خلَّك فالمحاني والله الوالي ولي!!



علي فلاح العضياني



يا كبتن عتيبه ترى ما فيك زود عن الشباب=في كل ليل أقلقل الشعار في زيت القلي
من يحسن بدنيا يجزاه الله بحسن الثواب=عملك في دنياك وشهو ؟ مالك و مال عملي



كبتن عتيبة



أثر جناح الصقر ماينعد مع جناح الذباب=حسب كلام صحيبنا اللّي داخل الزيت يغلي!!
شعر الدجيما سبَّب الكم يابني روق أكتئياب=تبكون لا اوحيتوا قصيدة(واوجودي ياهلي)

علي فلاح العضياني


تحذف ... بعد ما طحت فالطاسه و غثربت الشراب=على ما قال المالكي و الشافعي و الحنبلي
لفّيت و انته تطرق الــــ (200 ) و أحدثت إنقلاب=عقلك خفيّف مثل عقل المنقره شاعر بلي


كبتن عتيبة


الله يسامح من يحسب المخطيه مثل الصواب=يالشاعر اللّي عشت فالحرَّه وجدّك في حلي!!
كبرت وهانت ياوسيع المعرفه والقاف شاب=وهداج تيماء مانقص ياللَّي تميحون الدلي!!

وصل العطياني؟؟؟ 20-Apr-2009 09:57 PM
بيض الله وجيهكم ...

ابدعتوا وامتعتوا ...

والشكر لمن نظّم المحاورة ...

ولكلّ من حضر معنا هنا :)



تحياااااااااااااتي

بندر المرشدي 20-Apr-2009 09:58 PM
شعراءنا الله يبيض وجيهكم

جمهورنا مشكورين على الحضور والمتابعة



تصبحون على خير جميعا


الساعة الآن »07:48 AM.
صفحة 14 من 16 « الأولى 41213 14 1516
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd