رفعت كفي ماقدرت ارفع الصوت = لو كان فالخاطر كلام ٍ كتمته
لحظه وداع وكنها سكرة الموت = ضاع الطريق اللي من اول رسمته
ضاع الطريق وصرت في الدرب مبهوت = مدري وش اللي فاتني ما اغتنمته !
العمر مرّ وراح مع فايت الفوت = صحيح ضعت وضاع حلم ٍ حلمته
الا انت ياللي قربك لروحي القوت = لو غبت يبقى وسمك اللي وسمته
يبقى كما نقش ٍ على الصخر منحوت = حفظته بشكله ولونه وسمتّه
مهما الفراق اوجاع والبعد ممقوت = اصبح مصير ٍ من غلاك احترمته
دمع النصر لو طاح من ( عين جالوت ) = ( عين العقل ) دمع ٍ تكنّه / حشمته
ذخرت لك يافرحة العمر تابوت = فيه الغرام اللي بديته ختمته
يبقى الغصن لو مابقى فالغصن توت = تحرك انسام الذعاذيع .. صمته
سكّت وانا من موادعك مكبوت = شي ٍ تجاهلته .. وشي ٍ فهمته
حبل الرجاء من جور الايام مفلوت = ياليت قلبي عن غرامك عصمته
ياما بنيت بيوت وبيوت وبيوت = اليوم كم بيت ٍ بنيته .. هدمته

حي الله الشاعر الي مايجيب الهزيل=ترحيبة من ضميرً هاض رديتها..
فارس شعر والقصايد عنّها عنّ خيل=واكبر دليل القصايد ذايعً صيتهاا..
حفيد خيالة ((المارج))زبون الدخيل=وابك القوافي تفاخر يوم غنيتهاا ..

المشاركة الأصلية كتبت بواسطة مشعان البراق (المشاركة 605945) , كما وعدتكم .. قصيده اتمنى ان ترتقي لـ ذوائقكم , / / رفعت كفي ماقدرت ارفع الصوت = لو كان فالخاطر كلام ٍ كتمته لحظه وداع وكنها سكرة الموت = ضاع الطريق اللي من اول رسمته ضاع الطريق وصرت في الدرب مبهوت = مدري وش اللي فاتني ما اغتنمته ! العمر مرّ وراح مع فايت الفوت = صحيح ضعت وضاع حلم ٍ حلمته الا انت ياللي قربك لروحي القوت = لو غبت يبقى وسمك اللي وسمته يبقى كما نقش ٍ على الصخر منحوت = حفظته بشكله ولونه وسمتّه مهما الفراق اوجاع والبعد ممقوت = اصبح مصير ٍ من غلاك احترمته دمع النصر لو طاح من ( عين جالوت ) = ( عين العقل ) دمع ٍ تكنّه / حشمته ذخرت لك يافرحة العمر تابوت = فيه الغرام اللي بديته ختمته يبقى الغصن لو مابقى فالغصن توت = تحرك انسام الذعاذيع .. صمته سكّت وانا من موادعك مكبوت = شي ٍ تجاهلته .. وشي ٍ فهمته حبل الرجاء من جور الايام مفلوت = ياليت قلبي عن غرامك عصمته ياما بنيت بيوت وبيوت وبيوت = اليوم كم بيت ٍ بنيته .. هدمته لا يسعني هنا الا ان اشكر جميع القائمين عل هذا الصرح الرائع بـ من فيه من اعضاء ومشرفين واداريين .. , شكراً لكم .. ودمتم بـ ك خير ومحبه ,