هلا يا مرحبا ترحيبة يطرب لها الحضار = تراحيب الوفاء والطيبة من حظ راعيها
ألا يا سليم جنبتو عن الجنة تبون النار = وهذي مشكلة والنار تحرق رجل واطيها

عساكم للبقى ياعتيبة الجمهـور والشعـار = عتيبه من قديم الوقـت تاخذهـا وتعطيهـا
دروب اسليم دايم في اليمين ولا تروح يسار = على الدرب الصحيح اللى على الجنة يوديها

عتيبة من قديم الوقت لا تبلش ولا تحتار = ولا جينا سليم القوم نزهمها بأساميها
منول مار هالحينه حدتهم حيةٍ فالــــغار = يموت سمها والناس تزري لا تذكيهـا

انا ماقول فيكم كل أبوكم في اللزوم خيار=لكـن ايامنـا وليالهـا كثـرت بلاويهـا
تجمعتوا وشرهتوا منول في علوم اكبار =وجتك الحاجة اللى يالغبيوي منت حاسيها

محمد كلما شبت شبوبه في المواقف ثار = ولن دارت رحانا في المواقف يبتلش فيها
تجمعنا وحققنا هدفنا في الزمن يا جـــار=لكن انته جبـــالك عد فيـــها لا تخلـــــــيها

اثرها جات في مقتل ودمك يالغبيوي فار = حقيقة والحقيقة تكحل عيونك وتعميها
ترى الشيطان يالعتبان يرمونه بسبع اجمار = وانا خابرك عايش فالصحاري ماتخليها