الطــــــارف

[فرهودي]

ياسلام الله عليكم عد ٌ ماصلى المصلي = عدٌ ماصلى المصلي وسط مكه والمدينه
ودنا ناخذ علوم الشاعر الي مايذلي = يركب امواج البحور ولا يطيح من السفينه

[عيد بن مرضي]

بعد ماصلي المصلي مرحبا مني وهلي=بعد ماصلى المصلي تنشرح نفسٍ حزينه
هات علمك والحبال معقده تنحل حلي=ودنا غبة بحر والبحر لاتضمن سنينه

[فرهودي]

البقى يالي ترحب وش تشيل وش تخلي = من حمى لحيـته يارجال ماتبٌت يدينه
السوالف ياطويل العمر مافيها تسلي = مالقينا في نفوس الناس ياكود الضغينه

[عيد بن مرضي]

والله أن البير راهي ودلونا جوفه يدلي=ولاغدالي شي عند الناس وسواري حصينه
لاونست القيض دور ف البلد قصرٍ يظلي=ولاتزكي غير شيخ عارفين أصله ودينه

[فرهودي]

الدلوا فالبير مير البير جمٌه مايبـٌلي = مانقول إلا على ماجاه ياربي تعينه
كان ابن مرضي نوى بلسانه الليله يزلي = وش يفكه من غثا البنقال لا ضاقت حسينه

[عيد بن مرضي]

البضايع جاتنا ف السوق دولي مع محلي=عارف الأصلي وعدّ المال من جوف الخزينه
ياعميلي عارف الكلمه ولاتقعد ت قلي=وكان زعلوا مالهم يكود توضيب المكينه

[فرهودي]

ابن مرضي ماعاد اشوف من النوم

صح لسانك يالقرم ومشكور على اتاحة الفرصه

الختام عندك اذا حبيت



البضايع نصها مغشوش والباقي مولي = وأكثر التجار لو يلقى الهلل سوى كبينه
لاتناحر للعرب لن كان سيفك مايسلي = من يدٌور للمشاكل ليتها تسلم يمينه

[عيد بن مرضي]

فرهودي تصبح على خير

وصح بدنك ياوجه السعد وافي




لاح براق السحابه والمطر يدوب هلي=بشر الراعي وقله يلزم المعزا وضينه
والمشاكل دلها ياصاحبي ماهو بدلي=عسى تصبح بخير يوم قدمت السمينه