مسابقه شعريه اتمنى من الجميع الدخول

[.@.صقر عتيبه.@.]

السلام عليكم ورحمة الله وبركااااااااااااته

اخواني الكرام

من باب التسليه والضحك والوناسه بالعربي

حبيت اسوي لكم هذا الموضوع البسيط واتمنى ان يحوز على رضاكم

وهو كذاك ان اي واحد يود ان يشارك يدخل ويكتب بيت من الشعر

اي كان لكن لايكون من الاغاني ويكتبه واللي بعده يشوف اخر حرف من البيت

ويبتدي منه بالبيت الجديد وهكذا

والله اني مدري اذا هذا الموضوع موجود من قبل فانا اسف وارجوا التنبيه اذا

كان موجود

يالله باسم الله انا ببدا:

ضاقت بي الدنيا بكبرها من معابيس الوجيه

وهذاك ليامني شفته احس للدنيا طـــــــــرف

الله يعينه اللي بعدي

يالله حرف الفاااااااااااااااااااااااااااااااااااء

[فرهودي]

صقر عتيبة..


فكرة جيدة..

وتحتاج إلى تظافر الجهود..


واشارك بهالبيت للشاعر عبدالله بن دعيج المطيري


فكرت بالدنيا وشفت الغيارة= وكل (ن) مدح ربعه وأن اقول ياخير


طبعاً اللي بعدي يبدا بحرف الراء :D


فرهودي

[.@.صقر عتيبه.@.]

الرااااااااااااء

راكب اللي صممته الولايات000اللي امريكا بالمصانع تصبه

الهاااااااااااااااااء الي بعدي الضاهر ماحد حولنا يافرهودي

[((الدلبحي))]

صقر اعتيبه
يعطيك العافيه واستلم
هاض دالوب الحشا بالغيض صاعه // من دواليب الحشا اللي يخلفني
اللي بعدي الياء

[.@.صقر عتيبه.@.]

مشكووووووور يالدلبحي على المشاركه

واستلم

ياهلا بك يالدلبحي عد ماخط القلم من حروف

ويامرحبا بك عد ماهل مزنن من سحاااااااابه

الهااااااااااء ياللي بعدي

[فرهودي]

يقول الشاعر الكبير كديميس العصيمي:

هاضني قاف(ن) سمعته وانا امشي بالطريق = وشدني واشتدت الذاكرة من شدته


ومرة ثانية حرف الهااااااااااااء :)

[.@.صقر عتيبه.@.]

الهاااااااااااااائ

استلم

هلا باللي تخجلها المزوحي000اليا قلت ابعدي تقبل عليه
(';)')
الهاااااااااااء

[وصل العطياني؟؟؟]

100%

ايه خل الرقود يتحركون :)


حرف الهاء :rolleyes:

هيّضتني واشقيت لي الحال .... يابن عمير جتك المثايل

لولاه ما عـــديت الأمثــــــال ... ولا جاك من عندي رسايل


الشاعر : محمد سالم الظاهري


حرف اللام



تحيااااااااتي

[المسلسل]

لو كان غدرك في كفوف iiالموازين
لكان رجح كل غدر البناتي




الشاعر / مجهول



الحرف يالي بعدي الياء

[فرهودي]

لشاعرنا ابو مشهور.... الله يطول عمره

يا حظ المكان اللي مشـت فيـه بالأقـدام=ويا بخت الحظيظ اللي رباهـا ويـا هنيِّـه
ليا أوحيت كلمة"وصل" تبري لي الأسقـام=على كبدي أبرد من حليـب السعوديـة !!

الله الله :D

اللي بعدي حرف الهااااااء

[وصل العطياني؟؟؟]

فرهودي ..

الله مير يسلمك...

يحقّ لك تهتـمّ بي ...

أنت خابر من هاك الأيام , والتشكيلة ;)

ما عاد أفارق إسم " فرهودي "

ياخي عيال عمي بالعربي :mad: :mad:



نرجع محور حديثنا :)


حرف الهاااء :rolleyes:


هام قلبي مع شذى الأشواق هامِ .. يوم جنّ الليل والنسمة شذيّة


الشاعر: سالم الكعبي

للي بعدي :

حرف الهاء





تحياااااااااااتي.

[المسلسل]

وهذا البيت لشاعر/راكان ابوحثلين



هـذا ولــد عـم وهـــذا ولـد خال
وهذا رفيق مـا لـقـيـنـا مـثـيلـه

[((الدلبحي))]

كيف الحال
ياعيال العم
هاض الضمير وزان منظوم الاشعار
سر ياقلم سطر على البيض تسطير
اللي بعدي الياء

[ولد عسّاف]

استلمو البيت يالربع:


راحت على الباب الايمن فوق مكسيما ### والشاص عيّا حلال القوم يلحقها..

وكتّم لها السايق المجنون تكتيما ### ياليتني في مكان الورع سايقها..


البيت للشاعر عبد الله بن شايق القحطاني....

يالله ياللي بعدي حرف الالف:

[فرهودي]

استلم..

افرض مثلا مثلا يعني اني خصمتك يوم.. منته تعبني ومغلبني ومنسيني النوم

مدري من كلماته ..

الظاهر ..


وصل العطياني
:D :cool: :D :eek: :D



امزح ...


يكرم
ابومشهور..


هذا البيت لابو مشهور:

الحب الأعمـى نعنبـوا والدينـه=ماله شبيه إلا إحتـلال العراقـي


حرف
الياااااااااااااء

[((الدلبحي))]

سلام يالربع
يالله ياربي عليك التساميح
لولاك عرجات السنين اعرجتبي
منك استمد الخوف رهبه وتسبيح
والخوف كان اجروح وقتي سطتبي
سلطان الهاجري
اللي بعدي الياء

[.@.صقر عتيبه.@.]

ياتل قلبي تل جمس عليه اثنين000واحد يسوق واحد معاون له

الراكب قال وش فيك ياشين000غلطان في دربك وامنت فاطن له

الهااااااااااااااااء

(';)') (':)')

[ولد عسّاف]

ماقصرتوا ...
استلموا يالربع:

هواجيس قلبي ماتجي والعرب واعين $$$ لها حزةٍ في تالي الليل تعجني


يالله يا حرف الياء...:rolleyes:

[.@.صقر عتيبه.@.]

ياماحلا ياعبيد في وقت الاسفار000جذب الفراش وشب ضو المناره

مع دلتن تجذا على واهج النار000ونجر اليا حركته زايد عباره

يعني هذا الشاعر غني عن التعريف هو ابن حميد رحمه الله تعالى

يالله الهااااااااااء يالي بعدي

[الشويب]

مرحبا بالجميع
حبيت اشارك مشاركه بسيطه0000
ونشكركم على جهودكم وبالتوفيق0000000000

هل سربه قد ودبنه بالاهجال
اصايل ومكرمات بغالي
تركي بن حميد
ياء ويالله ياللي بعدي

[وصل العطياني؟؟؟]

هذا وأنـا لازلـت للقلـب عـذال ***أ بى أعذله لين إني ألقـى علاجـه
وإن مالقيت علاج تـراي رحـا ل **رحلت فـي بـرٍ وسـاعٍ فجاجـه


حرف الهاء أيضاُ

[بدر بن قرفان]

خذ ياسنايدي
ياونتي ونة كسير الجبارة\\\\اليا وقف ماحتال وليا قعد ون
عليك ياشباب ضو المنارة\\\\عليك ترفات الصبايا ينوحن
البيتين هذي لضيف اللة بن حميد
الي بعدي
حرف النون

[عاشق غروب]

السلام عليكم ورحمه الله وبركاته
هذه بيتين للأمير الفارس /تركي بن حميد



نـــصّـــه بني عمّـي قديمين الافــــعال ............... اهــــــل المواقف في نهار الـقـــتـالــي

تلــــقى لهم يمّ الحوم نزل واحـــــــلال ............... أهـــــل نجــــور(ن) من طربها تـلالـي


الياء الحرف الاخير

[فهد العاطفي]

السلام عليكم ياعتيبه
انا مشاركاتي عندكم قليله واعجبني هالموضوع وودي اشاركم فيه



يشكي علي ويطمث القاف مطموث = واليا طمثنا القاف راحت مطاميث
البيت ماينصب على عود طرثوث = ولاعمرها سمكت بيوت الطراثيث
ان كان تنشد يارجل وانت محثوث = شعر الحداثه طوروه الحداديث

حرف الثاء داري انه اقشر لكن الله يقويكم!!

[مروي العطاشا]

ثابت على طول الليالي والايام

مثل الجبال المرقبات النوايف

حرف الفاء

[بن الهيلا]

سلااااااااااااااااااااااااااااااااااااااااااااااام


واسف على هالغيبة......


فوق الحفاير جدرو لي جداير........والحول داير حطوا البير ميراد

( الشاعر دخيل اللة الدجيماء )

الي بعدي حرف ( الدال )

[الدوسي]

ليلي سرىكله هواجيس وافكار......................................بالله اسمي ومن شيطانها أعوذ

فكره طيبه(وتحيه طيبه للجميع)...................حرف (الذال)

[طير الهيلا]

ذكرت حب اللي على البال طاريه&واشعل بوسط القلب حر وبركان

[.@.صقر عتيبه.@.]

ناس تشري الرخيص وتترك الغالي....وناس الغالي هم اللي يبونه

[ابن شلواح]

هجيت من جو السويدي وسوقه=يم الديار اللي تزيد أنشراحي
فيها الخزامى نابت ٍ من عروقه = ما حفٌروها ناقلين المساحي
الشاعر/ أخوكم ابن شلواح

اللي بعدي حرف اليااااااااااااااء

[الغلاب]

استلم

ياليت ربي ماخلق حب وفراق=====والا خلق حب على غير فرقا

البيت للسديري

اللي بعدي حرف الالف

[.@.صقر عتيبه.@.]

ابدا بذكر الله رب البرايا...منزل المطر ومنشي السحابي

استلم ياللي بعد اليااااااااااااء

[فتى الروم]

ياروح روحي ياهوا المشتاق وانت الذي حبك برا حالي


اللي بعدي
حرف الياء

[نايف الحويماني]

ياصاحبي يادخيل الله = ماشفت مركوز الانهادي

[أبو الوليد]

أعدنا هذه المساجلة الشعرية الى الواجهة

لروعة المشاركات الموجودة فيها من الأعضاء

فمن يريد أن يواصل حياه الله

بشرط ان تكون المشاركات راقية ولا تخدش الذوق العام

ونبدأ ببديوي الوقداني ..

ايامنـا والليالـي كــم نعاتبـهـا **** شبنا وشابت وعفنا بعض الاحوالـي

حرف اللام ؟؟؟

[((الدلبحي))]

تسلم يابوالوليد

استلم

ماتنفع الشكوى ليا صرت محتاج
حتى لو انته بين خال وبني عم

غلاب بن ساري الدلبحي

اللي بعدي الميم

[فهيد مقعد الرويس]

تسلم يالوليد
والاخ الدلبحي بدا بالميم بدل الام

لكن حصل خير استلمو

ماني معلى وانت مانته بمرزوق ==== حنى اسمنا الي فالمشاكل وقعنا

الاالف

[فهيد مقعد الرويس]

لتوضيح

البيت لشاعر معلى المغيري

[معــ المرقاب دي]

الله أمر يا حمود ابمعرفة يوم &&& وحنا ثمان اسنين يا حمود جيران

نوووووووووون

[أبو الوليد]

الشكر موصول لكاتب الموضوع الاساسي ( صقر عتيبة )

وتسلمون يا اخوان على تفاعلكم الرائع .


نهـــار مـا ينفــع بنــا آدم هـــقــــاويـــــــه = واهـــلــه وربــعه لا نــــدرق عذروا فيــه

عواض بن معيض الخديدي

حرف الهاء

[فهيد مقعد الرويس]

هذي حقوق الطير ياناقل الطير === مهوب حقه سجنته فالغماره

عدالله بن عون

[علي الثبيتي]

يا عين مالك في المقفين مصلوح
كفي دموعك لا تغرق ثيابي
التوقيع النشمي
اللي بعدي حرف الياء

[أبو الوليد]

يارب تنجي والديه من النار = وتسكنهم الجنة مع الحور الابرار

حرف الرا

[المقاطي ياهوه]

ياليت مافي البلد ورعان ولا زقاير ولاشيشه

[مناحي فهدالحربي]

ياذيب عاهدني واعاهدك ماارميك *** مارميك اناياذيب لوزان مرماك

[ذيب ام الدوم]

حرف الياء
يا حبايب قلبي اليلة نباكم حاضرين=في طريق(ن)مايودي للمتاعب والعنا

اكمللللللللللللل

[علي الثبيتي]

الصقر ميكاره بعال المراقيب(()) لكن من لا يعرف الصقر يشويه

التوقيع/ النشمي

[قادم]

هذا زمان لو صفا يوم لابد..... عقب الصفا يقسي على من صفاله

[أبو الوليد]

هم روحك واغتنم عصـر الشبـاب ++++ ان لـلأيـام مـيـل وانـقــلاب

[فواز الشيباني]

بـيـن خـيـال الـحـصـان و بـيـن خـيـال الـعـبـيه
**************إن بـغيـت الـصـدق ما يبني البيـوت الا عمدها

[أبو الوليد]

فواز .. يالله حيه .. أحييتنا بالمشاركة :

اجريت بين الناس نفس كريمة ++++ والحر نفسه ما يطاوع هواها

[شافي المورقي]

الله على اللي لابس البشت وعقال ******* كنه من شيوخ العرب ذايع الصيت

[مرزوق حمدان العتيبي]

..
حياكم الله ومشكورين ..
اسمحوا لنا بمشاركتكم ..
..
تجري بي الاقدار من غير ما اختار
---------------- بصبر ولو بانت على الهزيعه
حجاب بن نحيت .
حرف الهاااء .

[أبو الوليد]

يالله حي مشرفنا العام

زاد الموضوع اهمية بمشاركتك ..


هزنا سوق الاسهم حسبي الله عليه*** المواشي تكهرب والمصافي مخيفة

مرتجل ..


حرف الها

[((الدلبحي))]

استلموا يالربع

هل الشهر ماشفت فايز وسلطان
ولدري علام الوقت قام ايحداني

مناحي الدلبحي

اللي بعدي حرف الياء

[مرزوق حمدان العتيبي]

...
.
ايامنا والليالي كم نعتبها

---------- شبنا وشابت وعفنا بعض الاحوالي
..
ياء

[أبو الوليد]

ياهلا يا لدلبحي ..

يدور الفلك واعمارنا ما لهـا مـدى *** والعبـد يمشـي والخـطـر يـبـراه

الحرف الها

[قلب الذيب]

ياهلا يا لدلبحي ..

يدور الفلك واعمارنا ما لهـا مـدى *** والعبـد يمشـي والخـطـر يـبـراه

الحرف الها
ياسلامي سلام إسلام مسكن وطيب&عد برق المزون وعد همالها
ينصى الدلبحي صاحب القاف العجيب&والرجال مالهاإلا رجالن تبرالها

حقيقه هذي أول مشاركه لي في المنتدى عسى أن تحوز على رضاكم

[الوعر]

موضوع جميل ويستحق المشاركه
حرف الالف
ان حاس بالي يامحمد وصديت من بعد الصدات قلت شطونه
ماني وانا بندر بهيت(ن)ولد هيت هيتن يجامل خمة يكرهونه

[غيث 11]

يلومني دحش خياله يغره نوم الصفر يرث بوجهه غياره


العــــــــــــــــــــــــــــــــــــوني

[قلب الذيب]

شابت لحانا مالحقنا هوانا && عزي لمن شابت لحاهم على ماش

[فواز الشيباني]

بـيـن خـيـال الـحـصـان و بـيـن خـيـال الـعـبـيه
**************إن بـغيـت الـصـدق ما يبني البيـوت الا عمدها

[الغبيوي العتيبي]

السلام عليكم ورحمة الله وبركاته
كيف الحال وشلونكم عساكم بخير
ياللي أجمل من كلامي عنك وأقرب من سكوتي......
آه ياطول المسافة بين إ حساسي وصوتي

اللي بعدي حرف الياء الله يوفقه

[قلب الذيب]

يالغبيوي كلامك فيه حنه وونه&&والمسافه طويله وانت ادرابها

[قلب الذيب]

يابو شمروخ وش اخبارك

[قلب الذيب]

يابو شمروخ عساك شاعر ونتحاور جميع

أخوك قلب الذيب

[صقر الجنوب]

فرهودي ماحددت الحرف بس اللي تبيه يوصل :

ياسمكري قلبي تهشّم محله *** يحتاجله ياسمكري شبه تعديل
أنت الطبيب وعندك الحل كله *** يازعفران وياقرنفل وياهيــــــــل
للكيف شرابه وللسيف سله *** وأنا أعشق الدله وبيض الفناجيل

القصيدة طويله بس مافيه مانع للي يبينا نكملها

[أبوجواد]

السلام عليكم ورحمة الله وبركاتة
والحين حرف الياااااااااااااااء
يالله يلي تغسل الارض بالسيل 000 تغسل قلوب اهل الحسد من حسدها
حرف الالف |165| يالله000000000000000

[أبو نجر النفيعي]

الله000الله

اسمع!!!هالحكمه

أنا عتيبي فسي عيشتي ما تنعمت
0000000رمز العتيبي سيف وللكيف دله

[.@.صقر عتيبه.@.]

هلا وانت النفااعي على الردى ماتكونت ****طبعك علوم الرجال وجلسه على جال مله

[أبو نجر النفيعي]

الله الله


هدفنا يا ولد عمي علوم المرجله دايم
وانا واتنه على ماقيل دايم دربنا عالي


يالله الحرف اللي بعدي يبدا بـــ(ي)

[.@.صقر عتيبه.@.]

يالله تيسر امورنا وتبعد عنا كل لايم
وتنصر كل مسلم يالله ياواحد ياعالي



اللي بــــــــــــــــــــــعدي حرف الياااااااا

[أبو نجر النفيعي]

يالله ياللي ماخلقت الناس غير ألهم لزوم
تسلط فوق عدات اليهودي من سلاطينك

يالله اللي بعدي حرفـــ(ك)

[.@.صقر عتيبه.@.]

كل مافاضت عيوني باشت الاضلاع غنى

الموارد في الضلوع وكل ضلع(ن)فيه ونه

[.@.صقر عتيبه.@.]

كل مافاضت عيوني باشت الاضلاع غنى

الموارد في الضلوع وكل ضلع(ن)فيه ونه


اللي بهدي حرف الهااااااااااااااء

[عابر القارات]

يالله يلي تغسل الارض بسيل
اغسل قلوب اهل الحسد من حسدها




الشاعر/ خلف بن هذال..........

حرف الالف يلي بعدي ههههههههههههه

[.@.صقر عتيبه.@.]

انشدك عن بنتن لها قيد ورباط
تذرف غزير الدم لحظة غرقها



الالف ياليي بعدي
ههههههههههههههههههههه

[مشهور]

أشتقت لك قبل أجيك وجيت وأشتقت لك *** البارحة طول ليلي بين هاذي وذيك

أثرك بقلبي من البارح وأنا أستعجلك *** واثري نسيتك من الفرحة وقمت أحتريك

الشاعر/ مساعد الرشيدي

حرف الكاف

[.@.صقر عتيبه.@.]

كل مافاضت عيوني باشت الاضلاع غنا

الموارد في الضلوع وكل ضلع(ن)فيه ونه

الهااااااااااااااء اللي بعدين يالله يااااااااااااعتيبه

[أبو نجر النفيعي]

هاكم وصاتي ياهلي قبل ما موت
خلاص عمري راح واقفا شبابه


الهاء اللي بعدي

[فيصل القثامي]

هذاك بيعه كان تفهم لها البيع" " الى منهن جلبن بسوق المزادي
يابيه أنا لاأسمع جوابك ولا طيع" "هرجك بمقلة ناظري والفوادي


اليـــــاء ياللي بعدي

[راعي البلهـا]

ياجر قلبي جر نور البدر للأمواجي .......... الي على شاطي الحب حطم امانيها
وياطي روحي طي الورق بالأدراجي ..........الياطوها جاهل مأدرك مضمون معانيها

.................................................. ..

حرف الألف الي بعدي

[كهل الشمال]

الطير لولا الريش والجنح ما شال.. ولولا المخالب صيدته ما أكلها

العز لمّه والتفاريق غربـــــــــــال .. وافطن لمن آثار التشتت شملها

.................................................. .................................................. ................


حياك الله . حرف الألف .

[الدماسي 2007]

أناظر على الشفه تقاطر عصير التنج=يذكرني القمري ليا غرد بشجنه

حرف الهههاء اللي بعدو

[.@.صقر عتيبه.@.]

اررررررررررررررحبو يالنشااااااااااااااااااااااااما مشكووووووووووووووووورين

على المشاركاااااات الرااااائعه

هلا باللي تخجلها المزوحي....الياقلت ابعدي تقبل عليه

هلابك يابعد عمري وروحي....هلا بك ياغزال(ن) بمحميه


هههههههههههههههههه ايضا الهاااء ياللي بعديييييييي

[شـ2000ـاعر]

هـــب الهــوي شرقي مــع غـربي=والضلـع تسمـع عــوا ذيبــه

[فيصل القثامي]

هيه ياللي مهتني وارتاح لين اطريها .... هيه ياللي من كثر حبهـ معذب حاليـ

سلطان الجلاويـ

[بدر بن قرفان]

لاهنتوا جميع



ياقلب ماغيري من الناس يوحيك *** ليا قمت تصفق بالحشا صفقت الزنك


الكــاف يالي بعدي


تحياااتي . .

[هلال الدوادمي]

كلن هتف للثاني اوكيه اوكيه=ثم صمموا سبعين مليون شرواه
صنعة امريكاني ماهو ناهيه ناهيه=بيموت ابو فسيه ماسوا سواياه


اللــــي بعدي بحرف (( الهــــــاء))
ولاهنتو يالذيابه

[كهل الشمال]

هات العقيلي وأنسفه فوق زبني = وأفرق نحرها يم وجه اليماني

حرف اليــــــــــــــــــاء

[فيصل القثامي]

يامل قلبـن بنات البدو تلنـه = وانا على دربهن سردادي مردادي

[أبو نجر النفيعي]

يالله ياللي من ترجّاك ما خاب

====تصلح عيال الجيل هاذا وتهديه

[ابن نجاء]

الخطاوي صوبكم مايتعبني = لو توطن بي على روس الحيايا

\واهنيك كان قلبك مرجهني = قلبي اللي ماتفيد به الحكايا

ابن نجاء

[شــغــمــوم]

انا لوزع على الناس ابتساماتي***ياميتين المشاعر ويش يحيها

حقك علي ماتقسملي شنباتي***وفعايل الناس ماتشبه مباديها


.......(محمد الذيب).........

....(الالف).....




مشكور على الموضوع يالغاالي

[سعود المغيري]

السلام عليكم ورحمة الله وبركاته

استلم:::



اول وصاتي يا صلاة المصلين
صل الفروض الخمس واحرس علاها



اللي بعدي حرف الالف

[عز ربعه]

أحرَقت قلبي بحناتك وتجزعك وشكاويك #### ما تدري أني عايش(ن) أداوي طعونك

.... عز ربعه

[خلف بن مرزوق]

...
..

سلااام عليكم

يالربع حبيت اشارك بهالبيتين اليتيمه



:

ياللي تقول اني بحبه مـتّـهم
قولك خطأ والصح(في حبّه بري)

احبّه ولو غاب عنّي مـتّــ هم
والهم قبله باريٍ حـالي بري


مودتي

[عز ربعه]

ياراكب من عندنا نابية شط
تشدي ظليم بالخلا صايعه ذور


تركي بن حميد

... عزربعه

[ناصر الحافي]

راكب اللي صوتها ماله صفير
وارد الـ Bm مافيها كـــلام

[ابن آخي صنهات]

ماكل من يبعد به الوقت ناسيك .......بعض البشر قدام عينك وينساك

[عز ربعه]

كم هنوف فالخلا رافقتني
والخابر الله زولها ما استخيله


الشاعر / ناصر الشغار


... عز ربعه

[ابن آخي صنهات]

هي الامور كما شاهدتها دول =من سره زمن سائته ازمان

[نواف العصيمي]

موضوع رائع . . بيض الله وجه . صاحب الفكرة

نــوب يـنــاجــيهــا ونـوب تــنـاجـيه
................................. وعـزي لـمن زيـن الوسايد شويره

دوك : حرف الها .

الشاعر :. ناصر الشغار

[فيصل الحويماني]

هات القلم يابجاد وبوك المكاتيب إكتب كلامن مانيب فيه غاوي

حرف / الياء

تحياتي

[نواف العصيمي]

ولازلت أكرر موضوع رائع . . و بيض الله وجه صاحب الفكرة

يانجد لاترهب من الحرب لو طال
..................................ترى شراع الحرب ماساع قامي

دوك : حرف الياء .

الشاعر :. مخلد القثامي

[هلال الدوادمي]

الله لا يهينكم على هالفكره
واللي بعدي الله يعينه ابي (اعسره شوي)

يوم كلن لابن عمه عصب راسه وشاش=شش ياراسي لرحنبو مجناك شش

حرف (ش)

وان ماعسرك كفووووو

[السّامي]

شـابـت لـحـانـا مـا لـحـقـنـا هـوانـا **** عـزي لـمـن شـابـت لـحـاهـم عـلـى مـاش



مـن يـخـاويـك مـا يـنـعـسـر يـاهــــــلال


إخـيـك الـنـفـيـعـــي

[طلال الذيابي]

السلام \\.......................عليكم @ انا ولد ذايب وسوق المعاني والحروف @ويشر بدني فكت لك ابوابها@

[عتيبي وبكل فخر]

عندي يعني بسم الله ونبدا



يازماني ليت ايام(ن)مضت يرجعني&&&واسعد بشوف احباب قلبي وخلاني

[عتيبي وبكل فخر]

لا تواخذوني ترى مانتبهت لل حرف الاخير

[ابن مالك بن عوف]

السلام عليكم / شجعتوني الله يحفظكم وانا بن مالك
ياديرة(ن) بين الحزوم حنا بعون الله حماها
لو تجي العجم والروم يحرم عليهم شرب ماها

[صويب الرمش]

السلام عليكم

يــــــــــــاضحكة الورع مدري وين شـــــايفهاااااا


أن كـــــان مانيب متوووهـــــــم ضحــــكة فلانه ........




حرف الهاء


أخوكم

صويب الرمش

[صقرالقثمة]

أبي راي الجميع بهذا البيت




الا يارب ياعالم علوم الكون وأسراره تميزنا بغفرانك أذا جازية ابن ادم


رايكم مهم أرجوا الرد بصراااااااااااااااااااااااااااحة
وشكراً

[صقرالقثمة]

ارجوا الرد على هذا البيت من الجميع




الا يارب ياعالم علوم الكون وأسراره تميزنا بغفرانك اذا جازية ابن ادم


رايكم يهمني وشكراً

[ابو دز العطاوي]

يلي تطالع وكنك ماتطالعني،،،،، نظرتك هذي حبيبي لاتكررها
http://www.3rbp.com/up/uploads/cfcbecd7b4.jpg (http://www.3rbp.com/up)

[ثامر النخيش]

يمل قلب سارى وفييه اهمووم .


مثل سير السحابه فى سماها




يلى بعدى حرف الالف

[بدر بن ثعلي]

المنتدى ضم الوجيه المسافير=هذا كلام الحق والشاهد الله
زبون المخاسير
اللي بعدي الفاء
الليييييييييييييييييييييييييييييييييييييييييي ل

[فيصل القثامي]

هلا يامرحبا بأسم مروين المعاطيش ... من هل البيرق اللي يقودون السرايا

الالـف

[ولـــ عتيٌبهًَ ـــد]

مشكــــور اخـــوي صقر عتيبه على الموضوع الجميل


الهـــــــاه ....

هذا كلام الصدق والصدق مرغــــوب
منهو دخل معكم ترى جد ربحان

[الباسل الروقي]

هجن هجاهيج خفاف هجاني
عوص على هوز العصا ما يدانن
رقابهن مثل الجراد اللياني
يشدن لريم بالسهل يوم ينحن


حرررررررررف النون

[غازي البقعاوي]

نادى المنادي وين برقا مع روق= جاه الجواب من الكواكب على الفور
نجوم المجره تلمع بالحيل وتروق = ان سمعت الطاري توهج به النور

[صنداح الزلامي]

الها هواء قلب وغايت مرادي *********** مشين مع الدار العذى يطرب الروح
وابعد عن اهل الحكي واهل الدوادي******* ممامن ورى عمسين الافكار مصلوح

[سطام الرويس]

مشكور اخوي على الموضوع الرائع......


نهودها ياحلوها طلع تيني .................. والشمس في لبة نحرها بتوكيد


حرف التـــــــــــــــــــــــــــــاء ..............

[فهد النفيعي]

تاء

تجر بشتك وسط لندن ونا شوف
عليك من وصف الخليجي علامه
ومن الحيا لابس عبايه ونفنوف
لكن ماكملتها با اللثامه

والحين اللي بعدي هاء

[غشــــام,,]

السلام عليكم ورحمة اللــــه وبركاته..
عموماً هذي اول مشاركة لي وأتمنى تكون طلة خفيفة وحلوه عليكم..

ياللا وروني الترحيب وخلوني أنبسط شوي....!! (:

(ياللا وهذا حرف الهــاء,,,)

هي جنة الدنيا تفوق كل غراس ................. مالها من اس في الملأ كل صوبي
الله حباها بالنعم دون مقياس.................... والله حماها من جميع العيوبي
ارض الخريف اللي بها الكوس نسناس............ امطارها وبلا تزيح التعوبي
درة ثمينة تكتسي عز للباس ..................... خضراء وتكسوها نعوم السحوبي

للشاعر/ سعيد بن عبدون الشعشعي

الحرف القادم ( الياء )

[رعد الشيباني]

يا بنت انا ما عاد لي فالهوى حيل= شيبت لواني على دون عشرين

رايد الشيباني

[بدر بن ثعلي]

بارك الله فيكم وهذا اهادائي لكم:

نصبر وصبر الآدمي خير مفتاح @ بامر الولي تفرج جميع الكروبي

ياااااااالله اللي بعدي حرف الياء

[حمد بن جوباح]

^
^
^






























يا ناشد ن عني تراني شليويح .. قلبي على قطع الخرايم عزومي

حرف الياء

:)

[عاشق ذوق]

يجماعه هدو المشوار طال=والفكر عندي تلخبط ونذهل
ههههههه فكره حلوه
بس فعلآ المشوار طال

[عنادالرويس]

وعليكم السلام

اشكرك على طرحك الرائع

وبعد عاشق انا
بس هذي من عندي ولحد يشره
لاتلخبطني ياعاشق ذوق الهيلا=تراك بهذلتني ولعبت في البرمجه
ولوان المشاركه شبه معروف=بس هذاأعجابي ومسجل في صفحته

على باله شاعر
قم مناك هاااااااااا ترى قلنا لحد يشره يالربع

[معلا إبراهيم الأسعدي]

فكره جميله بارك الله فيكم