تسجيل الدخول

مشاهدة النسخة كاملة : الجذع ودائرة الضوء

حمد بن جوباح
29-Oct-2009, 06:43 PM
.
..




حياك يا الجذع :)





يا مرحبا ترحيبة ٍ بحمولها فوق الجمال = في دربها تاصل وسيع المعرفة في مبركه
سلطان تحت الدايره فالضوء جاوب له سؤال = لكن بعض الأجوبه لا شك مافيها بركه
حاكم الغنامي
29-Oct-2009, 06:45 PM
طيب طيب

وهذه اول نتايج دائرة الضو ياسلطان


ياما قلت لكــ خلك دبلوماسي بس الله يهديكــ هههههههه



صح لسانكــ ياحمد

ووصح لسان سلطان مقدمااااااااا


متابع
حمد بن جوباح
29-Oct-2009, 06:51 PM
.
..




طيب طيب يا حاكم

بنشوف الدبلوماسي وش يقول ههههه

مير

صح بدنك طال عمرك

شرفتنااااا
عقاب العنزي
29-Oct-2009, 06:57 PM
ياسلام


صح لسانك ياحمد مبدع وصح لسان الجذع مقدما
حمد بن جوباح
29-Oct-2009, 07:03 PM
.
..









صح بدنك يا دكتور :)


شرفتناااا
سلطان الجـذع
29-Oct-2009, 07:22 PM
طيب طيب ....





دام البقا ياللي بعد ما رحت جابتك الليال = اول كلامك ناخذه واخر كلامك نتركه !!
العلم عند اللي يعرفون الحرام من الحلال = ماكل شئٍ في مجال الدين عقلك يدركه !!
حمد بن جوباح
29-Oct-2009, 07:39 PM
إن غبت غبت فـ..لازمي وإن جيت قلت لّك تعال = لا تدخلك شكه وريبه وأنت وسط المعركه
المشيخه ماهي علامه فالشماغ وفالعقال = سوّيت لك فلم وطلع فلمك مجرّد فبركه
سلطان الجـذع
29-Oct-2009, 08:00 PM
...
..



يكذب علّي اللي يقول المسك في دم الغزال = لكن لاتلقي بنفسك ياحمد فالتهلكه !!
عزالله اني واردٍ هداج بطوال الحبال = عندي من علوم الوفاء والطيب شعب ومملكه !!
مرجح الميزان
29-Oct-2009, 08:05 PM
حمد والجذع صحت الألسن يالمبدعين ..
سلطان الجـذع
29-Oct-2009, 08:06 PM
...


حاكم الغنامي ... عقاب العنزي .... صحت ابدانكم ...

ولاهنتوا على تشريفكم ...
سلطان الجـذع
29-Oct-2009, 08:07 PM
...

مرحج الميزان .. صح بدنكـ ... ولاهنت على تواجدك ...
حمد بن جوباح
29-Oct-2009, 08:20 PM
شحّيت لك بريال واحد وانت عندك راس مال = الظاهر إنك خايف نفتش حقوق الجمركه
لا تشغل سهيل اليماني معك يا جدي الشمال = دار الفلك وانت الله يعافيك مافيك حركه
حمد بن جوباح
29-Oct-2009, 08:22 PM
حمد والجذع صحت الألسن يالمبدعين ..









صح بدنك طال عمرك


شرفتناااااا
سلطان الجـذع
29-Oct-2009, 08:35 PM
...

ريال واحد !!! مانمده مانمد الا الجزال = ترى يدينا اللي تشيل كفوفها ماتمسكه !!
أصبر على وعثا السفر مادام شديت الرحال = حتى لو انك صاحبٍ طول المسافة يربكه !!
فايز بن سرحان الثبيتي
29-Oct-2009, 09:33 PM
إن غبت غبت ف..لازمي وإن جيت قلت لّك تعال
لا تدخلك شكه وريبـه وأنـت وسـط المعركـه
المشيخـه ماهـي علامـه فالشمـاغ وفالعقـال
سوّيت لك فلـم وطلـع فلمـك مجـرّد فبركـه



يكذب علّي اللي يقول المسـك فـي دم الغـزال
لكـن لاتلقـي بنفسـك ياحمـد فالتهلـكـه !!
عـزالله انـي واردٍ هـداج بطـوال الحـبـال
عندي من علوم الوفاء والطيب شعب ومملكه !!


الله الله الله

قاف من الوزن الثقيييييييل يرد الروح للقسم


حمد جوباح \ سلطان الجذع

اساتذه

عيني عليكم بااااارده وصحت قلوبكم
سلطان الجـذع
29-Oct-2009, 09:34 PM
...

ارحب ارحب يابن سرحان وهذا قليل مع كثيرٍ لديك :)

لاهنت لاهنت على تشريفك ...
حمد بن جوباح
29-Oct-2009, 09:43 PM
.
..







العذر والسموحة يا ابو عبدالله


الإتصال سيء :)





ما شفت في حزب العداله من سياستك اعتدال = في جدول أعمالك تطول إيديك خشمك وإفركه
لا ترخص أسعار اللحى بالهرج في سوق السبال = دام القمر روسي وداخل في مجال الأمركه
حمد بن جوباح
29-Oct-2009, 09:49 PM
.
..








حياك الله يا ابن سرحان


صح بدنك وشرفتنا بحضورك يا استاذي :)
سلطان الجـذع
29-Oct-2009, 09:57 PM
..

الله الله





اللي تحت شمس الظهر حاولت ارده للظلال = لكن خوي ابليس في فعله وذنبه يشركه !!
كلٍ على اللي تقدره نفسه اليا جاء له مجال = ودم اليهودي لاتعاتبني اليا جيت اسفكه !!
حمد بن جوباح
29-Oct-2009, 10:17 PM
لا تقفل ابواب الثقه وتفك باب الإحتمال = عاملت سوق الفيصليه لأجل سوق المملكه
عندك خصال وعند غيرك مثل ما عندك خصال = ما عاد باقي غير تفتح لك مطار ف..مدركه
سلطان الجـذع
29-Oct-2009, 10:34 PM
...

طيب طيب ...


انته تعرف القالة اللي ترخص وجيه الرجال = وحنا علانا يفرض الميقاف دربٍ نسلكه !!
الله يبارك فالرجال اللي رسوا مثل الجبال = ماتنتنقارن مع صعاليكٍ نشوا باالصعلكه !!
حمد بن جوباح
29-Oct-2009, 10:49 PM
.
..







صح لسانك يا استاذي :)


الليل سرى


وتصبح على خير
فواز السعيدي
29-Oct-2009, 10:54 PM
طيب طيب


قاف راااااااائع



بيض الله وجيهكم
سلطان بن دحيم
31-Oct-2009, 11:37 AM
الله الله

دايم طواريقكم لها نكهه خاصه

صحة السنتكم

مبدعين اثنينكم


تحياتي
محلل أدبي
31-Oct-2009, 12:23 PM
صحة السنتكم

مبدعين