الشاعر فلاح المورقي يشارك في شاعر المليون

[علي الحبابي]

http://www.qahtaan.com/works/up/get.php?hash=569dhimstu1256380145 (http://www.qahtaan.com/works/up)


http://www.qahtaan.com/works/up/get.php?hash=569dhimstu1256380145

الشاعر فلاح بن خالد المورقي شاعر النظم والمحاوره شارك في شاعر المليون
يوم الأحد 11 أكتوبر 2009 اثناء مقابلات لجنة التحكيم للنسخة الرابعة
من مسابقة شاعر المليون في ثانية محطاتها بدولة الكويت بعد أن
استمرت يومين، وشهدت إقبالاً واسعاً وزحاماً شديداً بنسبة أكبر بكثير مما كان متوقعاً..
تمنياتنا للشاعر فلاح المورقي بالتوفيق والسداد وفي انتظاره في
مسرح شاطي الراحه ظمن الــ 48 المتأهلين ان شاء الله

[ابورازن فالمريخ]

مشكور يالقحطاني على الروح الطيبه وموفق خير

[مشاري]

ابو خالد شخص طيب وعلى نيته

وبصراحه اعتبرها مغامره منه

الله يوفقه وييسر امره

تحيتي ...

[هاوي511]

لا يا ابو خالد
تسرعت واجد

[راع العبيه]

هذا .............. ترى عتيبة ما عا تبي تصوت لحد



التحرير بواسطة
..
المشرف

[..المورقي..]

الله يوفقه


وحنا معه

[فواز الدهاس]

- علي الحبابي حياك الله ، و إن أختير شاعر المحاورة الفحل ( فلاح المورقي )

ضمن الـــ ( 48 ) شاعراً ، فنصيحتنا له الاعتذار حتى لا يتعرض لقلة أدب غسان

الحسن و أشباهه و هو حر و لكن هذا واجبنا و لا نريد منه أن يندم على المشاركة

و العياذ بالله بعد البرنامج ، كما أنصح أبناء عمومتي بعدم التصويت لأحد لإن في

ذلك سرقة لإموالهم و عذرا .

[الشفاوي]

مشكور يابن قحطان.

[شمروخ ابن عايد]

لا والله مخطي ومية مخطي يافلاح وأطلب منه التراجع عن قرار المشاركه حفظاً لمكانته مع بني عمه لأن كل من يشارك اليوم سيكون في قائمة سوداء


نبا نشوف باقي شلة الدنافيس اللي راحوا لشارع المليون , أنا أشك أن اللي يروح لهالبرنامج من هالسنه وبعد أنه أكبر دنفوس وضعيف نفس

[العــــــــابر]

راع العبيه

احترم الناس ولاتصفهم بما تقول.

ومدري ليه محد حط احمر على كلمتك الجارحه وانذرك.

فلاح المورقي شاعر مميز ورائع.


خطوه ايجابيه في انضمامه للبرنامج البرنامج مكسب رائع لكل شاعر

اذا عرف كيف يستفيد منه.

والفائده اعلاميا من هذا البرنامج كبيره.

بالنسبه لراع العبيه والاخوان اللي لازالوا يتكلمون عن التصويت

شعار عتيبه يعلمون ان لاتصويت عقب يوسف والمنصوري

وان التصويت اصبح لعبه مكشوفه وكذلك البرامج تعلم ان عتيبه لن تصوت مستقبلا.

لذلك شعارنا يذهبون للمكسب الاعلامي. ولحد طلب تصويت.

وفلاح الى الان لم يقبل من ضمن 48.

[جربوع اعرج]

مشكور يابن قحطان.

يمنع منعاً باتاً وضع البريد بالردود

[ابن عتيبه البار]

والله اعتقد انه اخطى وغامر بسمعته ومكانته

فالبرنامج يقولون يعتمد على رأي اللجنه وتصويت الجمهور

وهذا الكلام غير صحيح اللجنه رايهم محجوب والجمهور تصويتهم محجوب والبرنامج على رأي المزروعي وربعه



لكن نتمنى له التوفيق

[علي الحبابي]

مشكور يالقحطاني على الروح الطيبه وموفق خير

حياك الله اخي الغالي

انا سعيد بمرورك علي مشاركتي

دمت بكل الود

[احمد منير الواصل]

بتوفيق ان شاء الله واللي معه فلوس يصوت ومحدن ضربكم على يدكم
وحنا عتيبه ماعلينا من المخاسير بس نقول انها لعبه استغلال فعلآآآآآ ولاعليها غبار
واما اخونا فلاح ماله داعي يشارك وهو معروف اعلاميآ والمسابقه للي ماقد طلع اعلاميآ
وتقبلوا تحياتي
اخوكم الواصـــــــــــــل

[نافع الدلبحي]

لا والله مخطي ومية مخطي يافلاح وأطلب منه التراجع عن قرار المشاركه حفظاً لمكانته مع بني عمه لأن كل من يشارك اليوم سيكون في قائمة سوداء


نبا نشوف باقي شلة الدنافيس اللي راحوا لشارع المليون , أنا أشك أن اللي يروح لهالبرنامج من هالسنه وبعد أنه أكبر دنفوس وضعيف نفس



هههههههههههههههههههههه لاه يابن عايد

اما في قائمه سوداء , ابي افهم ليش اللي يروح لهم دنفوس؟

برنامج يعتبر منبر شعري ضخم عليه الانظار كلها حتى الحكام يتابعونه هذا اولاً

ثاني شي رياجيل تدعم الشعر والشعار وتدعمهم بالملايين من خلال مسابقه نزيهه يتم فيها تقييم القصائد ونقدها باسلوب علمي وايضاح جمالياتها ومساوئها

شاعر المليون اسدا خدمه غاليه للشعر والشعراء وحتى للعامه اللي ماكانو يفهمون الشعر

( ثقفوا العالم وجعلو للناس ذائقه نقديه صار الشخص العادي يعرف القصيده القويه من القصيده الضعيفه)

[ابو بدر الروقي]

يمكن ياخذها علشانه من دوله الكويت


العام سعودي والسنه هذى كويتي

وتبى توقف معه الكويت وعتابه



وعلشان يكثف الواجد الاعلامي لديه



ان فاز ولا ماضرته شي

[علي الطريسي العصيمي]

فلاح شاعر كبير وله جماهيرية كبيرة في الخليج ولايحتاج انه يدخل مثل هذة البرامج لشهرة ولجنة التحكيم ماراح توصل اي شاعر عتيبي للبيرق نصيحه ياخوي يافلاح انسحب

[شمروخ ابن عايد]

هههههههههههههههههههههه لاه يابن عايد

اما في قائمه سوداء , ابي افهم ليش اللي يروح لهم دنفوس؟

برنامج يعتبر منبر شعري ضخم عليه الانظار كلها حتى الحكام يتابعونه هذا اولاً

ثاني شي رياجيل تدعم الشعر والشعار وتدعمهم بالملايين من خلال مسابقه نزيهه يتم فيها تقييم القصائد ونقدها باسلوب علمي وايضاح جمالياتها ومساوئها

شاعر المليون اسدا خدمه غاليه للشعر والشعراء وحتى للعامه اللي ماكانو يفهمون الشعر

( ثقفوا العالم وجعلو للناس ذائقه نقديه صار الشخص العادي يعرف القصيده القويه من القصيده الضعيفه)



أنا أقول لك ليه الشاعر اللي يشارك في شاعر المليون اكبر دنفوس وضعيف نفس .





لأنه يعلم ان نشوى الرويني تجنى من ظهور جماعته على الاقل 20 مليون من كل شاعر سعودي كمتوسط , بعض الشعراء وصل دعمهم الى 86 مليون ريال سعودي , يعني نشوى تأكل كل الكعكة والملايين , وأموال وثروات من ظهور الخبول السعوديين المدفوعين بالحمية والجهل , وتبني بها نشوى كباريهات ومراقص في مصر ,هذا امر معروف .




وفي الاخير تعطي الشاعر من الفتات مايوازي أقل من 1% من الذي دفعوه جماعة الشاعر , أو اقل بكثير ايضاً .

ولأنه يرتضي باستغلال سذاجة وجهل جماعته من قبل النصابين والطامعين فعندها لاشك ان الشاعر دنفوس وضعيف نفس وعديم المروءة والحمية لربعه .






والسلاااااااااااااااااااام .

[عبادي المقاطي]

الله يوفق الشاعر فلاح المورقي وباذن الله انه راح يصل الى مبتغاه او ابعد من ذلك

اما بالنسبه للي يقول ان الشعار اللي شاركوا في البرنامج دنافيس

وش تقول في الشاعر خالد الدعجاني اللي اتمنى من كل شعار الجزيره يحذون حذوه

وش تقول في الشاعر بندر المحيا

وغيرهم الكثير اللي نفختر فيهم من العتبان ومن غير العتبان

امثال الشاعر ابن حجاب اللي اكن له الاحترام والشعار كثيرين

كلهم نفتخر فيهم اما بالنسبه للتصويت

اولا فلاح المورقي شاعر وهو كفوا وان شاء الله راح يشرف عتيبه كما وجدنا كل سنه من يشرفها

في منبر شاعر المليون .

ثانيا اذا احتاجة المرحله اللي وصلها فلاح المورقي راح يصوت له من يرغب ولا به خساره ولله الحمد

ثالثا دنفوس كلمه جامده فلذا ارفعهاااا


مع احترامي للرأيك المتواضع

[غبيوي أمريكا]

لا تشارك يا فلاح

انت اكبر من البرنامج واللي فيه

[شمروخ ابن عايد]

هالسنة يبي يحولون التنافس للكويت .

يعني مايتركون مخططاتهم القذرة .


يمكن بين فلاح والاسيمر .



لكن أحسن شئ ان الناس تنسى هالبرنامج وحتى لايلقون له بال , وهو اصبح شئ اقل من عادي وطواه النسيان .

[أبو ثامر الشيباني]

اخوي

مشكووووور على نقل الخبر

وأظن أبو خالد

تسررع فالمشاركه

[العنا ء]

الله يوفق الشاعر المورقي


مشكور

اخي على

النقل الرائع






تحياتي

[عبدالعزيز الروقي111]

انا اخالفكم الراي
مشاركة الشاعر الكبير فلاح المورقي مكسب للبرنامج
واتوقع انه سوف يحصل على شاعر المليون للنسخه الرابعه