عتيبه الهيلا

[الفارق]

سلام للهيلا وانا واحد من الهيلا وامون ## عتيبه الهيلا عسى ربي يطيب فالها
ياوين ابلقا شاعرن لاجاته الجزله زبون ## لاجاته الكلمه ينزلها حسب منزالها

[رعد الروقي]

ياوين ابلقا شاعرن لاجاته الجزله زبون
لاجاته الكلمه ينزلها حسب منزالها


الله الله



صح لسانك مدد



ننتظر قبيلك وصح لسانه مقدما

[محمد النخيش]

الله الله صح لسانك




وفي انتظار من يرد عليك من الشعراء



وصح لسانه مقدما:)

[الفارق]

صحت ابدانكم

[مــــحــــمــــد]

الله الله


يامرحبا فحلال طيباً من نصاها مايهون = يلقا الجزاله والكرم في فالها وعقالها
وصلت خير وكل ربعك لتوالي يحتمون = ماقدمت يمناك يالفارق يجيك امثالها

[سعود البرقاوي]

الله الله الله على هالبدعة
وياسلام على ردها

متابعين وفي انتظار قاف مليان

[مــــحــــمــــد]

العمده
النخيش

سعود البرقاوي

صحة ابدانكم ومتابعتكم شرف

[الفارق]

المشكله فالي يموت ولايموت الا مغبون ## والله يعز المملكه ويعز حامي جالـــــــــها
عز الله انك من رجالن للمواقف يكسبون ## والا الردى واهل الردى فال الله ولا فالها

[عبدالله الجـــذع]

الفارق ومحمد

صحت السنتكم

ومتابعين

محبكم

[مــــحــــمــــد]

شكلك من الي فالمحاجي يحفرون ويدفنون = ياليت نفسك من عناها تستريح اشوالها
لكن من مشروعكم والله مادري وش تبون = ناسين فضل الشجره الي كلكم بظلالها

[ولدعساف]

سلام للهيلا وانا واحد من الهيلا وامون ## عتيبه الهيلا عسى ربي يطيب فالها
ياوين ابلقا شاعرن لاجاته الجزله زبون ## لاجاته الكلمه ينزلها حسب منزالها

الله الله وصح لسانك

[ولدعساف]

الله الله


يامرحبا فحلال طيباً من نصاها مايهون = يلقا الجزاله والكرم في فالها وعقالها
وصلت خير وكل ربعك لتوالي يحتمون = ماقدمت يمناك يالفارق يجيك امثالها
صح لسانك يامحمد

[ولدعساف]

المشكله فالي يموت ولايموت الا مغبون ## والله يعز المملكه ويعز حامي جالـــــــــها
عز الله انك من رجالن للمواقف يكسبون ## والا الردى واهل الردى فال الله ولا فالها

صح لسانك يالفارق

[ولدعساف]

شكلك من الي فالمحاجي يحفرون ويدفنون = ياليت نفسك من عناها تستريح اشوالها
لكن من مشروعكم والله مادري وش تبون = ناسين فضل الشجره الي كلكم بظلالها

الله الله يامحمد وصح لسانك

[مــــحــــمــــد]

ولد عساف

حياك الله وصح بدنك يالغالي