حبيب العازمي وفواز العزيزي والمعنى (تركي 2000 وشقة الروضه )

[ابو فايح]

هذه احد لقاءات عيد الفطر بين الشاعرين حبيب العازمي وفواز العزيزي والمعنى كماهو موضح فالعنوان عن (تركي 2000) وما انتشر بين الناس مؤخرا



والحقيقه ماجعل حبيب ياتي بهذا المعنى هو انه قبل هذا الطاروق كان هناك طاروق بين شاعر عتيبي مبتدئ وبين فواز العزيزي وتم التطرق فيه لموضوع تركي 2000 فقال العزيزي ان تركي سلطه عليكم ومتوفق على شعرائكم ومن هالكلام


(فجاء حبيب طالبا فواز على هذا المعنى وهو يقول)

عزالله انا قد قفلنا الباب عن بعض العلوم = لكن من له عادة (ن) يرجع وترجع عادته



حبيب العازمي


عيونك يالعزيزي ماتناما = حلال سهرها ولا حراما
مدام النور خير من الظلاما = حياة العز اخير من المذله


مدري يطيب لك السهر ولا كذا مافيك نوم = اتحط راسك للمنام ولاينوش وسادته
عزالله انا قد قفلنا الباب عن بعض العلوم = لكن من له عادة (ن) يرجع وترجع عادته





فواز العزيزي
عيوني صاحيه والراس صاحي = واشوف الناس في كل النواحي
ياراعي الدلو والعد القراحي =حياة العز اخير من المذله



ابشرك مرتاح ماني بين معطى ومحروم = يومن بعض الناس نومه صار مثل عبادته
ياصاحبي ياللي تجنبت المشاكل والهموم = بعض العرب لوكان مانادى البلاوي نادته





حبيب العازمي

الا ياويلكم يا اهل الكنيسه = خسيسين وسوالفكم خسيسه
صحيح المرء دائم من جليسه =حياة العز اخير من المذله


ياويلهم واليلهم لاعاد كفار(ن) رخوم = ماعندهم غير المسيحي يعبدون قلادته
طيور فوق وكورها وطيور فاللجه تحوم = واليا لقت فوق الشجر لوهو ذباب (ن) صادته





فواز العزيزي




ولا ياويلكم يا اهل الخطيه =رديين وسوالفكم رديه
عساكم ماتطبون الحويه=حياة العز اخير من المذله





اعصابك شويه شويه لاتبادر بالهجوم = واشرب قراح الماء ليا جابوه من برادته
اليوم عدك تنتصر والعام خابرك مهزوم = يالقايد اللي غيروا في منهجه وقيادته





حبيب العازمي



عيال الكاهنه خمسه درابي = هبوا والام معهم وجه هابي
تغازل لاتذل ولا تهابي =حياة العز اخير من المذله


الوجه الاسود وسمه اسود مايبا فوقه وسوم= والنور في وجه الذي يسجد على سجادته
حنا ترا ماننهزم لو كانت الدنيا تقوم = مثل الوطن كل(ن) يعرف قيادته وسيادته




فواز العزيزي






عيال الكاهنه صاروا قبيله = ووسوا فيك حاجه مستحيله
علاج الضغط في مخباك شيله=حياة العز اخير من المذله


دكتوركم ياروق دكتور الاذاني والخشوم = لكن مريض القلب كيف نعالجه في عيادته
القوه اللي قابلتنا نص فرس ونص روم = والعلم نقصه صار يحسب من حساب زيادته





حبيب العازمي




حرام من حزامي ماعليه = ولو كانوا على قولك سريه
لأسنعهم قبل عيد الضحيه =حياة العز اخير من المذله


دكتورنا عنده علاج مخصصينه للسموم = والرجل مايثني عزومه غير ضعف ايرادته



والمحاوره فيديو على هذا الرابط

http://www.otaibah.net/m/showthread.php?p=932956#post932956

[سعد السميري]

حجز

1


:)

[خلف الروقي]

لاهنت على النقل




احترااااامي

[ابن صنهوت]

شكرا يابو فايح لاهنت يالذيب

[عبدالله المطرفي الهذلي]

والجديد يابو فاايح ؟؟!!

[القائد ركن طيار]

الا ياويلكم يا اهل الكنيسـه =خسيسين وسوالفكم خسيسـه
صحيح المرء دائم من جليسه =حياة العز اخير من المذلـه

لله درررررك يابو فيصل

لاهنت ياابو فايح على كل جديد :)

[ولدعساف]

لاهنت أبو فايح ع النقل

[الكنق]

تسلم يابوفايح

ولاتحرمنا من جديدك

يا مبدع




لاهنت

[ابو فايح]

لا هنتوا فردا فردا


الاخ عبدالله الجديد عند الشعراء اولا

وتاكد اني لو حصلت جديد لن ابخل به على منتدى ابناء عمي

[الباااسل]

مميز فيما تنقل دائماً يابوفايح




ولله در ابو فيصل

[ܓܨ عبدالله البرقاويܓܨ]

وش هالإبداع ياحبيب الله يخليك لعتيبه ويطول عمرك
لاهنت على النقل والله محاورات في قمة الرووووعه

[راع العبيه]

لا هنت يابو فايح على النقل وانا ترى كنت حاضر هذه الحفله وكانت حفله شيقه وهي زواج اخو حمدان العصيمي

[لافيزي]

مشكوووووووووووووور على حسن الاختيار


والنقل

[العفريت]

لاهنت يابو فايح

محاورة رائعه

ليت كل شعراء عتيبه الشباب يحذون حذو العملاق حبيب العازمي


شكرا

[عبدالله المطرفي الهذلي]

لا هنتوا فردا فردا


الاخ عبدالله الجديد عند الشعراء اولا

وتاكد اني لو حصلت جديد لن ابخل به على منتدى ابناء عمي

يابو فايح للأسف ماجبت شئ جديد لان هذه السالفه انتهت في وقتها وقد طرحت محاورة لـ زيد العضيله وحبيب على نفس المعنى فما الفرق بين فواز وزيد ونفس المعنى لكن ماادري هل قصدك من طرح الموضوع مرتين هل هو شماته أم ماذا ؟

أنا تمنيت انك تطرح محاورة معناها عميق وفيه من الفتل والنقض العجيب بعيد عن المواضيع التي لافائدة منها .

اتمنى تتقبل وجهة نظري بصدر رحب .

[ناصر حامد الثبيتي]

ابو فايح مبدع . ولاتحرمنا من هكذا طرح . شكرا لك .

[ابو فايح]

يا اخ عبدالله

اولا :ماذنبي ان لم اجد جديد من الشعراء تلك الحفله الا هذا الطاروق وطاروق ساطرحه لاحقا !!!!


وثانيا انا قلت لك لماذا جاء هذا الطاروق لانه معناه قديم وبعدين هناك فرق بين فواز وزيد وارجع للمحاورتين لترى الفرق في القوه وتشاهد كيف دار النقاش في المحاورتين !!!



وثالثا ماشفنا جديدك انت حتى يحق لك الحكم على الاخرين !!!


ورابعا ان لم يكن الموضوع عاجبك لست مجبرا على الرد!!!!

[عبدالله المطرفي الهذلي]

يا اخ عبدالله





وثالثا ماشفنا جديدك انت حتى يحق لك الحكم على الاخرين !!!





حنا ننتظر الجديد منك لأنك معودنا على الجديد والمفيد

ثانيا ماهو مسألة حكم أنا قلت لك وجهة نظر ولولا أني ودي بالمفيد والذي ينم عن معرفه لا مانطقت بحرف واحد .

[سلطان الاشراف]

سلامي على الكل والجميع بدون إستثناء 00


ويعطيك ألف عافيه أخوووي المبدع دائما ونور المنتدى الأول بلا منازع ( أبو فايح ) , على نقل محاورة الشاعر الأسطورة ( حبيب العازمي ) , وأتمنى أي محاورة للساحر حبيب تنقلها لنا , فيكفي الشعر فخرا أن حبيب العازمي ينطق به 00


أخووي عبدالله الهذلي 00

أنا ما أدري إش مزعلك وحارق رزك , يعني بالعقل أكثر من عشرة ردود يقولون المحاورة جميلة , وشكرا على النقل , وأنت الوحيد اللي داخل عرض , يعني الناس هذولي كلهم غلط وأنت صح 00


وبعدين إش تبا أبو فايح يسوي , معاد باقي إلا يختار هو المعاني ويفرضها على الشعار , عشان تكون حضرة جنابك راضي 00


يكفي إن حبيب ( الشبح ) طرف فالمحاورة , وأمانه يا أبو فايح تنقل أي محاورة لأبو فيصل 00


هذا أبو فيصل لو يجي عند المكرفون ( ويكح ) بس أعتبره إبداع , فما بالك إذا قال البيت 00


أبو فايح الله الله بمحاورات ( الدولار ) حتى لو يكح أمانه تنقلها , فهي من فم حبيب تطلع حلوة 00


سؤال الحلقة 00


الله ينصرك يا أبو فيصل , أو ينصر دينك يا حبيب , اللي يقولي كم مرة تكررة هذه العبارة في جميع محاورات حبيب العازمي بعد أن يقول البيت عند المكرفون ؟


سيحصل على ( 10 آلاف دولار ) مقدمه من مجوموعة شركاتي الخاصه 00


ولو جاوب المطرفي راح تكون ( 20 ألف دولار ) 00




تحياتي 00 سلطان الأشراف

[الرحاال]

ابوفايح مشكور على نقلك لمحاورات الشبح ابوفيصل ولا يهون فواز شاعر مبدع

تقبل تحياتي اخوك / الرحاال

[مانع العصيمي]

مشكور اخوي ع النقل

صح لسان شاعرنآ حبيب العازمي ولآيهون فواز العزيزي



تحياتي

[ابن عتيبه البار]

ابــــــــــــــــــــــــــــــــــــداع يالشبح كما عهدناك والحقيقه فواز مبدع

[علي الحبابي]

محاوره قمه مدام احد اطرافها حبيب العازمي
لاهنت علي نقلها يالنشمي

[رائد الكيرعاني القحطاني]

لاهنت يا بو فايح على المحاورة وان كان تكرار هذا المعنى من الشعّار خاطئ لــكــن ؟

اشكرك يالقرم

وانا تابعت المحاورة على المرقاب وكانت نااااقصه ليييييييش ما ادري بداية المحاورة في المرقاب يوم يقول فواز الموال الثاني

رديين وسوالفكم ردية

تحسب على مصداقية القناة

تحياتي

[ابو فايح]

لاهنتوا جميعا ومروركم يزيدني فخرا وانا لم اعمل الا واجبي
بالنسبه للاخ رائد اولا انا ماشفتها على المرقاب بس دامك تقول محذوف منها


اعتقد انها تحسب على القناه لو كان المحذوف لفواز العزيزي ولكن الحذف كان لحبيب والميل يصبح عليه لانك تسمع موال فواز وهو موال قوي وتعتقد ان حبيب جاب شي لا يصلح للعرض رغم ان الوضع طبيعي .

[رائد الكيرعاني القحطاني]

لا طال عمرك

كيف الحسبة ؟

الا يحسب على العازمي

موال زي ذا
الا ياويلكم يا اهل الكنيسـه=خسيسين وسوالفكم خسيسـه
صحيح المرء دائم من جليسه

!

بيفتّح بيبان

ماهي بمغلقه

وانت تعرف وش اقصد

[ابو فايح]

رائد المعنى مخفي زيه زي اي معنى ما يفهمه الا العارف بالشعر


مثله مثل بيت ابن شايق


يا مرحبا بالشيخي اللي له ثلاث اسنين مفقود ** والعين والدال حرفينن غلطنا في حداها


هل اذا فهم المعنى تصبح صالحه للنشر ؟؟؟


طبعا لا والف لا ولكن لان المعنى لايفهمه الا القليل عرض البيت .


وبعدين ارجع للمحاوره ترا البدايه لم تكن موال حبيب (الكنيسه ) قبله موال لحبيب وموال لفواز تمهيد لبداية الطاروق محذوفه .


واعتقد انه خلل صحيح تحسب على القناه ولكن لا تحسب على مصادقيتها لاني اعتقد انه خلل فني جاء عفويا .