اتحادي وان بغيت الصدق نصراوي وساما= والهلاليه لها فالدم عنوان وفصيله

[عيد العازمي]

ابو ناشي اذا كنت متواجد تفضل



يعلم الله مالعبت القاف مع غير النشاما= وبن ناشي من رياجيل تذود عن القبيله!!


اتحادي وان بغيت الصدق نصراوي وساما= والهلاليه لها فالدم عنوان وفصيله!!

[طلال ناشي]

مرحبا يابوطلال




جابك الله ياوسيع المعرفه والدرب شاما = الوعد ياعيد لن غنيت في راس الطويله

شجع اللي تاتشجع دام تحت اسمك علاما = مابلشنابك ليا ناش الزَند خشم الفتيله

[عيد العازمي]

تبقا


فالمواجه والعلوم النايده منك السلاما = والتحيه من هجوسي حاضره في كل ليله!!


التناقض مايعز النفس ياحام الجهاما= مار ذر البيت لاح البرق في عرض المخيله!!

[عيد العازمي]

يابو ناشي خلك قريب الرد حامي حامي:)

[طلال ناشي]

وكل الله يابوطلال



أنت شاعر تعرف أن النور جلاي الظلاما = والدليله لو يطول الدرب ماظاع الدليله

والله إنَ مانبا غير الحلا أعن الحراما = علم اللي لاوصله العلم جا يومي شليله

[هايف العوني]

صح لسنتكم يالشعار وافين

تحياتي لكم جميعاً

[عيد العازمي]

مانقول قصور فاللي فالطلب شد الحزاما= مار من خانه زمانه ماطلع بيديه حيله!!


اكثر الهقوات راحت في جناحين الحماما = بارك الله في رفيقٍ مانزل وسط المسيله!!

[طلال ناشي]

صح بدنك ياهايف ولاهنت على المرور

شرفتنا

[عيد العازمي]

هايف العوني


صح بدنك

وابيض وجه طال عمرك

[عبدالله الجـــذع]

الله الله

ابو طلال .. وابو ناشيء

عمالقه شعر


متابعين لين يغطنا النوم :)


محبكم

[عيد العازمي]

ابو عابد الجذع


متابعتك غير


ونوم العوافي طال عمرك

[مــــحــــمــــد]

العازمي ، طلال ناشي


صحت الالسن والقلوب امتعتونا بأبداعكم

واصلووووووو

[عيد العازمي]

مــــحــــمــــد


صح بدنك

شرفتنا لاهنت طال عمرك

[طلال ناشي]

التهم يابو طلال أتعيش وتموت أبتهاما = والعلوم ألها مقر ولاش حاجه مستحيله

مايحصلها ورنا اللي مراجيحه تواما = جبتها لك وأنت كيفك بين عدل وبين ميله


معليش ياعيد الاتصال مايساعدني

[طلال ناشي]

عبدالله الجذع


متابعتك شرف طال عمرك

[طلال ناشي]

صح بدنك يامحمد


متايعتك تشرفنا لاهنت

[طلال ناشي]

أبو طلال تصبح على خير والله ماهوب ودي


مير الاتصال مايساعد


شرفتني واللعب معك نوماااااااس


تحياتي

[عبدالله الجـــذع]

الله اكبر الله اكبر

واصلوا يامبدعينا

[عيد العازمي]

الخوافي بيّنت والوافيه ياما وياما = عن كثير الهرج يالغالي يكفّينا قليله!!


ياوليدي لاتقول المجد في طول المناما = وقّت الساعه وقز الخط كيلوّه وميله!!




معذور ومشكور ياطلال والختام عندك اخوك عنده دوام ومضطر للخروج

[محمد الحمادي]

عباقره ,

ومبدعين ,

الله لايهينكم ,

وصحّت للألسن ,

[ولدعساف]

الله الله صحت الألسن والقلووووب

[نوآف الغنامي]

العازمي & طلال


مبدعين مبدعين



صحت السنتكم



امتعتونا بهذا الطاااروق

[طلال ناشي]

لاهنت ياعيد وأبشر بالعوض

[طلال ناشي]

صح بدنك يالحمادي ولاهنت على المرور

[طلال ناشي]

صح بدنك ياولد عساف

[طلال ناشي]

الابداع مرورك الكريم ياخيال الصفراء


صح بدنك


لاهنت

[فايز بن سرحان الثبيتي]

ابو طلال

وابو ناشي



.........

....



لله دركم


صحت قلوبكم لاشك ان الابداع حليفكم

[حاكم الغنامي]

الله الله

صحت الالسن والقلووب

لاهنتوا

[طلال ناشي]

هلا يابن سرحان


صح بدنك والابداااع أنت

[طلال ناشي]

صح بدنك ياحاكم ولاهنت أنت

[رعد الروقي]

فالمواجه والعلـوم النايـده منـك السلامـا
والتحيه من هجوسي حاضره في كل ليلـه!!



أنت شاعر تعرف أن النور جلاي الظلاما
والدليله لو يطول الدرب ماظاع الدليلـه



الله الله



العازمي // ابن ناشي



مبدعين بحق



صحت السنتكم ولاهنتوا

[طلال ناشي]

فالمواجه والعلـوم النايـده منـك السلامـا
والتحيه من هجوسي حاضره في كل ليلـه!!



أنت شاعر تعرف أن النور جلاي الظلاما
والدليله لو يطول الدرب ماظاع الدليلـه



الله الله



العازمي // ابن ناشي



مبدعين بحق



صحت السنتكم ولاهنتوا



صح بدنك يالعمده


لاهنت على اطلاعك ..


وعطنا من وقتك حتى يكتمل الابداع