سعود البرقاوي

[مجري الذلان]

السلام عليكم

وصباح الخير وودي أمزح مع سعود


ياسعود قرب جاي ثم دوك الأخبار=لن كان ماعندك علومٍ جديده
شاعر ولك في ساحة الشعر مشوار=خذ فيدي وهات العلوم المفيده

[سعود البرقاوي]

وعليكم السلام ورحمة الله
ياهلا وغلا وامزح وخذ راحتك وحط رجلك


الله يكافي من صواديف الاقدار = هذا كلامٍ كل ساعة نعيدة
وش عاد عندك مع طويلين الاشبار = لاصار مالك صورة فالجريدة

[مجري الذلان]

ماتدري عن الغيب يالآمن الغار=عسى سنينك في حياتك مديده
لو الجرايد تكتب اليوم وش صار=لا صرت ما أوجع قوم وأنفع بديده

[سعود البرقاوي]

منته بلا نافع ولا انته بلا ضار = شاعر تغني من بيوت القصيدة
يامجري الذلان لاتقبس النار = وتحط من فوق الحديدة حديدة

[ولدعساف]

الله الله واصلوا واصلوا وابروح ازهم الصفوف يالو ان ذابحها النوووووووووم ههههههههه صحت الألسن والقلوووووب

[سعود البرقاوي]

هلا ياولد عساف هلا
وحنا مستأجرين الصفوف يومين متواصله
شلون ترقدون ؟

[مجري الذلان]

والشعر له عند الأجاويد مقدار=لاتستهين بنازفه من وريده
له وقعٍ أقوى من صواريخ لأشرار=شعبٍ تنوس به وشعبٍ يبيده

[ماجد العصيمي]

صح لسانك يا مجري

وصح لسانك ياسعود

[مجري الذلان]

صح بدنك ياولد عساف

وإستلم الصف الموالي والناس تبا تجي

[مجري الذلان]

صح بدنك ياشيل مرجحين الموازين

[ولدعساف]

والشعر له عند الأجاويد مقدار=لاتستهين بنازفه من وريده
له وقعٍ أقوى من صواريخ لأشرار=شعبٍ تنوس به وشعبٍ يبيده

الله الله
له وقعٍ أقوى من صواريخ لأشرار=شعبٍ تنوس به وشعبٍ يبيده
صح لسانك

[مجري الذلان]

تسلم والله

ياولد عساف :)

ولصف عندك

[سعود البرقاوي]

مدري وش آقول لك في سر وجهار = لكن موفق خير يا هالوليدة
كنت اتوقعها تحت سبعه امتار = وراحت كما العصفور كلن يصيده

[ولدعساف]

سعود ومجري من ناحية الصفوف ازهلهوم

[سعود البرقاوي]

شبل مرجحين الموازين
صح بدنك وياهلا بك

[ولدعساف]

مدري وش آقول لك في سر وجهار = لكن موفق خير يا هالوليدة
كنت اتوقعها تحت سبعه امتار = وراحت كما العصفور كلن يصيده

سعود انا اشهد ان بيتينك ذهب مثل معدنك وصح لسانك

[سعود البرقاوي]

ولد العساف
شهادتك اعتز بها يابن العم
وبيض الله وجهك على دعمك لنا بالصفوف

النهار النهار

[علاي الحافي]

صح السنتكم وقلوبكم
لاهنتم

[سعد السميري]

كنت اتوقعها تحت سبعه امتار=وراحت كما العصفور كلن يصيده


.. الله الله ..


صدقني إنها أقرب مرره مرره هههههه ..



صح لسانك ولسان مجري ..


:)

[نوآف الغنامي]

كنت اتوقعها تحت سبعه امتار
وراحت كما العصفور كلن يصيده




يااااااااسلام



يا مبدعين



صحت السنتكم



واااااصلــــــــــــــــــوا


نتابع ونتعلم

[سعود البرقاوي]

الاخوان
عابر سبيل
سعد السميري
خيال الصفراء

لاعدمت حضوركم اللذيذ
ولاهنتوا