حمود بن برجس \ مرحبا ترحيبة ٍ سلمها سلم الجدود

[عقاب العنزي]

مرحبا ردية ٍ سلمها سلم الجدود = ياخذ الطرقي معاها كرامات وذرى

بعد ماخلّص سعود العصيمي ياحمود = ودي اخبّرك باللي على بالي طرى

[حمود بن برجس]

.

.

لاترحب بالنيابه وحنا في الوجود = في محلي لاتحسب ان انا وانت خشرى

بعد ماخلصت قافٍ لعبته مع سعود = وش طرى في خاطرك من طواري ياتُرى ؟


.

[عقاب العنزي]

لاتسوي بيننا يابيض الشارب حدود = لي ثلاث سنين بين الشفا وام القرى

عاضك الله وانتبه للطراقي والوفود = بعد هذي كل شاعر على بابك سرى

[حمود بن برجس]

الله الله


ياعقاب تمون لكن بجودي لا تجود = ما لحقني في المواجيب واللازم زرى

الله الرزاق والعود في عين الحسود = مار مدري صاحبي وش فهم من ما قرى

[عقاب العنزي]

بعد عدّيت البهيته معا ذيك الحيود = لاتحسب ٍ البهيته كما طلعة كرى

والله ان ّ مانبيح السراير والسدود = مار اظن حمود عن ماحصلّه مادرى

[حمود بن برجس]

.

.


ان مشيت امشي ملك وان رقيت ارقى سنود =خطوتي في الدرب قدام ماترجع ورى

انت هات الحجه اللي لها عندك شهود = لجل اقول عقاب له قلب وعيون ٍ ترى

.

[عقاب العنزي]

الله اكبر بعد سادو على الارض الهنود = يمكن الناس الكريمه يعيشون افقرى

انت لو برّقت بين المخيله والرعود = كان شفت الفرق بين الثريا والثرى

[حمود بن برجس]

.

.


ماعليك خلاف وانته على عد الورود = وان لحقك الضيم حنا نرد الك البرى
فيه فعل يجرح كبود ويدواي كبود = وانت كبدك جرحها يا ابن وايل مابرى

.

[عقاب العنزي]

فالسلوم وبالعوايد تجاوزت البنود = كيف يالطيّب تشمت على ناس اومرا

مايسود الظلم لو سادو عيال الزيود = وابن وايل خابر ٍ في حياته وش جرى

[حمود بن برجس]

استلم يا عقاب

والختام عندك

شرفتني بها الطاروق اللي كان ودي انه يكتمل لكن الصبح اصبح

والجايات اطيب


والله اني ما اتلحق موفين العهود = مار اظن الليل بيني وبينك ما سرى
كان ودك تنصر الدين وتذل اليهود = رح وفجر لك عماره في وسط انجلترا

[عقاب العنزي]

لك يابن برجس سنه تاخذ ايام وتعود = ياترى ويش اللي غيّبك عنّا ياترى

ابتدا ضرب القنابل وقدحات الزنود = مابقى الا نغلق البيع قبل المشترى


صح لسانك وبدنك والشرف لي الله يعافيك


..

[ولدعساف]

صحت ألسنتكم وأبدعتوااااااااااااا

[علي فلاح العضياني]

الله الله


صح لسانك يا عقاب



و صح لسانك يا حمود



محاوره استمتعت بقرائتها

[حاكم الغنامي]

الله الله


ياسلام

طارووق عالمي

صح لسانكـ ياعقاب

وصح لسان ابو برجس


ابدااااع

[علاي الحافي]

صح السنتكم وقلوبكم
لاهنتم

[رفيع المنزل]

انت هات الحجه اللي لهـا عنـدك شهـود
لجل اقول عقاب له قلـب وعيـون ٍ تـرى


انت لو برّقت بين المخيله والرعـود
كان شفت الفرق بين الثريا والثـرى



شعراء كبار صحت السنتكم

وابدعت ياعقاب

[عقاب العنزي]

ولد عساف

صح بدنك ولاهنت

[عقاب العنزي]

علي العضياني

شرفتنا بحضورك يالذيب

صح بدنك

[عقاب العنزي]

حاكم الغنامي

الابداع حضورك

صح بدنك

[عقاب العنزي]

عابر سبيل

صح بدنك ولاهنت

[عقاب العنزي]

رفيع المنزل

صح بدنك شرفتني يالبناخي بحضورك