مقالب الكبار (ابن شايق وملفي ) !!!!!!! [الأرشيف] - الهيـــــــــــــلا *** منتدى قبيلة عتيبة

مشاهدة النسخة كاملة : مقالب الكبار (ابن شايق وملفي ) !!!!!!!

رائد الكيرعاني القحطاني

13-Oct-2009, 04:19 PM

السلام عليكم ورحمة الله وبركاته

اسعد الله اوقاتكم بالخير والمسرات

هذي محاورة جرت بين الشاعرين العلمين عبدالله بن شايق وملفي المورقي

تم تمرير مقلب من الطراز الخطير من احد الشاعرين على الآخر

ارجو من الأعضاء طرح اراءهم وتوضيح البيت والمقلب

ابن شايق

يالمورقي قوم انشدك عن عقرب=لو راسها يبعد ذنبها يقرب
اتش ام زايد اكس تاكل تشرب=يضيع حق ما وراه مطالب

/

سرا الليل يا شعار شعار يا شعّار=ومن قال يا شعار معناه يزهمها

يا ملفي صفا دقني ودقنك عليه غبار=ومن لا يغبر لحيته ما يدسمها

ملفي

ياللي تكون حاجة معدومه=مالك ومال العقرب المسمومه
لو تلدغ النايم صحا من نومه=ما ضاع حق من وراه مطالب

/

سرا الليل يا شعار في مركز الامار=ومن قام فالواجب علومه يقدمها

سوالفك هذي تودع العارفه يحتار=ولكن تاليها يغطي مقادمها

ابن شايق

الاتش والزايد عليك مزوّر=والإم جي اكس ار غير مطور
الله يا دنيا شي ما يتصور=يضيع حق ما وراه مطالب

/

ترا الله هو اللي مرسل سيد الأبرار=وحاجة محلّلها وحاجه محرّمها

الأعمال بالنيّات جنة نعيم ونار=ولكن عسى ربك يزين خواتمها

ملفي

... في حروف اللوحة=تدري بها لو انها مطروحة
الله يزين افكارك المفتوحة=ما ضاع حق من وراه مطالب

/

انا داري انك يابن شايق وراك اخبار=ولكن بقعا لا تدخلك في فمها

تبا نعيم وجنتين عليها انهار=تقدم مع ابطال تجوّز محازمها

ابن شايق

الجمر يا مسكين لا تلعب به=ياللي من الحبة تسوي قبه
وانا اضرب القبة وترجع حبة=يضيع حق ما وراه مطالب

/

انا مسلم ومجنب سكة الكفار=مع اني اول كنت اضيّق مناسمها

ما اجاملك يا ملفي ترا ما عليك خيار=وبعض المزارع ما تورّد طماطها

ملفي

ماني لا مسكين ولاني خايف=لكن من هرج تقوله عايف
اخر زمانك مالك الا الطايف=ما ضاع حق من وراه مطالب

/

ترا المسلمين يمين وانته غديت يسار=عيونك يابن شايق باصابعك لاطمها

سنونك تضاحك يابن شايق ودمك فار=انا اعرف مساؤ القوم واعرف مكارمها

ابن شايق

انا اعرف الاحداث واللي صاير=وان رحت للطايف امرك زاير
ياليتهم جابوك وسط الحاير=يضيع حق ما وراه مطالب

انا رحت للطايف ازورك بسجن شهار=لو سكت ربعك كان والله ما اعلمها
.
.
.
.
.

تحياتي

ولدعساف

13-Oct-2009, 04:41 PM

يعطيك العافيه ولاعرف تمرير مثل اهل الحجاز بس انا اعتقد الشطر ذا فيه تمريره:اتش ام زايـد اكـس تاكـل تشـرب

زبن الجعفري العنزي

13-Oct-2009, 04:43 PM

ابن شايق شاعر كبير

ملفي شاعر كبير

و ملفي عندي بعد العصيمي ورشيد في المنزله( وجهة نظر)

الا ان حسب (وجهة نظري) ان ملفي ضايع بالطوشه والدليل يوم يقول :

سوالفك هذي تودع العارفه يحتـار=ولكـن تاليهـا يغطـي مقادمـهـا

وهذا (وجهة نظر خاصة بي فقط فقط فقط)

صاهود

13-Oct-2009, 05:27 PM

مجنون ابو شنب عزالله انه يسد الريع

شاعر كبير

ملفي شاعر ماعليه اختلاف

والتمريرات ثلاث لبو شنب

وثنتين لبو وافي

اما المعنا واضح والكفار اكبر دليل

تسلم يمينك يالكيرعاني

ماجد العصيمي

13-Oct-2009, 06:05 PM

كلهم شعار كبار

وانت لاتطول علينا

ابوتيجان

13-Oct-2009, 06:19 PM

علي الحبابي

13-Oct-2009, 06:35 PM

ياسلالالالالالالالالالالالالالالالالام عليك يارائد

محاوره مميزه واكيد ما تخلو من المقالب الشعريه

وهذا من اختصاص ابن شايق كما عرف عنه بدون قصور في الشاعر الفحل ملفي المورقي

ماجد العصيمي

13-Oct-2009, 06:42 PM

يالربع واحد يزهم على ابو فايح

ابو فايح

13-Oct-2009, 09:11 PM

حي الله رايد وحي ما جاب

محاوره عجيبه غريبه

بدأت بلغز قوي من ابن شايق اعتقد ان ملفي استطاع حله او التخارج منه ان صح التعبير

ومع اللغز اعتقد ان ملفي انشغل بحل اللغز ولم ينتبه لبيت ابن شايق
سرا الليل يا شعار شعار يا شعّـار****ومن قال يا شعار معنـاه يزهمهـا

من هي التي يزهمها ؟؟

الشعار مذكر المفترض يقول (يزهمهم ) ولكن اعتقد انه اراد تمرير الكلمه ونجح في ذلك

في منتصف المحاوره جاء اللعب الكايف

ملفي يقول اذا اردت الشعر والمال (وشبهها بالجنه ) (ورغم عدم صحة التشبيه هذا ) عليك يابن شايق ان تقابل الفطاحله والابطال ويرمز هنا لمستور وحبيب وشعراء الطائف

تبـا نعيـم وجنتيـن عليهـا انهـار**تقدم مع ابطـال تجـوّز محازمهـا

هنا رد ابن شايق واتمنى ان يفهموه القحاطين جيدا لانه سيريحهم من مواضيع تطرح باستمرار
هنا ابن شايق يقول انه متجنب هؤلاء الشعراء رغم اني كنت اضيق عليهم انفاسهم

وهو اجابه لمن يسأل عن عدم مقابله حبيب ومستور لابن شايق !!!!
السبب كما قال ابن شايق انه متجنبهم ولا يريد مقابلتهم .
(ورغم عدم صحة تشيه ابن شايق لحبيب مستور بالكفار )

انا مسلـم ومجنـب سكـة الكفـار**مع اني اول كنت اضيّـق مناسمهـا
واستمر الطاروق في النقاش على هذا المعنى

ولد عمهوج

13-Oct-2009, 09:33 PM

كلهم شعار كبار

والمحاوره رائعه شكر على النقل الرائع

جرمان بن مسفر

14-Oct-2009, 06:38 AM

[color=#0000ff]هنا رد ابن شايق واتمنى ان يفهموه القحاطين جيدا لانه سيريحهم من مواضيع تطرح باستمرار
هنا ابن شايق يقول انه متجنب هؤلاء الشعراء رغم اني كنت اضيق عليهم انفاسهم

وهو اجابه لمن يسأل عن عدم مقابله حبيب ومستور لابن شايق !!!!
السبب كما قال ابن شايق انه متجنبهم ولا يريد مقابلتهم .
(ورغم عدم صحة تشيه ابن شايق لحبيب مستور بالكفار )

انا مسلـم ومجنـب سكـة الكفـار**مع اني اول كنت اضيّـق مناسمهـا
واستمر الطاروق في النقاش على هذا المعنى

كيف ؟؟

هل تريد ان تقول ان ابن شايق هو من رفض او نة من اجتنب مقابلة

حبيب ومستور

نحنوا لسنى في عنا لكي نستريح

انت تابعت لقاء مستور على الساحة

عندما قال انة لايعرف ابن شايق

ولابن شايق مع ملفي في نفس الحفل

طارووق

عند ماقال

وين رابح يانبيبل شعيل

اعتقد انك تفهم المعنى ولا يحتاج تحليل لة

رائد الكيرعاني القحطاني

14-Oct-2009, 04:19 PM

http://www.youtube.com/watch?v=PJybwtyuEgI

المقطع لمن اراد الرجوع اليه

رائد الكيرعاني القحطاني

14-Oct-2009, 04:32 PM

يعطيك العافيه ولاعرف تمرير مثل اهل الحجاز بس انا اعتقد الشطر ذا فيه تمريره:اتش ام زايـد اكـس تاكـل تشـرب

لا هنت يا ولد عساف

ما حولك علم

صحيح ان الموال يدل على شئ خطير يتداوله الناس في المجالس :p لكن هو مجرد نكته من ابن شايق ساوضح الموال ايضا فيما بعد

لكن المقلب الحقيقي الجهنمي لم يأت به احد

شكرا

ابن شايق شاعر كبير

ملفي شاعر كبير

و ملفي عندي بعد العصيمي ورشيد في المنزله( وجهة نظر)

الا ان حسب (وجهة نظري) ان ملفي ضايع بالطوشه والدليل يوم يقول :

سوالفك هذي تودع العارفه يحتـار=ولكـن تاليهـا يغطـي مقادمـهـا

وهذا (وجهة نظر خاصة بي فقط فقط فقط)

الوايلي

على يمناك السمن

مع احترامي للهامور

في ذي الملعبة ضااااااايع في الطوشة

والله لا فهم الموال ولا فهم المقالب

وخير دليل بيته اللي ذكرت وإذا احد كشف البيت تشوف شلون مشا عليه المقلب

لاهنت
مجنون ابو شنب عزالله انه يسد الريع

شاعر كبير

ملفي شاعر ماعليه اختلاف

والتمريرات ثلاث لبو شنب

وثنتين لبو وافي

اما المعنا واضح والكفار اكبر دليل

تسلم يمينك يالكيرعاني

صاهود

ما هي بمباراه

وضحها ان كان تعرفها :rolleyes:

لاهنت
كلهم شعار كبار

وانت لاتطول علينا

شكرا

رائد الكيرعاني القحطاني

14-Oct-2009, 04:44 PM

انا اكثر مايهمني في المحاورة شرارة البداية وهي في البيت الثاني لابن شايق:

يا ملفي صفا دقني ودقنك عليه غبار=ومن لا يغبر لحيتـه مـا يدسمهـا

ابن شايق هنا يريد ان يرمز لشيئ معين في الشطر الاول ولكنه في الشطر الثاني قضى عليه واستغله ملفي المورقي عندما قال:

سوالفك هذي تودع العارفه يحتـار=((ولكـن تاليهـا يغطـي مقادمهـا))

ويقصد في الشطر الاول انك لم توصل ماتريد حسب المطلوب ولكن الشطر الثاني من البيت غطى بإيجابياته على الشطر الاول

اكتفي بوجهة نظري عن شرارة البداية بين ابن شايق والمورقي

ابو تيجان

اررررحب

تقصد ان ابن شايق ما استطاع يوصل معلومته في ذا البيت اوووب:eek:

مااااالك لوا

ملفي متحير من ذا البيت وانت تقول ذا الكلام

راجع البيوت يا كحيلان

وعطني رايك

لاااااهنت
ياسلالالالالالالالالالالالالالالالالام عليك يارائد

محاوره مميزه واكيد ما تخلو من المقالب الشعريه

وهذا من اختصاص ابن شايق كما عرف عنه بدون قصور في الشاعر الفحل ملفي المورقي

شكرا ابو فيصل

يالربع واحد يزهم على ابو فايح

!

اي والله ازهمو كحيلان

شكرا

حي الله رايد وحي ما جاب

محاوره عجيبه غريبه

بدأت بلغز قوي من ابن شايق اعتقد ان ملفي استطاع حله او التخارج منه ان صح التعبير

ومع اللغز اعتقد ان ملفي انشغل بحل اللغز ولم ينتبه لبيت ابن شايق
سرا الليل يا شعار شعار يا شعّـار****ومن قال يا شعار معنـاه يزهمهـا

من هي التي يزهمها ؟؟

الشعار مذكر المفترض يقول (يزهمهم ) ولكن اعتقد انه اراد تمرير الكلمه ونجح في ذلك

في منتصف المحاوره جاء اللعب الكايف

ملفي يقول اذا اردت الشعر والمال (وشبهها بالجنه ) (ورغم عدم صحة التشبيه هذا ) عليك يابن شايق ان تقابل الفطاحله والابطال ويرمز هنا لمستور وحبيب وشعراء الطائف

تبـا نعيـم وجنتيـن عليهـا انهـار**تقدم مع ابطـال تجـوّز محازمهـا

هنا رد ابن شايق واتمنى ان يفهموه القحاطين جيدا لانه سيريحهم من مواضيع تطرح باستمرار
هنا ابن شايق يقول انه متجنب هؤلاء الشعراء رغم اني كنت اضيق عليهم انفاسهم

وهو اجابه لمن يسأل عن عدم مقابله حبيب ومستور لابن شايق !!!!
السبب كما قال ابن شايق انه متجنبهم ولا يريد مقابلتهم .
(ورغم عدم صحة تشيه ابن شايق لحبيب مستور بالكفار )

انا مسلـم ومجنـب سكـة الكفـار**مع اني اول كنت اضيّـق مناسمهـا
واستمر الطاروق في النقاش على هذا المعنى

-------

بو فايح

ارررررحب ارررررحب

قد يكون لغم بسيط وواضح من ابو شنب ولكن ليس المقصود

وايضا ملفي لم ينتبه ولم يعقب :o

/
يا سلام جميل المعنى ولكن نحن نتكلم عن المقلب هنا

لاهنت على الإضــافه يالقرم

/
هنا يا بو فايح أخالفك الرأي 100%

هل تقصد ان ابن شايق يتجنب حبيب ومستور خووف او ماااذا

مستور وحبيب هم من قاطعو ابن شايق وهذا معروف للجميع

وواضح كلام ابو شنب ما تقدر تحجه بشئ فهو يقول لو اني من اول كنت اضيق مناسمها

وكما ذكرت الطاروق استمرر على هالمعنى لـــــــكــــــن ؟

المقلب ما جبته يالقرم :p

اششششكرك

بانتظار مشاركتك القادمه

رائد الكيرعاني القحطاني

14-Oct-2009, 04:50 PM

كلهم شعار كبار

والمحاوره رائعه شكر على النقل الرائع

لاهنت

كيف ؟؟

هل تريد ان تقول ان ابن شايق هو من رفض او نة من اجتنب مقابلة

حبيب ومستور

نحنوا لسنى في عنا لكي نستريح

انت تابعت لقاء مستور على الساحة

عندما قال انة لايعرف ابن شايق

ولابن شايق مع ملفي في نفس الحفل

طارووق

عند ماقال

وين رابح يانبيبل شعيل

اعتقد انك تفهم المعنى ولا يحتاج تحليل لة

جرمان ابن مسفر

لاهنت على التعقيب

محمد ابن رووق

14-Oct-2009, 04:51 PM

ابو فايح

14-Oct-2009, 06:01 PM

بارود عازمي

15-Oct-2009, 01:34 AM

ما اجاملك يا ملفي ترا ما عليك خيار
وبعض المزارع ما تورّد طماطهـا

ما عليك خيار

مقلب بايخ من المفترض لشاعر عليمي

رائد الكيرعاني القحطاني

15-Oct-2009, 01:01 PM

سرا الليل يا شعار شعاري يا شعّـار
ومن قال يا شعار معنـاه يزهمهـا

ان كان تعد هذي التمريره اللي محد فهمها فانا اقول انها تمريره عاديه

التمريره القويه اللي لها معنيين ماتدري ايهم يقصد وراكبه على اتجاهين

ههههه:o

اشكرك على سعة ثقافتك الشعرية و(المقالبية ;) )

هو احد قال شئ واصلا وش فيها كلمة شعار هل طرّا ابن شايق كلمة شعاري

عموما لاهنت

الاخ جرمان بن مسفر والاخ رايد

انا ما جبت شي من رأسي الكلام اللي قاله ابن شايق

((انا مسلـم ومجنـب سكـة الكفـار))

الا ان كان لديكم تفسير اخر لهذا الشطر وخصوصا كلمة ((مجنب ))

اما من ناحية المقلب يا اخ رائد مثل ما يقولون البدو (الهرج كله مضاريع )

فاي كلمه تستطيع ان تحولها الى معنى اخر

والمقالب الشعريه لا تستطيع الجزم بصحة المقلب ان لم يكتشفه الخصم او ان لم يوضح قائله انه استطاع تمرير مقلبه على خصمه في البيت الذي يلي رد خصمه على المقلب

وع هذا كله بيت ابن شايق هذا يحتمل اكثر من معنى :

ما اجاملك يا ملفي ترا ما عليك خيار**وبعض المزارع ما تورّد طماطهـا

ابو فايح

اهلين

ما هو بشرط يالذيب انه يكتشفها الخصم او ينبه لها الشاعر (صاحب المقلب) بعد الرد ابدا

ياما مقالب ما كشفت الا بعد شهور وسنين

بالنسبة للبيت لا ما هو بمقصدي ابوضح لك الان

عموما لاهنت

ما اجاملك يا ملفي ترا ما عليك خيار
وبعض المزارع ما تورّد طماطهـا

ما عليك خيار

مقلب بايخ من المفترض لشاعر عليمي

الخيل يا شقرا

كيف حالك

رائد الكيرعاني القحطاني

15-Oct-2009, 01:16 PM

.................................................. .

احببت توضيح البيت الّــذي مرره عبدالله بن شايق على ملفي المورقي

مع انه كان بودّي الإستماع والاستمتاع بقراء اعضاء الردود المميزين والعقلاء ولكن ...

البيت الجهنّمي

ذكر بعض الاعضاء انه اخطأ بو شنب في تركيبته وضيّع المعنى على ملفي:confused:

وهو البيت الثاني ل ابو شنب

بقوله

يا ملفي صفا دقني ودقنك عليه غبار=ومن لا يغبر لحيته ما يدسّمها

طبعا ملفي لم يحسن اكتشاف العقرب المسمومه

وكذلك البيت

عموما

البيت هو

يا ملفي صفا دقني ودقنك عليه غبار

بيت عااادي صحيح

معناه : يا ملفي دقني صافي ما عليه تراب ولكن انت يا ملفي دقنك مترب ومعروف ان التراب يكون على الأرض اي انّك تلصق دقنك بالأرض

جميـــــل

ومن لا يغبّر لحيته ما يدسمها

أي : من المعروف ان الواحــد اذا كان سيحط دقنه في التراب (تكرمون) لابد ان يكون في وضع النايم على بطنه

ومن لا يغبّر لحيته في الرّمل

ما يدسمها :eek:

وانتو بالكرامه

ما يدسّم ايييش ؟

ما يدسمها ما هو بعايد على الدّقن

يعني : ان دقنك يا ملفي تلصقه بالتراب وانت على بطنك واذا الصقته تدسّمها ؟؟؟؟

طبعا ابو وافي شك في البيت ويعلم ان ابو شنب لن ياتي ببيت حكمه كذا من غير قصد

فقال

سوالفك هذي تودع العارفه يحتار

ارررجو ان اكون وضحت بما فيه الكفايه

محمد ابن رووق

15-Oct-2009, 01:41 PM

جرمان بن مسفر

15-Oct-2009, 01:55 PM

الاخ جرمان بن مسفر والاخ رايد

انا ما جبت شي من رأسي الكلام اللي قاله ابن شايق

((انا مسلـم ومجنـب سكـة الكفـار))

الا ان كان لديكم تفسير اخر لهذا الشطر وخصوصا كلمة ((مجنب ))

اما من ناحية المقلب يا اخ رائد مثل ما يقولون البدو (الهرج كله مضاريع )

فاي كلمه تستطيع ان تحولها الى معنى اخر

والمقالب الشعريه لا تستطيع الجزم بصحة المقلب ان لم يكتشفه الخصم او ان لم يوضح قائله انه استطاع تمرير مقلبه على خصمه في البيت الذي يلي رد خصمه على المقلب

وع هذا كله بيت ابن شايق هذا يحتمل اكثر من معنى :

ما اجاملك يا ملفي ترا ما عليك خيار**وبعض المزارع ما تورّد طماطهـا

ابن شايق يقصد بهذا البيت

انا مسلـم ومجنـب سكـة الكفـار

يقصد انة مجنب الطريق اللي سلكة مستور وحبيب

الا وهو انهم اذا العبوا مع احد من الشعار

ولم يتخارجوا معة انهم يمتنعون من اللعب معة (( يرفضون اللعب معة))

ودليل كلام ابن شايق هو امتناع حبيب ومستور من اللعب

معة مرة اخرى

ويقصد بالبيت الثاني

اني عندما لعبت معهم كنت خصمهم الاقوى

ولم اترك لهم مجال واسع في اللعب معي

ابو فايح

15-Oct-2009, 02:04 PM

مع احترامي لك يا اخ رائد بيت عادي جدا وواضح جدا وهو مثل معروف ويتكرر في كثير من المحاورات

فايز بن سرحان الثبيتي

15-Oct-2009, 03:06 PM

:)

ابك المقلب ان كان موجود اللي اكله ابن شايق الله يرضى علاك

دود دود البيت

يا ملفي صفا دقني ودقنك عليه غبار
ومن لا يغبر لحيتـه مـا يدسمهـا

بيت عادي وان كان فيه مقلب فاعتقد ان ابن شايق وضع نفسه في موقف محرج واختار لنفسه التجربه اللتي اراد ان يضع فيها خصمه;)

واقصد

من لا يغبر لحيته مايدسمها

:rolleyes::rolleyes:

هذا البيت فيه ضمير غائب يعود الضمير فيه لابن شايق

لانه هو اللي صفا دقنه ودسمه بعد ماتغبر وهو يفتخر بهذا الشي

تحيتي

ابن نميان

15-Oct-2009, 06:24 PM

,
مع الإحترام لك ياقـحطاني , و إحترامي لـ بن شايق كـ مسلم , عربي , قحطاني ,

مايقوله مِن كلام , لا يستحق أن يُنظر له !

أجل عندي موال , لا قصدي أموال :confused: يرقى أن يكون شعراً
ولا هذا البيت تسمية مقـلب :confused: !!

يا ملفي صفا دقني ودقنك عليه غبار
ومن لا يغبر لحيتـه مـا يدسمهـا

يبشـر ملـفي إن دقنه صفى :D !!

سـلامي للقرقاح وبس :cool:

إحترامي لك يابعدي ولـ بن شايق كون بخير :)

ابوتيجان

15-Oct-2009, 06:41 PM

ابو تيجان

اررررحب

تقصد ان ابن شايق ما استطاع يوصل معلومته في ذا البيت اوووب:eek:

مااااالك لوا

ملفي متحير من ذا البيت وانت تقول ذا الكلام

راجع البيوت يا كحيلان

وعطني رايك

لاااااهنت

.................................................. .

احببت توضيح البيت الّــذي مرره عبدالله بن شايق على ملفي المورقي

مع انه كان بودّي الإستماع والاستمتاع بقراء اعضاء الردود المميزين والعقلاء ولكن ...

البيت الجهنّمي

ذكر بعض الاعضاء انه اخطأ بو شنب في تركيبته وضيّع المعنى على ملفي:confused:

وهو البيت الثاني ل ابو شنب

بقوله

يا ملفي صفا دقني ودقنك عليه غبار=ومن لا يغبر لحيته ما يدسّمها

طبعا ملفي لم يحسن اكتشاف العقرب المسمومه

وكذلك البيت

عموما

البيت هو

يا ملفي صفا دقني ودقنك عليه غبار

بيت عااادي صحيح

معناه : يا ملفي دقني صافي ما عليه تراب ولكن انت يا ملفي دقنك مترب ومعروف ان التراب يكون على الأرض اي انّك تلصق دقنك بالأرض

جميـــــل

ومن لا يغبّر لحيته ما يدسمها

أي : من المعروف ان الواحــد اذا كان سيحط دقنه في التراب (تكرمون) لابد ان يكون في وضع النايم على بطنه

ومن لا يغبّر لحيته في الرّمل

ما يدسمها :eek:

وانتو بالكرامه

ما يدسّم ايييش ؟

ما يدسمها ما هو بعايد على الدّقن

يعني : ان دقنك يا ملفي تلصقه بالتراب وانت على بطنك واذا الصقته تدسّمها ؟؟؟؟

طبعا ابو وافي شك في البيت ويعلم ان ابو شنب لن ياتي ببيت حكمه كذا من غير قصد

فقال

سوالفك هذي تودع العارفه يحتار

ارررجو ان اكون وضحت بما فيه الكفايه

اخوي رايد مع احترامي لوجهة نظرك وتحليلك ولكن الشمس لاتغطى بغربال

وبيت ابن شايق الذي وضعت فيه مقلب وفسرت الشطر الثاني على عكسه اقوله للمرة الثانية حسب صيغت ابن شايق للبيت ( بيت ابن شايق شطره الاول معاكس لشطره الثاني )

فالشطر الاول يوحي بترميز للمعنى يجب ان يتناسق ويكتمل الرمز في الشطر الثاني وابن شايق ضرب الشطر الاول بالشطر الثاني واصبح متضارب ورد ملفي واضح.

شامان العتيبي

15-Oct-2009, 09:37 PM

يالكيرعاني انت جاي مطفي النور

وتحلل على كيفك

لكن فلجوك الريجيل:p

العتيبي أبو تركي

15-Oct-2009, 09:56 PM

يا ملفي صفا دقني

يعني قبل كذا كانت مغبره ..

الدنيا تجارب يا رايد أعرف أن أكثر بيوت الشعراء تنقلب على عشرين شكل ..

فماله لزوم تستعجل .. وبرضه أطلب من أبو فايح يعطيك كورس ..

جرمان بن مسفر

16-Oct-2009, 04:56 AM

الاخ رايد

تحليل المحاورات في هذا المنتدى

يدور في حلقة مفرغة

يعني تبيهم يقولون ان تحليلك

صح وان ملفي اكل اللغم

طبعاً لا

ابوفايح وابوتيجان ومن يحلل هن

تحليل حسب الهوى والميل

طيب !!

اتحدى ابوايح

ان يحلل

حاورة حبيب واللاوة في الطايف عام 1417 هــ

او حبيب ومحمد بن مشيط

او محاورة سفر وسلطان الهاجري

اللي يقول فها سلطان

ترى الغرب لة سنين يدافع عن حقوق الحريم

محمد ابن رووق

16-Oct-2009, 05:06 AM

اعتقد ان لموضوع اخذ اكبر من حجمه المقصد منه تمجيد لابن شايق فقط

مع العلم ان كاتب الموضوع استشهد في ابيات ضد ابن شايق وليست في صالحه

البلاء التعصب لشاعر اللي يخليه اقوى شاعر على وجه البسيطه !!!!!!

..............................................

.................................................. ....

محمد العتيبي11

16-Oct-2009, 05:31 AM

زمان الهوايل يجمع البيض والسود

دوب والهوايل جات والوقت دوبه

رائد الكيرعاني القحطاني

16-Oct-2009, 09:01 AM

يا ملفي صفا دقني ودقنك عليه غبار
ومن لا يغبر لحيتـه مـا يدسّمهـا

كنت افكر عندك شي جديد واثرك تطبل لبن شايق بس

يا ملفي صفا دقني !!!!!!!!!!!! ليه قبلها ما كان صافي؟

اما عن بيت الاول

سرا الليل يا شعار شعار يا شعّـار
ومن قال يا شعار معنـاه يزهمهـا

يعد ضعف اذا كررت الكلمه في البيت اكثر من مره 0000 يا شعار شعار ياشعار ومن قال يا شعار

اربع مرات كررت

يالربع الله لا يهينكم

ارررجو تحكيم العقل وليس العاطفه والحميا في ذا الموضوع

بالعقل يابن روق بداية معنى وبيت ثاني ويجيب ابن شايق حكمه كذا على الفاضي وهو شاعر كبير وش يقصد به

وكلمة صفا دقني للتمويه

هذي لعبته يا مسلم

يعني ابن شايق ضعيف اذا كرر

ههههه

وتراها 3 ماهي ب4 مرات

ابن شايق يقصد بهذا البيت

انا مسلـم ومجنـب سكـة الكفـار

يقصد انة مجنب الطريق اللي سلكة مستور وحبيب

الا وهو انهم اذا العبوا مع احد من الشعار

ولم يتخارجوا معة انهم يمتنعون من اللعب معة (( يرفضون اللعب معة))

ودليل كلام ابن شايق هو امتناع حبيب ومستور من اللعب

معة مرة اخرى

ويقصد بالبيت الثاني

اني عندما لعبت معهم كنت خصمهم الاقوى

ولم اترك لهم مجال واسع في اللعب معي

ابو مسفر

ارحب ارحب

لاهنت على التوضيح يا قرم

ولكن انفخ يا شريم

مع احترامي لك يا اخ رائد بيت عادي جدا وواضح جدا وهو مثل معروف ويتكرر في كثير من المحاورات

ابو فايح

ارحب

لاهنت يالقرم على توضيح ما عندك باحترام

البيت هذا في ذمتي ما هو بعادي وانشد شعراء معروفين وكبار يا بو فايح وتشووف

واتوقع انك ما تجهل معناه يالقرم ان اعدت النظر فيه من كل جانب

بعدين المثل وانا خوك

من لا يغبر الشارب ما يدسمه

وان كان مثل عادي زي ما ذكرت فكيف يذكره في بداية معنى وثاني بيت هل هو فااااضي ما عنده معنى يلعب عليه

يتكلم كذا بس

ارجو اعادة النظر

:)

ابك المقلب ان كان موجود اللي اكله ابن شايق الله يرضى علاك

دود دود البيت

يا ملفي صفا دقني ودقنك عليه غبار
ومن لا يغبر لحيتـه مـا يدسمهـا

بيت عادي وان كان فيه مقلب فاعتقد ان ابن شايق وضع نفسه في موقف محرج واختار لنفسه التجربه اللتي اراد ان يضع فيها خصمه;)

واقصد

من لا يغبر لحيته مايدسمها

:rolleyes::rolleyes:

هذا البيت فيه ضمير غائب يعود الضمير فيه لابن شايق

لانه هو اللي صفا دقنه ودسمه بعد ماتغبر وهو يفتخر بهذا الشي

تحيتي

ابن سرحان

وجهة نظرك واحترمها

اكرر ما قلته لبو فايح

راجع البيت الله يحفظك واستشر فيه من هو اعرف ورد

لاهنت
,
مع الإحترام لك ياقـحطاني , و إحترامي لـ بن شايق كـ مسلم , عربي , قحطاني ,

مايقوله مِن كلام , لا يستحق أن يُنظر له !

أجل عندي موال , لا قصدي أموال :confused: يرقى أن يكون شعراً
ولا هذا البيت تسمية مقـلب :confused: !!

يا ملفي صفا دقني ودقنك عليه غبار
ومن لا يغبر لحيتـه مـا يدسمهـا

يبشـر ملـفي إن دقنه صفى :d !!

سـلامي للقرقاح وبس :cool:

إحترامي لك يابعدي ولـ بن شايق كون بخير :)

ابن نميان

ياصل سلامك انشاء الله

وابو شنب ما هو بحاجة شهادتك ولا شهادة ولا شهادتي ولا المنتدى كله

وكذلك لن يهزه تنقيص من نقص

ان كان من تعليق على البيت

او اشكرك

رائد الكيرعاني القحطاني

16-Oct-2009, 09:05 AM

اخوي رايد مع احترامي لوجهة نظرك وتحليلك ولكن الشمس لاتغطى بغربال

وبيت ابن شايق الذي وضعت فيه مقلب وفسرت الشطر الثاني على عكسه اقوله للمرة الثانية حسب صيغت ابن شايق للبيت ( بيت ابن شايق شطره الاول معاكس لشطره الثاني )

فالشطر الاول يوحي بترميز للمعنى يجب ان يتناسق ويكتمل الرمز في الشطر الثاني وابن شايق ضرب الشطر الاول بالشطر الثاني واصبح متضارب ورد ملفي واضح.

وشلون يا بو تيجان متضارب كلامه وهو مثل معروف

ورد ملفي بعكس ما قلت

كان متحير وحس بشئ فالبيت فكان بيت مضاد

لاهنت

يا ملفي صفا دقني

يعني قبل كذا كانت مغبره ..

الدنيا تجارب يا رايد أعرف أن أكثر بيوت الشعراء تنقلب على عشرين شكل ..

فماله لزوم تستعجل .. وبرضه أطلب من أبو فايح يعطيك كورس ..

ابو فايح اخ وعزيز وعاقل

واحتراما لصورة ابو تركي

لاهنت

الاخ رايد

تحليل المحاورات في هذا المنتدى

يدور في حلقة مفرغة

يعني تبيهم يقولون ان تحليلك

صح وان ملفي اكل اللغم

طبعاً لا

ابوفايح وابوتيجان ومن يحلل هن

تحليل حسب الهوى والميل

طيب !!

اتحدى ابوايح

ان يحلل

حاورة حبيب واللاوة في الطايف عام 1417 هــ

او حبيب ومحمد بن مشيط

او محاورة سفر وسلطان الهاجري

اللي يقول فها سلطان

ترى الغرب لة سنين يدافع عن حقوق الحريم

وهي لو منعها الله من الغرب كان اشوالها

الحقيقة المررره

لاهنت يالقرم

تقديري

اعتقد ان لموضوع اخذ اكبر من حجمه المقصد منه تمجيد لابن شايق فقط

مع العلم ان كاتب الموضوع استشهد في ابيات ضد ابن شايق وليست في صالحه

البلاء التعصب لشاعر اللي يخليه اقوى شاعر على وجه البسيطه !!!!!!

اما انت يا جرمان تطلب محاورات لشعار سبو عتيبه وتطلب تحليها

واذا الاعضاء ردو بالمثل قلت انتم حاقدين على الشاعر

ابن رووق مررره ثانيه :confused:

هلاااا والله

احسب معك علم جديد:o

شكرا

ابوتيجان

16-Oct-2009, 12:52 PM

وشلون يا بو تيجان متضارب كلامه وهو مثل معروف

ورد ملفي بعكس ما قلت

كان متحير وحس بشئ فالبيت فكان بيت مضاد

لاهنت

المثل هو الشطر الثاني اللي يتعارض مع الشطر الاول

وتحير ملفي من تضارب البيت ولو كان البيت مستقيم وغير متضارب لماتحير

شوباش

16-Oct-2009, 12:57 PM

السلام عليكم ورحمة الله وبركاته
مقلب مقلب مقلب والله لا فيه مقلب ولا هم يحزنون :confused:
هي محاورة عاديه جدا موضوعها عن ((((((((((حبيب ومستور ))))))))))
بدأها ابن شايق بدفن المعنى بحروف انقليزيه ترمز لما يلي:
يالمورقي قوم انشدك عن عقرب
لو راسها يبعـد ذنبهـا يقـرب
اتش ام زايد اكس تاكل تشرب
يضيع حق مـا وراه مطالـب

h= hobeb =حبيب
m= mastour=مستور
x =لاعلم من هو ال x ربما اسم شاعر او علامة خطأ او علامة خطر
وشبههم بالعقرب

ربما ملفي في اول ابياته لم يكن يعرف ماذا يقصد بالحروف الانجليزيه وتنبه لها في الرد الثاني

وسارت المحاوره بهذا المعنى

اما مسأله مقلب كما يقول الاخ فمستبعده لان راح يكون ابن شايق ركبها على نفسه بقوله
صفا دقني ;)

((((((((ابو فايح رائع كالعاده ))))))))))) :)

ابوتيجان

16-Oct-2009, 01:02 PM

الاخ رايد

تحليل المحاورات في هذا المنتدى

يدور في حلقة مفرغة

يعني تبيهم يقولون ان تحليلك

صح وان ملفي اكل اللغم

طبعاً لا

ابوفايح وابوتيجان ومن يحلل هن

تحليل حسب الهوى والميل

عزيزي المحاورة تراث اجداد اجدادنا حدثونا عن طريقة فك رموزها وشروط سلامة وقوة البيت ولانحلل المحاورة على هوانا كما تدعي

انت ياعزيزنا من قبيلة تراثها القزوعي من على اجدادها ولم تعرف المحاورة غير من عدة سنوات بسيطة وتنافح وتتهم من يعارضك بالتحيز!!!!!!!!!

وجهة نظرك اطرحها ونحن نطرح وجهة نظرنا والجميع يقرأ ويستنتج

هذا رايد صاحب الموضوع طرح وجهة نظرة وناقشنا في حدود تحليل البيت ولم يتهم احد بالتحيز ولم نتهمه بالتحيز هو طرح مايعتقد ونحن طرحنا مانعتقد بدون اتهام احد لاحد

ابو فايح

16-Oct-2009, 07:33 PM

الاخ جرمان بن مسفر ساتقبل اتهامك بصدر رحب

ولكن في بداية ردي على الموضوع قلت ان ابن شايق مرر كلمه على ملفي هل تعتبر ذلك حسب الهوى والميل ؟؟؟

اما من ناحية المحاورات اللي ذكرتها

محاورة حبيب والعلاوه وابم مشيط اعتقد انها لا تحتاج الى تحليل واضحه عيانا بيانا لكل من يفهم الشعر
اما محاورة سفر والهاجري لا اعلم عنها اي شي

واخيرا اعلم ان اي موضوع مني اومن ابو تيجان او من اي شخص في هذا المنتدى يعتبر وجهة نظر لست مجبرا على تقبلها يا اخ جرمان .

اخ رائد وجهة نظري ظهرت لك ولغيرك واختلاف وجهات النظر لايفسد للود قضيه.

ابو فايح

16-Oct-2009, 07:35 PM

اخ جرمان واخ ابو تيجان ارجو ان يكون النقاش في حدود الموضوع فلا داعي للاتهامات والخروج عن صلب الموضوع لكي لا اضطر الى تحرير بعض الردود واغلاق الموضوع

رائد الكيرعاني القحطاني

17-Oct-2009, 11:50 AM

المثل هو الشطر الثاني اللي يتعارض مع الشطر الاول

وتحير ملفي من تضارب البيت ولو كان البيت مستقيم وغير متضارب لماتحير

ابو تيجان

تكفى ما ودي اكثر معك الجدل لاني احترمك واحترم بعض مواضيعك الجميلة

تبيني احلف انه مقلب وعاااالمي حلفت هههه:p

لكن هي وجهة نظر واررررررجو انك تسأل كبار الشعراء وان استطعت تسأل ملفي فهو راعي العنه وبيعطيك العلم ولا هو بجاحد

واذا فهمت فلا تعلم احد ;)

السلام عليكم ورحمة الله وبركاته
مقلب مقلب مقلب والله لا فيه مقلب ولا هم يحزنون :confused:
هي محاورة عاديه جدا موضوعها عن ((((((((((حبيب ومستور ))))))))))
بدأها ابن شايق بدفن المعنى بحروف انقليزيه ترمز لما يلي:
يالمورقي قوم انشدك عن عقرب
لو راسها يبعـد ذنبهـا يقـرب
اتش ام زايد اكس تاكل تشرب
يضيع حق مـا وراه مطالـب

h= hobeb =حبيب
m= mastour=مستور
x =لاعلم من هو ال x ربما اسم شاعر او علامة خطأ او علامة خطر
وشبههم بالعقرب

ربما ملفي في اول ابياته لم يكن يعرف ماذا يقصد بالحروف الانجليزيه وتنبه لها في الرد الثاني

وسارت المحاوره بهذا المعنى

اما مسأله مقلب كما يقول الاخ فمستبعده لان راح يكون ابن شايق ركبها على نفسه بقوله
صفا دقني ;)

((((((((ابو فايح رائع كالعاده ))))))))))) :)
شوبااش

وجهة نظرك ولكن الاكس من هو ؟

بالنسبة للموال الله يحيك كان عن الشيشه

لو راسها يبعد ذنبها يقرب

اظنه واضح ذا الشطر

اتش ام زايد اكس تاكل تشرب

صل الكلمات

اتشم : يعني تشمها

زايد اكس تاكل تشرب : يعني حط على الاكل والشرب اكس (لا تاكلها ولا تشربها)

لاحظ رد ملفي وتشوووووف

(لو تلدغ النايم صحا من نومه) مسك خط:D

عزيزي المحاورة تراث اجداد اجدادنا حدثونا عن طريقة فك رموزها وشروط سلامة وقوة البيت ولانحلل المحاورة على هوانا كما تدعي

انت ياعزيزنا من قبيلة تراثها القزوعي من على اجدادها ولم تعرف المحاورة غير من عدة سنوات بسيطة وتنافح وتتهم من يعارضك بالتحيز!!!!!!!!!

وجهة نظرك اطرحها ونحن نطرح وجهة نظرنا والجميع يقرأ ويستنتج

هذا رايد صاحب الموضوع طرح وجهة نظرة وناقشنا في حدود تحليل البيت ولم يتهم احد بالتحيز ولم نتهمه بالتحيز هو طرح مايعتقد ونحن طرحنا مانعتقد بدون اتهام احد لاحد

الله يحيك يا بو تيجان

ابشرك يا طويل العمر مانت بجاهل فينا وفي تراثنا وماله داعي اعرف بقحطان وديارها ولعبها

ان جيت للقزوعي والقلطة متريّسنها وان جيت للنظم رواده نحمد الله

وهذي الكلمة حيلة المسكين وسلاح الضعيف الله يهديك بس

الاخ جرمان بن مسفر ساتقبل اتهامك بصدر رحب

ولكن في بداية ردي على الموضوع قلت ان ابن شايق مرر كلمه على ملفي هل تعتبر ذلك حسب الهوى والميل ؟؟؟

اما من ناحية المحاورات اللي ذكرتها

محاورة حبيب والعلاوه وابم مشيط اعتقد انها لا تحتاج الى تحليل واضحه عيانا بيانا لكل من يفهم الشعر
اما محاورة سفر والهاجري لا اعلم عنها اي شي

واخيرا اعلم ان اي موضوع مني اومن ابو تيجان او من اي شخص في هذا المنتدى يعتبر وجهة نظر لست مجبرا على تقبلها يا اخ جرمان .

اخ رائد وجهة نظري ظهرت لك ولغيرك واختلاف وجهات النظر لايفسد للود قضيه.

للتويـضــح يا بو فـــايــح

محاورة سلطان وسفر كانت عند الخيارين في ااااخر حفلة من الان

رحب الهاجري والله ماني بحافظ الترحيب

فقال سفر

عن العزوة اللي توخذ الحق من عين الخصيم=يدوم البقاء يا عزوة جمل الله حالها :o

فرد ابو وسام

ترا الغرب له مده يدافع عن حقوق الحريم=وهي لو منعها الله من الغرب كان اشوالها :eek:

الى اخرها

اخ جرمان واخ ابو تيجان ارجو ان يكون النقاش في حدود الموضوع فلا داعي للاتهامات والخروج عن صلب الموضوع لكي لا اضطر الى تحرير بعض الردود واغلاق الموضوع

احسنت;)

ماجد العصيمي

17-Oct-2009, 12:37 PM

وجهت نظر احترمها مع تحفظي الشديد عليها

ابوتيجان

17-Oct-2009, 05:08 PM

ابو تيجان

تكفى ما ودي اكثر معك الجدل لاني احترمك واحترم بعض مواضيعك الجميلة

تبيني احلف انه مقلب وعاااالمي حلفت هههه:p

لكن هي وجهة نظر واررررررجو انك تسأل كبار الشعراء وان استطعت تسأل ملفي فهو راعي العنه وبيعطيك العلم ولا هو بجاحد

واذا فهمت فلا تعلم احد ;)

لا لاتحلف يارايد اطرح وجهة نظرك بكل شفافية بدون حلف ويمين والدعوى كلها للفائدة

انت طرح وجهة نظرك وانا طرحت وجهة نظري وغيرنا طرح وجهة نظره وتعاليقنا كلها على البيوت وليست على الشعراء

وباقي ردك بخصوص القزوعي والقلطة الكلام غير موجه لك وكان موجه لاحد المشاركين في الموضوع لايعطي وجهة نظر ويحلل كما يفهم ان كان يفهم وديدنه كيل التهم لفلان وعلان فقط