يالعمدة

[السيف البريع]

السلام عليكم ورحمة الله

اخواني بعد غيبة نعود لكم ونتشرف بوجودنا بينكم طالت عماركم

اما العمدة يجيني من غير ليه


سلام تسليم الغلا من بعد ماطال الغياب=لاصحابنا العتبان واللي نازل ٍ في حلالها

يالعمدة انته لك ليالي مستريح من العذاب= واليوم جاك الغامدي والخيل من خيالها

[ابو لمار]

حياك الله يالسيف البريع


من طول الغيبات جاب الغنائم


صح لسانك


وفي انتظار عمدة الهيلا
وصح لسانه مقدما"




متاااابع

[رعد الروقي]

عليكم السلام والرحمة والاكرام


ارحب يالسيف البريع




يا مرحبا يا مسهـلا والضيـــف يبشر بالهباب=فالحلة اللي ما تشــــــــــح بفالــــــها وعقالها
اللي ثمان سنيــــــــن فالفيّة ولا حث الركاب=اليوم لو عيت تشيــــــــــل حمولها يشتالها

[نوآف الغنامي]

الله الله الله



صحت السنتكم



مبدعين

[عقاب العنزي]

صحة الالسن والقلوب


..

[السيف البريع]

ارحب يالعمدة


دام البقى ياللي ترحب عد ماينشي السحاب= والهيئة الاولى يعرفون الرجال ابطالها

اللي ثمان سنين غايب جاب مصقول النصاب=من دولة الهيلا وحصن القوم انا هيالها

[رعد الروقي]

الاولة يالغامدي طافت عليكم فالذهاب=لكن دوّر حيلةً عند الاياب احتالها
يا مستعير السيف رد السيف رده فالجراب=ترى الليالي ما جهلنا بدرها وهلالها

[رعد الروقي]

ابو لمار // خيال الصفراء // عقاب العنزي



الله يحييكم جميع


منورين ومشرفين بهذا الحضور الكريم


صحت ابدانكم ولا هنتوا

[محمد النخيش]

السيف البريع صح لسانك



عمدتنا الكريم صح لسانك والصف معك دبل :)

[السيف البريع]

االيوم جيتك في الوعد والعام صفيت الحساب= عان الفريسة يالعتيبي دمها يبرالها

السيف سيف ابن الوليد اللي يقص به الرقاب= واهل النهايب صادها القاضي بشر أعمالها

[السيف البريع]

لاهنتوااااااااااااااا جمييييييييييييييييع على المرور يا اخوان

[صقر الغامدي]

السيف البريع

هلا وسهلا

من طول الغيبات جاب الغنايم

[رعد الروقي]

الله الله


يا صفــر سبعة من كبر طمعتك في حق الذياب=الظاهر إن أم الكبــــاير صــــرت شيــخ عيالها
ليتك قبل تسري مع العتمة مــــــدّور لك زهاب=مكاسب اهل الخيــــل معـروفة وروس اموالها

[رعد الروقي]

مرحبا مليار يا محمد النخيش


تشرفنا بحضورك الكريم



ومتابعتك ووجودك فالصف مصدر اعتزاز لاخوك


صح بدنك ولاهنت

[العالمي 2]

سنايدي يالعمده اخذت الحق بالباطل

[رعد الروقي]

حياك الله يالعالمي 2

والحق ناخذه بالحق انا واياك

منور الصفحة ومشرف اخوك بحضورك الكريم


الله لا يهينك

[ناصر الجلاه]

..


السيف البريع .. العمــــده

..

صحت ألسنتكم طاروووق رائع بروعة شعاره :)


يا مستعير السيف رد السيف رده فالجراب
ترى الليالي ما جهلنـا بدرهـا وهلالهـا




هههههههههههه عمده ياعمده سبيكه ذهب وكلام مافيه شكـ وجدااال

واصلووووا متابعين


..

[السيف البريع]

في كل يوم ٍ تعتزي وترمم البيت الخراب= والساس خارب والفقارا وش يجيب ريالها

العام عشتوا طفرة الاسهم ونصب الإكتتاب= واليوم ماتت شجرة الكينة وباح إظلالها

[العالمي 2]

والله ما ياخذ عدوي حقوقي =لو يا خذ الا نسان حقه من ابليس

[رعد الروقي]

ياللي تعاين فالسماء وتسير من فوق التراب=اعرف ترى ما كل من هاز الطويله طالها
الجم الازرق يروي الضامي وضحضاح السراب=يخــدع بريقــه قافلة بدوً تسوق جمـــالها

[صاهود]

في كل يوم ٍ تعتزي وترمم البيت الخراب= والساس خارب والفقارا وش يجيب ريالها

العام عشتوا طفرة الاسهم ونصب الإكتتاب= واليوم ماتت شجرة الكينة وباح إظلالها

صح السانك يالغامدي

الصف خنذفي

الليل الليل

[رعد الروقي]

ارحب ارحب يا ناصر الجلاه



نورت الصفحة وشرفتني بهذا الحضور الكريم


والمتابعة التي نعتز بها


صح بدنك ولاهنت

[رعد الروقي]

والله ما ياخذ عدوي حقوقي =لو يا خذ الا نسان حقه من ابليس

صح لســــــانك

[السيف البريع]

الاسئلة يالعمدة اجتاحت محطات الجواب= مامعك حجة تورد العالم على منهالها

انشد بنا الاحزاب والمحراب وحدود الحراب=ولا انت ننشد غرة الاجواد يا ختالها

[رعد الروقي]

الله يحييكم يا صقر ويا صاهود


واتركوا العنصرية كلنا اخوان :cool:

[العالمي 2]

صح بدنك و هذا بيت من قصيده للعالمي

[السيف البريع]

يا مرحبا ياصاهود وياصقر

فعلا كلنا اخوان ( عليكم بالعمدة هههههههه)

[طلال ناشي]

الله الله


الســــــــيف .... العـــــــــــــمده


إبدااااااااع نحـــت من صـــخر


صحت الالسن والقلوب



تحياااااااتي

[رعد الروقي]

البرق يبرق فالسماء والسيل سال مع الشعاب=واهل الحظاير من وقوعه يستر الله حالها
البدعة الي ما لقيــــنا ذكرها فام الكتاب=لا بد يحمل وزرها يالغامدي من قالها

[رعد الروقي]

الله الله


الســــــــيف .... العـــــــــــــمده


إبدااااااااع نحـــت من صـــخر


صحت الالسن والقلوب



تحياااااااتي


هلا وغلا يا طلال ناشي


منورنا بحضورك ومشرف الموضوع كله


صح بدنك وقلبك ولا هان راسك


تقديري

[السيف البريع]

صح بدنك الوووووووووووووف يالعمدة وانا والله اني احرص على المحاورة دائما معك للاستفادة منك

اشكرك من اعماقي واشكر جميع من مر من الاخوان والوعد في غيرها

وتصبحون على خير

اخوكم

[رعد الروقي]

صح بدنك الوووووووووووووف يالعمدة وانا والله اني احرص على المحاورة دائما معك للاستفادة منك

اشكرك من اعماقي واشكر جميع من مر من الاخوان والوعد في غيرها

وتصبحون على خير

اخوكم



صح لسانك مليار يا السيف البريع


والشرف والفايدة لي بلاشك


شاعر جزل وقوي واخ ولا نسمح لك تغيب مررة


الشكر لك انت على تشريفنا ولا تقطع


وانت من اهل الخير

[سعود البرقاوي]

الله الله الله
لله دركم وصح السنتكم وقلوبكم وروسكم

قاف معتبر وعليها الكلام
لاهنتوا ولاتقطعوننا من هالذهب

تحياتي لكم

[قادح شرار]

أنت جيت معوّد يالغامدي .. يا مرحبا ويا مسهلا ..

وصحت الألسن ..

[السيف البريع]

أنت جيت معوّد يالغامدي .. يا مرحبا ويا مسهلا ..

وصحت الألسن ..

نعم ياقادح جيت وبقدحها في قصتك قريب ههههه

صح بدنك ولاهنت