مـا كـنـّه غـيـر عـنـز رجـولـهـا تـحفـر لـمـذبـحـهـا.... العــونــي...

[قادح شرار]

الله الله


هلا يا مرحبا وأليا بغيت أوصّف العوني = ما كنّه غير عنز رجولها تحفر لمذبحها
من أول كنت أحبه مير تالي خيّب ضنوني = يخرّب فالدير وهوه من أول كان مصلحها

[صاهود]

اشاعات يابو معتق اشاعات ان بعض الظن اثم ههههههههههه

صح السانك والصف صفك ياقادح

[العـوني]

ترى ماسمعت سموعي ترى ماشافت عيوني = ونفسي يوم تنزل لك ترى يمكن مااسامحها
على قول السناني كلمة بلزمة ومضموني = ( نسمي القوم فايام الغضب والا نصبحها )

[زياد المزرمي]

الله الله

ما شاء الله علااك يالعووني

مع شاعرين :)


الله يعيني امسك الصفين

الليل الليل

[فايز بن سرحان الثبيتي]

وقاف ثاني ناري



وفي انتظار الجبهه الثانيه الله يكفنانا السو




صح قلبك وفكرك يابو عاتق



صح لسانك يالعوني

[العـوني]

كل التراحيب بالجميع

متابعين وصفوف

[نوآف الغنامي]

ماااا قول غير الله يعين العوووني

:)

محشور من الجهتين



صحت السنتكم

[قادح شرار]

الله الله


ألا وا بلشتي في لوح لا رسمه ولا لوني = أظنه ما بقي له غير أحط دروس وأشرحها
على الخيبة مجمّع ( صالح ٍ و زياد وأنطوني ) = على البسطة.. ووقت الفرض جايبهم بتفتحها

[صاهود]

انطوني ههههههههههههههههه هذا وانا قاضب صفك

معليش يابومعتق تمون تمون ولازال الصف صفك

[قادح شرار]

انطوني ههههههههههههههههه هذا وانا قاضب صفك

معليش يابومعتق تمون تمون ولازال الصف صفك

تستاهل أسميك جوزيف خوري بعد ...

ولا أقوووول أسميك ملحم زين .. هههههه

[قادح شرار]

وقاف ثاني ناري



وفي انتظار الجبهه الثانيه الله يكفنانا السو




صح قلبك وفكرك يابو عاتق



صح لسانك يالعوني


حيا الله أبو ريان ..

صح بدنك يالغالي ..

[ابو لمار]

قادح شرار

العوني


صحت السنتكم وقلوبكم






متااااابع

[قادح شرار]

قادح شرار

العوني


صحت السنتكم وقلوبكم






متااااابع

حي الله أبو لمار ..

وصحت أبدانك وتراني شفتكم هاك الليل أنت وإبن سرحان .. :)

[حاكم الغنامي]

طيب طيب


صحت الالسن والقلوووب

متابع

[قادح شرار]

طيب طيب


صحت الالسن والقلوووب

متابع

حيا الله أبو عيد ..

وعلاك بالعوني فالصفحة الثانية

وصحت أبدانك..

[ناصر حامد الثبيتي]

صحت الالسنه . مبدعين يابن العم ويالعوني . وذيب عروا جاء بصف الثبيتي . والثبيتي بيجي في صف العوني .

والليل الليل .

[طلال ناشي]

قادح - العوني


إبداااااااااع صحت الالسن والقلوب


متابع بالخط العريض


وياسلام ياطوني


تحياااااتي

[العـوني]

/
/



ترى والله ماانت بشئ !!! معك امشي على هوني = لكنك صافح يدين النشاما لاتناطحها
هذا بيتك سبيكة سعرها عشرين مليوني = لكنك بيع والاجواد جعل الله يربحها

[زياد المزرمي]

ترى والله ماانت بشئ !!! معك امشي على هوني
لكنـك صافـح يديـن النشـامـا لاتناطحـهـا
هذا بيتك سبيكـة سعرهـا عشريـن مليونـي
لكنـك بيـع والاجـواد جـعـل الله يربحـهـا


ترى والله ماانت بشئ !!! معك امشي على هوني
لكنـك صافـح يديـن النشـامـا لاتناطحـهـا
هذا بيتك سبيكـة سعرهـا عشريـن مليونـي
لكنـك بيـع والاجـواد جـعـل الله يربحـهـا


الله الله

ههههههههه

صح اللسانك يا مجرررم


بع ياقادح والله يربحك

الليل الليل

[عقاب العنزي]

صحة الالسن والقلوب


..

[قادح شرار]

الله الله


على هونك وحالك يا رجل من دون في دوني = أفهمّك العلوم وترجع لنفسك وتمدحها
أمر ربي يا عوني بين حرف الكاف والنوني = ودروب الشر قفلها ودروب الخير برّحها

[قادح شرار]

صحت الالسنه . مبدعين يابن العم ويالعوني . وذيب عروا جاء بصف الثبيتي . والثبيتي بيجي في صف العوني .

والليل الليل .


صح بدنك يا ناصر ..

ما في مشكلة تخيّر الصف اللي تبي .

[قادح شرار]

قادح - العوني


إبداااااااااع صحت الالسن والقلوب


متابع بالخط العريض


وياسلام ياطوني


تحياااااتي

هلا بطلال ناشي ..

ومبروك الوسام وتستاهل كل خير ..

وصح بدنك ..

[قادح شرار]

صحة الالسن والقلوب


..

صح بدنك يا عقاب ..