سلام للهيلا

[الرشيدي]

سلام رديه على اللي قدرها بين الضلوع=عتيبه الهيلا صناديد الرجال الجيّده
هذا سلام الطيب من راسً مايرضى بالخضوع=يجادل السيد لاجل تاخذ مجال السيّده

[ماجدالعبدلي]

صح السانك يالرشيدي
وبنايبه استلم


يامرحبا ترحيبتٍ تكفيك يالشاعر سبوع = عن الرجال الي لهم في الطيبات اعويده
خل السوالف يالرشيدي من طلوعٍ في طلوع = والقاف هذا مانروح اليوم لين نبيده

[كايدالاجرب]

الرشيدي صح لسانك

العبدلي صح لسانك


واصلوا متابع لكم

[سعود البرقاوي]

الله الله
صح السنتكم وترانا متابعين من قريّب

[الرشيدي]

دام البقا واللي يضيف أهل الوفا مامات جوع=واللي تكلم في كلام الحق كلٍ ييّده

ابشر بعزك وإن بديت المشي لاتطر الرجوع=لين الجمال الحمر تمرح بالقياد مقيدة

[الرشيدي]

كايد الاجرب

سعود البرقاوي

ارحبووووووووووووووووو

[ماجدالعبدلي]

يابن رشيد الدله الي سويت تبغى قدوع = وربعك الى منهم خذو دله يبون افويده
البيت لا مني بنيت البيت ماتلقى أصدوع = ابيوتٍ تبقى على ساسٍ جويد امشيده

[مرزوق حمدان العتيبي]

...
.

الرشيدي والعبدلي ... يعطيكم العافيه ...
متابعين .. ومستمتعين ...
....

[ماجدالعبدلي]

اليل اليل
يالرشيدي وعطني
موعد ليكون القاف مباشر

[الرشيدي]

لاتحسب العالم توحّد بالعوايد والطبوع=الله يخلي للمطيري دلّته وبريّده

حنا نعرفك عبدلي والعالم أحرار وتبوع=وأحرار خلق الله على عبيدها متسيدة

[معجب العتيبي]

الرشيدي والعبدلي ... يعطيكم العافيه ...
متابعين .. ومستمتعين ...
....

[فايز بن سرحان الثبيتي]

حنا نعرفك عبدلي والعالم أحرار وتبوع
وأحرار خلق الله على عبيدها متسيـدة


هنا ابداع



صح لسانك يالرشيدي
وصح لسان قبيلك العبدلي

[ماجدالعبدلي]

الناس فيها من وصل رحمه وفيه ايضن قطوع = وناسٍ قبل عيد رمضان استانست ومعيده
العبدلي عبد الولي ماهو خضوعٍ للخضوع = والرشيد ي نعرفه ونعرف حتى اقعيده