يامنير -متنبي عتيبه

[ابوسايف العتيبي]

يامنير دوك الفرت واخذ الفواتيـــر افحص عليه ودخله بالكراجي
اللي يبا بنزين ركب مواصـــــيـــر واللي تبيه النار ركب بواجي
واليا استعد وسخر البعد تسخــير تسخير شيهانٍ لفرخ الراجي
عده على اللي مايعد المخاسيـــر ركاز عمدان الخشب للنعاجي
ثم قل لبو ماجد ترا وقتنا غيـــــر تبدلت سحب المطر بالعجاجي
قومه عتيبه شيوخهم مابهم خيــر لا يدعي بشيوخ شيوخ الخراجي
يبكي سيوفٍ سمرة نجد تسميـــر تسمير عود الساج في عود عاجي ربعٍ رسوا بين الحديثين يامنــــير ماسلموا لمدور الباق باجي
واليوم ناطا نجد مثل المداويـــــر نقضي اللزوم ومسرعين الهجاجي
رحنا ندوج ونتسمى مناصــيــــر نمشي على البيدا بليا مزاجي
متى يجي في نجد بعض التدابير حتى يجي للصابرين انفراجي