قصيده غزليه للشاعر مخلد القثامي

[ابوسايف العتيبي]

يقول مخلد باد الحيد الأسمر
في مرقبٍ عقب الضعاين منيفي
يالله وإني في رجاك أتصبر
صبر الديار المسنيه للخريفي
تعزا للعينٍ دمعها حار وأمطر
لينه تهشم حجرها بالذريفي
والله يالولا العظم يوم أتعمر
اليا كويت العظم عيدي وريفي
ابرد بها عبراتي اللي تكسر
لا شب في قلبي سواة الصريفي
ولولاك يادهم الدلال المنحر
ل أولف القيفان وأهرف هريفي
هريف سرحانٍ بعد ليله أقشر
حايف ومطرودٍ وتلفٍ معيفي
عليك ياللي حبته كنها الدر
در الصعوب إن سلهمت للعطيفي
در الصعوب مكسر فيه سكر
ومبريٍ في عارضي لي رهيفي
لاروحت من وادٍ نبته أخضر
بين الحرار وغادين لفيـــفــي
عز الله انه بالهوىكرني كر
كر الضوامي للقليب الغريـــفــي
وعزالله انه بالهوى جرني جر
ويجرني جرة مزون الخريــفــي
يالايمي طاولك في عمرك الشر
تاخذ سنه غمقٍ صوابك مصيفي
ويالايمي عساك للحر وأكثر
وتاخذ سنه بين القرايا تضيفي
ويالايمي صادوك صبيان شمّر
وجونا بعلمك سابقين النكيفي
يازين خلّي وان مشى بالمشجر
وثويب سبهانّ خياطه نضيفي
في عينه اليمنى سيوف ٍتسطر
وبعينه اليسرى عساكر شريفي
اشكي على حماسة البن الاشقر
اهل النجور اللي ترازف رزيفي
واشكي على لباسه الجوخ الاحمر
من فوق قبٍ ينقلن الرديــفــي
واشكي على اللي يم حايل تومر
تكفى ياخو نوره زبون المخيفي
وان كان اخونوره لشكواي ماسر
والا انقطع حبل الرجا من وليفي
اللي حكم في نجد بالسيف الابتر
وما طرت البصره لحد القطيــفي

[صحيح السوالف]

الأخ أبو سايف ولغيره من الأخوان أيضا

لي مناشدة لكم بأن يكون هناك بحث كبير عن الشاعر الكبير والأسطورة مخلد القثامي ينشر في هذا المنتدى يتضمن اسمه وميلاده وحياته وقصصه وأشعاره ووفاته.
فهذا الشاعر يعتبر في نظري من أكبر فحول الشعراء ويكفي قصيدته في مدح قبيلة عتيبة في مجلس ابن رشيد والتي تعتبر من أفضل القصايد في مد الهيلا حتى الآن.
فنحن وللأسف نعرف قليلا عنه وأنا من ضمنهم.
أرجوا الإستجابة لطلبي ولكم الشكر والتقدير ...