سعود البرقاوي .. تفضل مشكورا

[المقدام]

السلام عليكم ورحمه الله ..

أستاذي سعود البرقاوي .. نبي نستفيد منك ..


سلام الله عدد مالاح في عال السما برااق = وانا ماني بضيف وسنه محمد نطبقها

والا ياسعود لو يرضيك مايكتب على الارواق = نبى نشره وشرهتنا على شرواك ننطقها

[نوآف الغنامي]

صح الله لسااااااااانك



لين ترضى



مبدع



وفي انتظااااار سعود



وصح لساااانه مقدما

[سعود البرقاوي]

هلا وغلا يالمقدام
واسف على التاخير دوام وعلوم مصلحة
والفايده منك جعلك تحيا


هلا يامرحبا ترحيبةٍ مثل العلم خفاق =على شانك ليا ذعذع نسيم الشرق اعلقها


تشرّه وانت يالمقدام مثل مؤشر الاغلاق= ورى بيض الهقاوي والمكاسب مايحققها

[سعود البرقاوي]

خيال الصفراء
حياك الله وحدد الصف لو سمحت

[فايز بن سرحان الثبيتي]

والا ياسعود لو يرضيك مايكتب على الارواق
نبى نشره وشرهتنا علـى شـرواك ننطقهـا

ياسلااام

رسم للمعنى

صح لسانك يالمقدام





تشرّه وانت يالمقدام مثل مؤشر الاغلاق
ورى حد النتيجة والمكاسب مايحققها

بيت مليان

صح لسانك ياسعود

[سعود البرقاوي]

هلا يابن سرحان الثبيتي

وشرفتنا بارك الله فيك

[شاعر الويلان]

الله على هالابداع متابعين صحت السنتكم

[سعود البرقاوي]

هلا ياشاعر الويلان وابرك الساعات

للتنبية
هلا يامرحبا ترحيبة مثل العلم خفاق

[المقدام]

ياسعود اانا بعد اسف ع التاخير ..

رحت اصلي ومطوعنا قاام يحدث بعد الصلاه وطوول


يدوم الك البقا واحذر تخاوي شلة الاسواف =يغرونك بضحكت سن يوم الحق يشرقها

انا مانزل لمن يخطي ولاارضى بالذي ينساق = ورى هرج الخزى والعيب يوم أنك تطابقها

[المقدام]

خـــيــآآل الصفراء ..

صح بدنك ولاهنت



أبن سرحــآآن ..

لاغنى غن ملاحظات ..

صح بدنك

شاعر الويلان

صح بدنك

[سعود البرقاوي]

تعيّن وانتبه راسك لايلمس شفرة الحلاق=وظيفة شفرة الحلاق .. كل الروس تحلقها


بغينا للطيور اللي تطارد فالسماء مسباق = عسى ربي يبارك فالطيور وفي مسابقها

[المقدام]

احمد الله ليا مني وقفت ووقفتي بالساق = وراسي مايشابه روس قد بانت مفالقها

ورى صدرك من هروج الحقيقه يالعتيبي ضاق = اثرك انته من اللي هرجة العراف تخنقها

[سعود البرقاوي]

نعرف ان الذهب ماهوب مثل المعدن البراق=صحيح الفرق واضح مير وين اللي يفرقها


انا ما اضيق يالمقدام من هرجك على الاطلاق= اسولف معك وامزح والتهايم مانصدقها

[حاكم الغنامي]

الله الله


صحت الالسن والقلووب


متابعين







________________


ضف الهامور ابو فهد

[طلال ناشي]

صح اللسااااااانك يالمقدام

صح اللسااااااانك ياسعود



تحيااااااااااتي

[المقدام]

نعرف اللي مشى دربه سليم ونعرف المنعاق = ولابه من يقارن سالم المشيه وعايقها

ولا ياسعود ماتصفق كفوفي من على الاحداق = ولا ودي بفتح ابواب لي عامين مغلقها

[المقدام]

حــآآكم الغنـآمي ...

حي الله ابن عمي .. <يبي يعلمكم أنه غنامي

صح بدنك وتشرفنا بمرورك


................................

طلال نـآشي ..

صح بدنك . ولاهنت ع المرور

[فايز بن سرحان الثبيتي]

متابعين لكمــ

[نوآف الغنامي]

مااادام ان المقدااام غناااامي



فأنا في صفه ياااسعود :)



هههههههههههه



بس يمكن يتحول الصف بعد المحااااوره :)

[المقدام]

أبن سرحـآآن .

يزيدني شرف متابعتك لنا


خيال الصفراء ..

أتشرف بإنظمامك لصفي ..

وألله يعينا على سعود .. هههههههه

[سعود البرقاوي]

مقادير الليالي تجمع الصعلوك والعملاق= وانا خايف صعاليك العرب يكثر تعملقها

لابالله مانبا بيني وبينك تخرب الاخلاق = والى ذوقتني مرة لزوم انك تذوقها

[سعود البرقاوي]

حاكم الغنامي
حياك الله وحيا متابعتك

[سعود البرقاوي]

طلال ناشي
ابرك الساعات حضورك

[سعود البرقاوي]

ابن سرحان
متابعتك مهمة بالحيل

[سعود البرقاوي]

خيال الصفراء
ابرك الساعات والله يخارجنا

[المقدام]

ظلام الليل يجلى يالعتيبي حزة الاشراق = وانا مابغى لكشف العيب في خزة مشارقها


بعد هذي نبى الفرقا وفرقاكم بدون نفاق = اخير من الهروج اللي يبى يزعلك ناطقها

[سعود البرقاوي]

الاخ المقدام
صح الله لسانك وبيض الله وجهك
وشرفتني واسعدتني

ولاهنت على كل حال

[المقدام]

سعود البرقاوي

صح بدنك والشرف لي

واشكرك على مشاركتي الطاروق ..

ومنكم نستفيد



شكرا لك