هااااااااااااااااااام الرجاء عدم الدخول

[صريح]

فكرت بالدنيا وشفت الغياره ***** وكل مدح ربعه وانا اقول ياخير
ربعي مطير وكل ثار بثاره ***** في رايه الدوشان نمشي طوابير
حنا مسقية العدو من مراره ***** نسقية من سم الافاعي تكارير
وحنا منزحت العدو من دياره ***** يزبن ديار ماتصلها المداوير
وحنا حمينا نجد يوم السعاره ***** من اقصى القرى للسيف طرد ومداوير
وحنا ليا منا نوينا بغاره ***** تجيك دقلات السبايا دعاثير
كم زاحن العربان حزة مثاره ***** على طلوع الشمس مع نوضه الطير
وكم شتتو ناس وصارو دماره ***** عقب المعزه بين عوج الدواوير
وكم شيخ قومن طايح بالمغاره ***** عليه لجن البني المغادير
وكم ذود مصلاح اخذنا خياره ***** تفز القبايل ليا ذكر طاري مطير
نضرب على روس القبايل جهاره ***** نضرب عليهم دون عذر ومعاذير
عينت ابن هندي طايح في سماره ***** من فعل ابن جبرين قفو مفارير
سقنا عشايرهم ودارج حواره ***** وكسيرته ياكبرها من مكاسير
وابن محيا ثاوي في جواره ***** بيوم يشيب كبارها والمصاغير
وتركي دماغه فوق متنه قراره ***** ماحوله الا الحوم ورد ومصادير
ونهار ابن تنيبيك يربط جهاره ***** يربط بحصانه والمزاحم مصايير
وقشغان شيخ من سلايل عماره ***** عشاه ابن سقيان عكف المناقير
وجديع ابن وايل دفنا وجاره ***** عاداتنا نخلي الرقاب المشاهير
وابن رشيد الي طوال سباره ***** عليه ردن وافيات الاسابير
وزحنا الظفيري وانهزم من نهاره ***** وزحنا بني وايل وقفوا مصاخير
تثقى امراهم مثل ثاغي جفاره ***** ونسوقهم سوق السواني على البير
و القرن يوم القرن ثور غباره ***** اسليم والروقه وبرقا مزابير
قالو على المطران نبغي النماره ***** ياكثرهم نهار جونا مناحير
صحنا عليهم صيحة نانتصاره ***** بدهم الافرنجي والسيوف البواتير
لعيون من يزهى ذراعه سواره ***** هيم البطون مزهيات الخواصير
والعاذريه كونها بالزباره ***** ذبحوا عساكرهم وحتى الطيايير
ماجارنا والله يوذي لجاره ***** ويا فرحنا اليا اقبلن المقاهير
وتشهد لنا الرطبه وجو القواره ***** بقحص الرمك ويا العيال المسافير
وهذا لو اعد الفعل ما حصي مداره ***** افعالنا فيها العبر والتعابير

[فرهودي]

اجل.. الموضوع هااااااام والرجاء عدم الدخول :D

اقول عساك صاحي يوم تحط الموضوع.. :)

على العموم
صح لسان الشاعر عبدالله بن دعيج ..
ومن حقه يرقّص بربعه ومن حقه يغار بعد :D

والشاهد ان مطير فيهم شطارة ... ;)

فرهودي،،

[عكاش]

الصريح نقل قصيدة عبدالله بن سعدون المطيري ونزلها في المنتدى وانا بنقلكم رد كديميس عليها


رد عليها كديميس صالح العصيمي يقول:


ياعبيد وش حدك تفوة بتاره=قلي عسى ماشر ياشاعر مطير
ماينبغي ياعبيد قدح الشراره=بين القبايل ياردي التفاكير
مدري تكلم جد ولى عياره=ولا سمعت من اقرب الحلق تصفير
سحبك مجنون العمار بمساره=( وشلتو من الهرج المزيف قناطير )
راع العمار الي بنالة عماره=من الهرج حيثنة على غير تسعير
يعد شعرة مرجلة بطراره=( ومن هرجة التافة يوزع فواتير )
لوهو من الي يفهمون الاشاره=وعندة ملافي للكلام وتفاسير
تبي تحط الطايرة في مطاره=وتسلمة خط التقارير وتطير
لكن مرجوجاً براسة عهاره=كبير في سنة وفي عقلة صغير
ابترك المرجوج جعلة وداره=مال للكلام الي بلا عدل تاثير
حتى يرجع لسفية اعتباره=وليا رجع نعرف مكان الخوابير
اما انت كاننك تعرف المشاره=دعوتك وصلتنا وجونا المسايير
( عن لوحة الماضي رفعنا الستاره )=وركب الرشا من فوق هدف النواعير
ورد الجزاء جنس العبارة عباره=وعلم تراء مايعتبر كل تعبير
ذكرت بعض شيوخنا للأثاره=( لكن ماعندك شهادة وتقرير )
ولايبني الرجل الفهيم افتخاره=على التمني وختلاق المذاكير
ومدامتنك جيتلك بستماره=وعبيتها بس الخفاجي مع الزير
دور ( لبن جبرين ) عندك جباره=اذا وجدت لقطعت الراس تجبير
ماسرتة حقب العيون وفراره=خمة قطامي كن عينة سنا كير
ادلى علية مجرباً فالصقاره=حراً مخالبية سواة الشناكير
عدو عينك نطلبة ربع باره=ان طار والى في وطى الارض ويسير
نجيلة اقرب للغبي من زراره=حتى نطير هامة الراس تطيير
عينت ( ابو صفرة ) وكيف اختباره=فالامتحان الي جراء شرقي النير
جانا بكامل قدرتة وقتداره=يبي العشاير جلهن والاباكير
ولقى السيوف الساطية بنتضاره=بيمان ربعاً فاملاقا جزازير
كزة عتيبياً شلع عظم زاره=بمهلباً كنة ملبس بقصدير
تعودة الوركى وذيب الخضاره=على ( العويند ) حوشتة المقادير
و (بو عبيد ) الي يجيد المهاره=اليا جتوال معسكرات المسامير
فالمعركة يقدر يدير الاداره=يثني جوادة عند تال المضاهير
جاة ابلجاً يكرة عدوة مراره=اليا عدى يطرح صقور وصقاقير
وتواجة والكل جرب جماره=وطاح ( الدويش ) بوسط ذيك العثامير
انشد عنة ولا تقفة بثاره=تلقاه في واد الرشا كنة بعير
متفرشاً يمناه عقب انكساره=علية عقبان الفريدة مخامير
وذيب جبلة لياخوع اليل زاره=والطير ياكل منة والساير يسير
و ( بن شري ) فارس وعنده جساره=في نطحة الغازي لياجاكم مغير
لياشافله جمعاً تهاذب مهاره=يلكد على الكردوس والصاير يصير
لكن ضيف نابة اهل المغاره=سباعاً تقانب في خشوم الشناظير
يوماً جمعة صار فية استداره=تشاقلن جسمة وساع الحناجير
و ( فصيل ) درا انا منتوينة بداره=وحشد لنا جمعاً كبر حرة مطير
وطوق نواحي المجمعة بالنطاره=وركب على روس الجبال النواطير
وانها مشاعر جمعكم وستداره=للموقف الي بة تقدم وتاخير
وعقب المواجة صارت الانكساره=( وضاقت على المطران كل المعابير )
عقب تقدم جمعنا ونتشاره=قفو وعجتهم سوات المعاصير
والشيخ ( ابن شوفان ) تم انشطاره=عينت راسة مالقوة الحفافير
و (حسين ) قدامة و( محسن ) يساره=و ( بندر ) قمز فالغرس مثل ارنب الطير
وفيصل خذالة كرتاً وفتراره=وقفى يحث كروش مرخلها السير
والدم من جسمة يفوح بغزاره=قفى ودمان ( الدويشي ) شخاتير
وفي قصر ابن عسكر لجا وستجاره=( ومطير مع وادي الكظيمة قواطير )
حنا نقوم وكل شيخ بوقاره=ماعندنا في واجب الشيخ تقصير
ان زارنا قمنا برد الزياره=ونزيد تقديرة على الشر والخير
ومكارم الاخلاق راس التجاره=ماجودتن فينا بكل المعايير
( حنا بنجد النا مقر الصداره=ولاحدن ينازعنا عليها من الغير )
ولاجاتنا معروف ولاستعاره=الى بصولاتن تفض الشراشير
(عتبان ) فالهيجا سوات النماره=عاداتنا دحر الجموع المناحير
الياحصل يوماً تقادح شراره=خيلن مناحير وخيلن مدابير
نسد باب الراي والاستخاره=وقادو جمالن فوقهن الغنادير
من الي سحب جمعة وتم اندحاره=وقفت ركابة بالمذلة محادير
( الي سر من عقب ماشب ناره )=عقب التحدي يشعم النار وينير
( ويخفي مسيرة عن حليفة وجاره )=وختار للمسرى بطون التسارير
ورتب على درب الكسيرة خفاره=ووزع على الحراس عدة نواظير
حتى نزل بين الورعية وواره=ورتاح عقب مواصل السير بالسير
هذا السبب يعبيد فالانحداره=خل الكلام الي مزيف وتزوير
( مهوب حدرت نجعكم بختياره=جاك الكلام الي وراة التقارير )
وتراء الدويش الي رفعتو شعاره=خيالكم فالمعضلات المعاسير
غرة خوي الجنب يوم استشاره=ونوخ على داورد عرباً خواوير
عقب اضرستة الحرب وونس عواره=قام يتردد بين عذال ومشير
( ورسل لبن هندي جميل عتذاره=وبريتاً مشريتن بالدنانير )
ارسلبها المندوب قبل انهياره=لكن ماتنفع سمان المعاذير
خسر الدويش ولاربح مستشاره=وولو يسجون الضعن بالبواكير
و( شري ) خطرنا منتدب لسفاره=وصارت نتايج سفرة الشيخ تسفير
وليتك نشدت ( الملعبي ) عن بكاره=شرشوح ذودن كلبوهن مغاتير
و( الملعبي ) فالرمح مثل الصهاره=الي عمل لروس الاموات تكسير
هذا دليلن انة يعاني حراره=يحز في كبدة سوات المناشير
والشاهد ان مطير فيهم شطاره=محدن لقاها غيرهم فالمحاظير
( لياعارضو جمعاً وتم انتصاره=يلجون لقبور الرجال المشاهير )
قبر ( الصييفي ) قد طلبتو جواره=يوم ارهقوكم باللحوق المغاوير
خطرتو لقبر ( السبيعي ) خطاره=سمعتو انة يعتني بالخطاطير
يجب عليكم يالمطيري مزاره=يوم احتماكم من سيوف المناعير
على النقيرة قد بنيتو حضاره=وصلت مبانيكم لجوبة نقير
مار ( العوازم ) صيروها خباره=تقول ناسفها الدناميت تفجير
وزبنتو المسجد وراس المناره=وجمع ( العوازم ) طهر الدار تطهير
خلو لكم بين الصياهد كراره=ولي سلم منكم زبن ديرة شقير
وقولن بليا شاهد ويش كاره=يظربة الحايط ليا صار تبرير
( وانتة كلامك يفتقر للاناره=الله يلومك ياكبير الجماهير )
تقول من يزهي ذراعة سواره=لعيونها دمرتو الناس يامطير
لكن مدري وين تلك النامره=عن ( الدحملية ) يوم جينا معايير
نجرها بين الذراء والغراره=من الهودج الي كن وسطة نواوير
عفر وواشعها صفار بحماره=وباقي الموضوع اريش العين تفسير
انا بشير ولانبيلك بشاره=جتك الرسالة والمعاني معاشير
يلي تدس يديك وسط الجحاره=تراء الافاعي ياكلن العصافير
بينتلك ماقد سبق بختصاره=وصورتلك ميدان الاحداث تصوير
وذكرتلك سبعة من اهل النداره=و ( الثامن ) الي طب في داخل الحير
ولاواحدن منهم قصدت احتقاره=شوخ الجهامة محتمين المثابير
( وحنا السبب في فقدهم للاماره=فقد الحياة ومبعدات المشاوير )
خسارة ياكبرها من خساره=لياصار في رقاب المناعير تقدير
جمعن يحاربنا نضيق قصاره=فالحرب لين الصعب يركب على الضير
ونرمي لجيعان الذيابة كباره=وتبقى العبارة بلا كبير ولامير
وانتة ادعرت لمادعيتة دعاره=بيا سبب يمتيح لوكان قطمير
نغزك شيطانك وغزيت شاره=وعارضتها مابين نقاد ومثير
والرامي التفاق يضبط عياره=والمرتبش يبلش لياصار تطوير




ماعرفت انسق القصيدة تكفى يافرهودي نسقها الي



عكاش |4|

[داهية عتيبة]

مشكور للأخ الصريح

والرجل اذا ما مدح ربعة من يمد؟؟

ومشكور للعكاش الي حامن موقف ربعة

تسلم يمناك

عسا يمنا كتبت القصيدة ما يجيها الشلل


وتسلم أخوي فرهودي


وصح لسان الشاعر الكبير كديميس


تحياتي ..

[الكناني]

( ورسل لبـن هنـدي جميـل عتـذارة...........وبريـتـاً مشـريـتـن بالدنـانـيـر )


صدق كديميس... ذكرها ابن بليهد في كتابه... برواية احد تجار القهوه عند الباديه.....!!!!!!!!!!!

[صريح]

........................
.................................
................................................


قصيدة وتم الرد علية , لماذا هذا التضجر والغضب , انت من اتى بالقصيدة , ووجب ايظن كتابة قصيدة الرد , ولذالك يجب الابتعاد عن الغضب , فكما شكرك الاعضاء على قصيدتك يجب عليك شكر من كتب الرد.........



الادارة......

[صريح]

طيب وين الكلام الي كتبته انا 000000000000000000000000000000000000يمكن علشان الي قلته هو الصدق لازم تخفونه يعني ماكو حرية رأي00 الي يعجبكم هو الي ينكتب بس اذن ياهنيكم بالمنتدى هذا********





المكرم/ صريح

مشاركتك عبارة عن قصيدة ولها رد , فأنت تفضلت مشكور بكتابة القصيدة , وتكرم احد الاعضاء واتى بالرد على القصيدة , ولم يحذف بيت من مشاركتك ولامن مشاركت العضو الذي كتب الرد , واكتفى الاعضاء بشكرك وشكر كاتب الرد , دون التعرض لاحد , وفي ردك السابق خرجت عن سير الردود وتهجمت دون مبرر , ولاعلم هل كان قصدك من ذالك اثارة الاعضاء لرد عليك بنفس الاسلوب , وهذا ماترفضة ادارة الهيلا........

ولذالك نقول ان بقيت معنا فعلى الرحب والسعة , وان اخترت الرحيل وعدم المشاركة ففي حفظ الله ورعايتة...........



الادارة.......

[الادهم]

السلام عليكم

يعطيك العافيه اخ عكاش على ادراجك لقصيدة الشاعر كديميس العصيمى

الرائعه ردا على الشاعر عبدالله المطيرى الذى يريد تغيير احداث التاريخ

بقصيدته التى استوحى فكرتها وقافيتها من قصيدة الامير مشعان بن هذال

شيخ مشايخ قبائل عنزه وهى القصيده التى سمية الشيخه وبين فيها ماقام

به الامير مشعان بن هذال من بطولات على بعض القبائل ومنهم قبيلة مطير

حيث قال فى احد بيوت هذه القصيده

((هج الدويش ومالقيناه بالدار ... زبن عهلى الحره وذيك الشناخير))

فاراد شاعر مطير ان ياتى بقصيده يعكس بها الاحداث ولكن هيهات

واليكم قصيدة الامير مشعان بن هذال كامله



يالله يـم ديـر الهبـايـب والادوار=
شانك عسى تصريف شانك لنا خيـر


يالله ياعالـم خفـيـات الاســرار =
يامعتنـي بالخلـق وآلـي المقاديـر


قلته ونوم العين عـن جفنهـا طـار=
والقلب كنه فوق حامـي المجاميـر


هلّت دموع العين من شوفـت الـدار=
سكانهـا الاجنـاب هـم والبقاقيـر


من عقب ماحنا بها مثـل الاسـوار=
نامر وننهى ونحمي الجـار ونجيـر


حامينها في لابـةٍ تسقـي الامـرار=
عدوهـم مايحتسـب بالمخاسـيـر


ومن عقب ماكنا بنجـدٍ كمـا النـار=
نقطع بها شرٍ وناصـل بهـا خيـر


وحنا الذي ترجع لنا كـل الاشـوار=
لاصار بالقـولات شـوّار وامشيـر


لابــد مانـاتـي لأبـانـات زوّار=
بأسلاف عجلاتٍ تعـدّا المضاهيـر


يهومن هومـاتٍ بعيـداتٍ وعسـار=
وكم ذيّرن من واحـدٍ مابعـد ذيـر


وكم فاجانا العدوان غـرات وجهـار=
إلا انتون كـم يسبـقٍ مـن معاييـر


ضعاين حطن لنـا ملـكٍ بسنجـار=
وبنن على الخابور زيـن الدواويـر


وتواهلن الزور حصلن لهـن كـار=
من البطينـي للرهـا لـه معابيـر


نامـر وننهـى مانـدور بهـا ادوار=
ونهـدي العاصـي بيسـرٍ وتيسيـر


وكتمن مع الحاوي وداجن بالامصار=
وجابـن خفارتهـن بفكـرٍ وتدبيـر


وحطن على السلمان طيحات الامطار=
وصار لهن لينه وخضـرا مصاديـر


ومالن على رجم الهيـازع وسنّـار=
وجابن حلال محمره من ورى النيـر


وحطن على الشنبل وداسن الاخطار=
وخذن خضـراتٍ بسيـفٍ وتدبيـر


ثم انتحن مـن كفّـة الشـط عبّـار=
وهاجن وماجن فوق روس العناقيـر


وقضّن وكالن من شثاثـا بالاسعـار=
وحطن لملـوم المسمـى مصاديـر


بقطعان يطون الخطايـط والاقفـار=
ويطيرن جول الحبـاري المخاميـر


وخلن فوق البشوك عج الرمك طـار=
وإحرو هاك اليـوم خـز المعاشيـر


وحطن على ورد الدجاني لهب نـار=
وغدو بها الويـلان مثـل المداويـر


و(أباذراع) أضحى مقيمٍ على الـدار=
وقطعن حـلال محمـره المساميـر


وشدّن وحطّـن الثمامـي بالايسـار=
وخلن على (المطران) مثل المعاصير


وسارن بنا الزرفات بإقبال وإدبـار=
من غوطة الفيحا إلى غشلـة الديـر


نروم من زيـن المنـازل ونختـار=
ونستـرد الخـوّه بحـدب البواتيـر


ليامن نخونا اللي على نجد حضّـار=
وجانا كتابٍ من زبـون المقاصيـر


من (ماجد بن عريعر) حر الاوكـار=
يقـول وُخـذت داركـم يالمناعيـر


الشيخ اللي حيف على البيض بالغار=
يقول حل بداركم (حرب) و (مطير)


وجيناه مثل السيل طمّـام الاوعـار=
لياما غدت عنـه البـوادي شعاثيـر


أولاد عـم ولا بنـا قـول شبشـار=
وشيخٍ لنـا عنـده جـلالٍ وتقديـر


ورفاقةٍ واللـي حذاهـم لنـا جـار=
وحنا عليهم نحمـي الجـار ونجيـر


وحنا شبات الحرب وان شبّت النـار=
وتوايقـت بيـن الحنايـا الغناديـر


وحنّا هل الجمع المسمـى إلياسـار=
مركاضنا يشبع به الذيـب والطيـر


وحنّا بني وايـل بعيديـن الاخبـار=
إليـا تناخـوا بالجمـوع المشاهيـر


وين انت ياللي تايهٍ منـك الابصـار=
جيناك حوله مـن شثاثـا وابالجيـر


وصحنا عليهم صيحةٍ تجلي الامـرار=
حتى جبرناهم عـن الـدار تجبيـر


باغيٍ عليهم صايـرٍ مثـل ماصـار=
ذبـح الشفايـا واغتنـام الخواويـر


هـج (الدويـش) ومالقينـاه بالـدار=
زبن على الحرّه وذيـك الشناخيـر


كسيـرةٍ ماقـط ذكـرت بالاذكـار=
بها القلايـع مثـل روس الخنازيـر


لولا شفاتي فيـك يانجـد مااحتـار=
فكـري ولاكثـرت علـي التفاكيـر


ولولا شفاتي فيـك ماجيـت مـرّار=
نـداري ديـرة الهواجيـس وإنذيـر


وإندير حريـاتٍ بالأريـا وتبصـار=
وأرجي من الباري عساهـا مغاتيـر


نجـدٍ جفتنـا وكـل دارٍ لـنـا دار=
ماهي معافه ميـر جـوع ومداهيـر


ياما ركبنـا بالسـرا قـب الامهـار=
وعيـرات الامـه كنهـن السنانيـر


مابيـن مسنـادٍ ومابيـن مـحـدار=
ياما قطعنـا بدربنـا مـن مشاويـر


نعتاض عن دارٍ عليها الدهـر جـار=
ديد العسـل فيهـا تعيـش المفاقيـر


قطعاننـا ترعـى زماليـج نــوّار=
وياما غدا فـوق الاباهـر قناطيـر


مثل المسوح اللي ترزّم على حـوار=
دارٍ مريـه بالشتـا تسمـن الضيـر


دارٍ بها بالقيـض غـدران وانهـار=
والتمّن المجروش ملـي الجواخيـر


وصلاة ربي عد مـا بالسمـا طـار=
وعداد ماوردن ضمايا علـى البيـر


على الرسول المصطفى سيد الابرار=
نور العباد اللي دعا النـاس للخيـر

[فرهودي]

أولا حياك الله في المنتدى
يالأدهم ..
ومشكور على نقلك لقصيدة الامير مشعان بن هذال..

ويبدو لي ان في جعبتك العديد من القصائد لاتحرمنا من قرائتها :)
---------------------------------------------------

والشاعر عبدالله بن دعيج من الشعراء الشباب المغمورين..
وشاعر له العديد من القصائد الغزلية الرائعه.. (ليته اقتصر عليها)
ولكن اراد في قصيدته السابقة ..التطبيل والشهرة.. (وهذا من حقه)
ولكن وصل به الامر الى التطاول وتزوير الحقائق..

فوجد نفسه بين انياب الشاعر كديميس..

-----------------------------------------------------------------

وللعلم..
ليس ابن دعيج وحده من يفعل ذلك بل يوجد العديد من الشعار أمثال شاعي بن سند وابن دواس ومحمد بن دله الصهيبي وسعد الهطله (سعد بن سلطان)

ولكن كان للشاعر كديميس الرد الملدم عليهم.

بعد ان رد عليهم بقصائد شديدة اللهجة اتى لمنزله
العديد من مشايخ وأعيان مطير يطلبون منه ايقاف المساجلات
ويعترفون بأن هؤلاء لايمثلون قبيلة مطير
وانهم يتكلمون ولايعون مايقولون
فما كان من ابوسلطان الا ان عاهدهم انه اذا تم ايقاف هؤلاء المغمورين
انه لن يجدوا منهم الا مايسرهم.

ولكن كما كان متوقع..
لم تتوقف القصائد من طرفهم فأخذت تتوالى القصائد..
إلى ان اجاب عليهم ابو سلطان بقصيدة واحدة
كانت بمثابة الصاعقة نزلت عليهم
يقول في أولها:


خط الخطية وصل من عند بن دله =وراعي الخطية يصيدنه قوافيها
رسم درب الخطا قبله رفيقاً له= ومشى على خطى اللي ذاك ماشيها
الأول أخطأ والثاني جاك حامن له= يبي يداوي العيون وصار يعميها
ليته تجنب طريق عبيد أحسن له=وخلا (العبادل) تخبط في دعاويها
العام ننحى رسايل (بني عبدالله)=وسكرت (بالشمع الأحمر) فم مداعيها
واليوم علوى تزيد الطينه البله=واللي تقدم لغلطتهم نداعيها
(وواصل) تحد العلوم وتشرف التله= وغنت قصايد وضيعها مغنيها

والقصيدة طويلة جداً.. نكتفي بهذا القدر
راجع موضوع وصف الجمس عند الشعراء (http://www.otaibah.net/m/showthread.php?s=&threadid=1073)

فرهودي

[عتيبي الشمال]

ههههههه

شر البليه مايضحك

[الكناني]

يابيض الله وجهك يالأدهم....
......( الحق أبلج ).........

[الادهم]

السلام عليكم

.............................
..........................................

الاخ صريح

شيبانك ماروو لك عن قصة الامير صاهود بن لامى عندما قص

شاربه ولحيته خوفا من ملحان ابا الروس العنزى عندما غزا

صاهود فخذ الدهامشه من عنزه واخذ ابلهم وعندما علم بهم

ملحان لحقهم وحيدا وعندما رأو ان الذى اتى فى طلبهم هو

ملحان خاف صاهود وقص لحيته وشاربه لكى يغير من ملامحه

خوفا من ملحان وهم اربعين فارس واستطاع رجل واحد ان يمنعهم

على رقابهم واسرهم وبعدها عفا ملحان عنهم وقال شاعرهم

الذى يقول الحق وليس الشعراء المعاصرين الذين يقلبون الاحداث

قال هذا الشاعر وهو يتمنى انه لم يحضر مع صاهود ويقول ليتنى

تبعت قوم الفراوى ولم اذهب مع صاهود هو ويا خويه


بكرتي ليته تلت قوم الفـــــراوي .......... ماتلت صاهود هو ويـّـا خويــه
يوم جبنا الذود نحدي بالغنــاوي .......... والموازر كنها جلد ابرديـــــــه
نهضوا عصيانهم هل الشــــراوي .......... يحسبون الخيل تقنع بالرديــــه
لحقت بملحان تردف به خــــلاوي .......... اربعين وردنا رد الرعـيــــــــــه
ردنا ملحان ماهي بالهقــــــاوي .......... ولولا منعه مابقت منـّـا بقيـــــه
المحينـــــي ياعريبين العــــزاوي .......... يعتزي لعـــيون مجـــلي الثنيــه
ليت محسن حاضرٍ ولا الرهــاوي .......... يعتذر من دونـهن قبـل المنيــــــه


هل احد اخبرك يا اخ صريح بهذه القصيده من شيبانك ومؤرخيك ام انهم

ياتون بقصائد معاصره يلفقون بها انتصارات على مزاجهم ؟

واخيرا اقول لك ترا كل القبائل فيها خير ولهم عادات وتقاليد ترفع الراس

..................................
..........................................


.................................................. ....

[فـارس الدغيـلبي]

نظرت الى ردود الاخوان على كاتب القصيده وقد أعجبتني ردودهم خاصه الاخ عكاش فقد أصاب عين الحكمه عندما أتى برد الشاعر كديميس على القصيده
وهذا يمثل قمة الرقي في التعامل بعيدا عن المهاترات التي لاتسمن ولا تغني من جوع
سوف أوجه لكاتب القصيده مثار النقاش
سؤال واحد فقط
لقد أتيت بهذه المشاركه لحاجه في نفسك وهي لن تنقص من شأن العتبان ولن تزيدمن قدر المطران
فهل حققت لنفسك وقبيلتك ذلك الفخر المزعوم وألا كان تصرف طايش ينم عن عدم ثقتك بأفعال قبيلتك؟
وبذكر لك حدث أتمنى تأخذ منه العبره
يقال أنه تقابل أحد اليهود مع آخر من الالمان النازيين فقال له:
أنتم يا النازيين تبحثون عن المال فيما نحن اليهود نبحث عن الشرف
فرد عليه ألألماني بقوله :كلن يبحث عن ما(يـــــنــــقـصـــــــه)!!!!

[عكاش]

الله يعطيكم العافية ياعيال العم
واشكر الادهم العنزي على مشاركتة لدحض مزاعم شاعر مطير

[الادهم]

وايضا رد الشاعر عايش العنزى على ابن دعيج المطيرى




الحمـد للـي عـازل ً ليلـة عــن نـهـاره =
يـاخـالـق ٍ خـلـقـك بـحـكـمـة وتـدبـيــر
قـــال المـمـثـل بـخـبـرتـه واخـتـبــاره=

ردا ً على اللـي صـور الكـذب تصويـر
عـلـي بــن دعـيـج هـجـم لــه بـغــاره=

ذبّـــح شـيــوخ الـعــرب والمـنـاعـيـر
يطـعـن ويـذبـح سـاكــن لـــه بـحــاره=

انــت مــع الـصـابـور والا المـغـاويـر
يابـا الحصيـن اللـي بطـويـل الجـحـارة=

بــزربــك وســكــر الــبــاب تـسـكـيـر
هـــرو ٍ جـبــان ولاتـدانــي الـسـمـارة=

لاانـــت ابـازيــد ولامهـلـهـل الــزيــر
تــب عـــن الـكــذب وغـيــر مـســاره=

قـبـل عـلـى راســك تــدور الـدواويــر
حـمــار ٍ نـكــور وضـــاري ٍ للـنـكـاره=

يـامـا حــلا بالمشـعـاب قـمـعـة الـعـيـر
الـطـيــب لــــه قـيـمـتــه وافـتــخــاره=

والا انـت لــص ً ماتعـشـي الخطاطـيـر

اســأل التـاريـخ وخـــذ مـــن قـــراره=

عـن ذبحـة مقـيـط وجـدعـة مسيحـيـر
وسبـعـيـن لـحـيـة خـلـيــو بـالـمـعـاره=

تاكـل بهـا الضبعـة ويعيـد بهـا الطـيـر
وقوم الفراوي حشروا على راس قاره=

ردوا عـلـى الـمـنـع مـثــل العصـافـيـر
وصـاهـود بــن لامـــي قـبــل دمـــاره=

ارخـــص ركـابــن مـــن دون تـاخـيـر
ردهــــم مـلـحــان بـفـعــل وجــبـــاره=

تقنـعـك الأمـثـال , والا اســأل مـطـيـر
وكــون ٍ بالـصـمـان وحـنــت حـــواره=

اخـذنـا حــلال الـــواردة والمـصـاديـر

ربعـي بـنـي وايــل اسـقـوك الـمـراره=

يــوم القبـايـل بـيـن غـــزاي ومـغـيـر
صـار الـلـي صــار وتخـيـرت النـيـاره=

وخـلـوك مــع البـيـدا تـاخـذ مـشـاويـر
يـوم المطيـري ربـط كلبتـه عنـد نـاره=

خلـى العجايـز والـورعـان المقاصـيـر


قالت بنت الدويش الخلا عنها خسـاره=

ارم الغـلـب عـلــوى , ولـــو مـدابـيـر
برجس غديـر المـوت ماهـي استعـاره=

صيـده الفـريـس والـرجـال المشاهـيـر
وعــن وقـعـة جـديـع نعطـيـك شـــاره=

اعمارات بعمارات , , ولالـك مفاخيـر
صــيــدك عــنــدك يــابــوم الـمـغــاره=

اولاد عــطــا يـنـطـحـون الـطـوابـيــر
الا كـتــم الـجــو , وتـطـايـر غــبــاره=

فــرح بـهـم وضــح الابـكـار المغاتـيـر
ر
يـابـا الحصـيـن حــط لحلـقـك سـكـاره=

نـرسـلـك مـــن اول الـشـعـر تـحـذيــر
هـايـس بــن عـشـوان مـاخـذت ثــاره=

صـاحــن عـلـيـه الـبـيــض الـغـنـاديـر
غديـت بـيـن الـنـاس مـثـل الصـهـاره=

ارنــب سـلــق تلاقـفـوهـا الصقـاقـيـر
يـبـي يتعـلـى مـيـر سـريـع ٍ انـحــداره=

هفـت مقيـط اللـي وقـع باوسـط البـيـر
هبيـت ياللـي مايـقـدر زميـلـه وجــاره=

راع الـردى مالـه مــع الـنـاس تقـديـر
يالـلـي زرعــت الـسـو تجـنـي بــذاره=

وان كنت شاعر , ينطحونك شواعيـر
ياعـلـي بــن دعـيــج مـابــك طـهــاره=

مريض قلـب ولابـك مـن الفكـر تفكيـر
رح للطبيـب وحـط (بــط.....) حــراره=

عنـد المحـلـل خــذ فـحـوص وتقـاريـر

[فارس مطير]

السلام عليكم ورحمة الله وبركاتة
كيف الحال ياشباب
عندي مداخلة بعض الشباب الي يقولون مطير شيبانهم معلمينهم الكذب فهذا غير صحيح
اعرف مطير وتقول ان المطران مالهم امجاد كيف يصير هذا كل ماتكلمو في موضوع قلتوا لاانتم اول واخر ابنا قبيلة لها امجادها ومطير لها امجادها مهو تخلطون الاول على التالي واعقلوا

[صـويب الرمـــش*]

لاتعليق وحيا الله الجميع ...
واتركوا عنكم العصبيات القبليه ,,, قال الرسول صلى الله عليه وسلم ( دعوكم منها فإنها نتنه ) او بمعنى الحديث


تقبلوا تحياتي

[عجاج الليل]

كديميس شاعر عتيبه الاول .. وذخر عتيبه الله يعطيه طول العمر آآآآآآآمين .......... كفووووووو يالحصان

[الكواكبي]

الصريح نقل قصيدة عبدالله بن سعدون المطيري ونزلها في المنتدى وانا بنقلكم رد كديميس عليها


رد عليها كديميس صالح العصيمي يقول:


ياعبيد وش حدك تفوة بتاره=قلي عسى ماشر ياشاعر مطير
ماينبغي ياعبيد قدح الشراره=بين القبايل ياردي التفاكير
مدري تكلم جد ولى عياره=ولا سمعت من اقرب الحلق تصفير
سحبك مجنون العمار بمساره=( وشلتو من الهرج المزيف قناطير )
راع العمار الي بنالة عماره=من الهرج حيثنة على غير تسعير
يعد شعرة مرجلة بطراره=( ومن هرجة التافة يوزع فواتير )
لوهو من الي يفهمون الاشاره=وعندة ملافي للكلام وتفاسير
تبي تحط الطايرة في مطاره=وتسلمة خط التقارير وتطير
لكن مرجوجاً براسة عهاره=كبير في سنة وفي عقلة صغير
ابترك المرجوج جعلة وداره=مال للكلام الي بلا عدل تاثير
حتى يرجع لسفية اعتباره=وليا رجع نعرف مكان الخوابير
اما انت كاننك تعرف المشاره=دعوتك وصلتنا وجونا المسايير
( عن لوحة الماضي رفعنا الستاره )=وركب الرشا من فوق هدف النواعير
ورد الجزاء جنس العبارة عباره=وعلم تراء مايعتبر كل تعبير
ذكرت بعض شيوخنا للأثاره=( لكن ماعندك شهادة وتقرير )
ولايبني الرجل الفهيم افتخاره=على التمني وختلاق المذاكير
ومدامتنك جيتلك بستماره=وعبيتها بس الخفاجي مع الزير
دور ( لبن جبرين ) عندك جباره=اذا وجدت لقطعت الراس تجبير
ماسرتة حقب العيون وفراره=خمة قطامي كن عينة سنا كير
ادلى علية مجرباً فالصقاره=حراً مخالبية سواة الشناكير
عدو عينك نطلبة ربع باره=ان طار والى في وطى الارض ويسير
نجيلة اقرب للغبي من زراره=حتى نطير هامة الراس تطيير
عينت ( ابو صفرة ) وكيف اختباره=فالامتحان الي جراء شرقي النير
جانا بكامل قدرتة وقتداره=يبي العشاير جلهن والاباكير
ولقى السيوف الساطية بنتضاره=بيمان ربعاً فاملاقا جزازير
كزة عتيبياً شلع عظم زاره=بمهلباً كنة ملبس بقصدير
تعودة الوركى وذيب الخضاره=على ( العويند ) حوشتة المقادير
و (بو عبيد ) الي يجيد المهاره=اليا جتوال معسكرات المسامير
فالمعركة يقدر يدير الاداره=يثني جوادة عند تال المضاهير
جاة ابلجاً يكرة عدوة مراره=اليا عدى يطرح صقور وصقاقير
وتواجة والكل جرب جماره=وطاح ( الدويش ) بوسط ذيك العثامير
انشد عنة ولا تقفة بثاره=تلقاه في واد الرشا كنة بعير
متفرشاً يمناه عقب انكساره=علية عقبان الفريدة مخامير
وذيب جبلة لياخوع اليل زاره=والطير ياكل منة والساير يسير
و ( بن شري ) فارس وعنده جساره=في نطحة الغازي لياجاكم مغير
لياشافله جمعاً تهاذب مهاره=يلكد على الكردوس والصاير يصير
لكن ضيف نابة اهل المغاره=سباعاً تقانب في خشوم الشناظير
يوماً جمعة صار فية استداره=تشاقلن جسمة وساع الحناجير
و ( فصيل ) درا انا منتوينة بداره=وحشد لنا جمعاً كبر حرة مطير
وطوق نواحي المجمعة بالنطاره=وركب على روس الجبال النواطير
وانها مشاعر جمعكم وستداره=للموقف الي بة تقدم وتاخير
وعقب المواجة صارت الانكساره=( وضاقت على المطران كل المعابير )
عقب تقدم جمعنا ونتشاره=قفو وعجتهم سوات المعاصير
والشيخ ( ابن شوفان ) تم انشطاره=عينت راسة مالقوة الحفافير
و (حسين ) قدامة و( محسن ) يساره=و ( بندر ) قمز فالغرس مثل ارنب الطير
وفيصل خذالة كرتاً وفتراره=وقفى يحث كروش مرخلها السير
والدم من جسمة يفوح بغزاره=قفى ودمان ( الدويشي ) شخاتير
وفي قصر ابن عسكر لجا وستجاره=( ومطير مع وادي الكظيمة قواطير )
حنا نقوم وكل شيخ بوقاره=ماعندنا في واجب الشيخ تقصير
ان زارنا قمنا برد الزياره=ونزيد تقديرة على الشر والخير
ومكارم الاخلاق راس التجاره=ماجودتن فينا بكل المعايير
( حنا بنجد النا مقر الصداره=ولاحدن ينازعنا عليها من الغير )
ولاجاتنا معروف ولاستعاره=الى بصولاتن تفض الشراشير
(عتبان ) فالهيجا سوات النماره=عاداتنا دحر الجموع المناحير
الياحصل يوماً تقادح شراره=خيلن مناحير وخيلن مدابير
نسد باب الراي والاستخاره=وقادو جمالن فوقهن الغنادير
من الي سحب جمعة وتم اندحاره=وقفت ركابة بالمذلة محادير
( الي سر من عقب ماشب ناره )=عقب التحدي يشعم النار وينير
( ويخفي مسيرة عن حليفة وجاره )=وختار للمسرى بطون التسارير
ورتب على درب الكسيرة خفاره=ووزع على الحراس عدة نواظير
حتى نزل بين الورعية وواره=ورتاح عقب مواصل السير بالسير
هذا السبب يعبيد فالانحداره=خل الكلام الي مزيف وتزوير
( مهوب حدرت نجعكم بختياره=جاك الكلام الي وراة التقارير )
وتراء الدويش الي رفعتو شعاره=خيالكم فالمعضلات المعاسير
غرة خوي الجنب يوم استشاره=ونوخ على داورد عرباً خواوير
عقب اضرستة الحرب وونس عواره=قام يتردد بين عذال ومشير
( ورسل لبن هندي جميل عتذاره=وبريتاً مشريتن بالدنانير )
ارسلبها المندوب قبل انهياره=لكن ماتنفع سمان المعاذير
خسر الدويش ولاربح مستشاره=وولو يسجون الضعن بالبواكير
و( شري ) خطرنا منتدب لسفاره=وصارت نتايج سفرة الشيخ تسفير
وليتك نشدت ( الملعبي ) عن بكاره=شرشوح ذودن كلبوهن مغاتير
و( الملعبي ) فالرمح مثل الصهاره=الي عمل لروس الاموات تكسير
هذا دليلن انة يعاني حراره=يحز في كبدة سوات المناشير
والشاهد ان مطير فيهم شطاره=محدن لقاها غيرهم فالمحاظير
( لياعارضو جمعاً وتم انتصاره=يلجون لقبور الرجال المشاهير )
قبر ( الصييفي ) قد طلبتو جواره=يوم ارهقوكم باللحوق المغاوير
خطرتو لقبر ( السبيعي ) خطاره=سمعتو انة يعتني بالخطاطير
يجب عليكم يالمطيري مزاره=يوم احتماكم من سيوف المناعير
على النقيرة قد بنيتو حضاره=وصلت مبانيكم لجوبة نقير
مار ( العوازم ) صيروها خباره=تقول ناسفها الدناميت تفجير
وزبنتو المسجد وراس المناره=وجمع ( العوازم ) طهر الدار تطهير
خلو لكم بين الصياهد كراره=ولي سلم منكم زبن ديرة شقير
وقولن بليا شاهد ويش كاره=يظربة الحايط ليا صار تبرير
( وانتة كلامك يفتقر للاناره=الله يلومك ياكبير الجماهير )
تقول من يزهي ذراعة سواره=لعيونها دمرتو الناس يامطير
لكن مدري وين تلك النامره=عن ( الدحملية ) يوم جينا معايير
نجرها بين الذراء والغراره=من الهودج الي كن وسطة نواوير
عفر وواشعها صفار بحماره=وباقي الموضوع اريش العين تفسير
انا بشير ولانبيلك بشاره=جتك الرسالة والمعاني معاشير
يلي تدس يديك وسط الجحاره=تراء الافاعي ياكلن العصافير
بينتلك ماقد سبق بختصاره=وصورتلك ميدان الاحداث تصوير
وذكرتلك سبعة من اهل النداره=و ( الثامن ) الي طب في داخل الحير
ولاواحدن منهم قصدت احتقاره=شوخ الجهامة محتمين المثابير
( وحنا السبب في فقدهم للاماره=فقد الحياة ومبعدات المشاوير )
خسارة ياكبرها من خساره=لياصار في رقاب المناعير تقدير
جمعن يحاربنا نضيق قصاره=فالحرب لين الصعب يركب على الضير
ونرمي لجيعان الذيابة كباره=وتبقى العبارة بلا كبير ولامير
وانتة ادعرت لمادعيتة دعاره=بيا سبب يمتيح لوكان قطمير
نغزك شيطانك وغزيت شاره=وعارضتها مابين نقاد ومثير
والرامي التفاق يضبط عياره=والمرتبش يبلش لياصار تطوير







عكاش |4|

كل الشكر والتقدير على عرض هذه القصيده للشاعر الكبير كديميس صالح العصيمي

[عتيبي 2005]

تسلم يمناك يا أخوي يا عكاش.


وصح لسا ن شاعر عتيبه - كديميس العصيمي على هالقصيده اللي تبرد السبد.

عتيبي 2005

[الشا مخ]

الاخ الادهم الحقيقة كفيت ووفيت ومعاد خليت مجا ل وعلومك غا نمة جعلك تسلم

[ذيب المراقيب]

بسم الله الرحمن الرحيم


صدق راع المثل اللي يقول: ( الجاهل عدو نفسه ).

وانا اقول: ( وعدو ربعه ولابته بعد) .


والصريح وشاعره اساؤا لانفسهم من حيث كانوا يريدون الاساءه للاجواد.

وصح لسان العصيمي يوم قال:

ياللي تدس ايديك وسط الحجاره×× ترا الافاعي ياكلن العصافير

[سناعيس شمر]

وابن رشيد الي طوال سباره ***** عليه ردن وافيات الاسابير
ههههههههههههههههههههههههههه
اذكر ربك يالمطيري وقول كلمة حق عزالله انك غيرت بالتاريخ
بعدين موضوعك هااام وماتبي الناس تدخل ممكن اعرف ليه
انا اعتقد لانه تدري كلامك كلوه غلط بغلط وتأليف عشان هشكل قلت الرجاء عدم الدخول
..
..
..
..

عام 1316هـ غزا عبد العزيز المتعب ( الجنازة ) على

1ـ هزاع بن شعير الدويش

2 ـ سعود الفغم

3 صاهود بن لامي

وهولا كلهم من شيوخ مطير الكبار واخذهم واخذ حلالهم

وبعدها قال حمود العبيد ال رشيد قصيدة طويلة جدأ منها هذه الابيات

والله ماهم كفوا حكي او قصيدي000 مار الطنا يرث على الكبد بلهود

عرضتهم لمدورين الحميدي 000 اللي عوايدهم تفك كل مضهود

يوم ان خطو الشيخ مثل المعيدي 000 اسمه كبير وشوفته مثل فرهود ( 1)

عشرين خيال عيال الحميدي 000 عجزوا من القشعان يدون مفرود

ياطير ياللي عادةْ ماتصيدي000 حنا غزيناهم ونضمن لك الفود

ديار اخذناها بخضر الجريدي 000 غصبأ على الزعلان والخد ممدود

من فوق قحصٍ كنهن الفهيدي 000 ملبوسنا بظهورهن صنع داوود

تفرقت شاشات عمرٍ وزيدي 000 مواقفٍ يلقى بها الدم مرجود

وفي معركة الصريف حيث مطير كلها مع بن صباح قال الشاعر عبد العزيز العزي وهو من اهل البرة جنوب القصيم

قال ضمن قصيدته المشهورة وهي حوالي مائة بيت منها قوله

وعريب دار وكل من يلتجي به 000 واهل النفاق ومارق الدين ماغاب

وجنوده العجمان واللي حظيبه00 غير ( الدويش) ومن تلاه من الاجناب

والمنتفق وبن شريم ونسيبه000 وماحاشة النقرة وسالم وغصاب

حل المناخ اللي عليهم ادعيبه000 من ديرته حاديه جلاب الاجلاب


ــــــ
(1) يقصد سلطان الدويش حيث طلب منه بن رشيد ان يعيد ابل اخذوها الشيوخ المذكورين من رعايا لبن رشيد

من غير شمر ولكن الشيوخ الثلاثة رفضوا أمر الدويش مما اضطر بن رشيد ان يغزيهم وياخذهم كما سلف0
..
..
..
..
..
سأذكر لك آخر معركه بين الطرفين وهي معركة (( ياطب )) حيث أنتصرت شمر بقيادة الامير محمد بن طلال الرشيد _( طيب الله ثراه )_ على جموع مطير بقيادة شيخهم فيصل الدويش ،، ويقول شاعرهم بعد هذه المعركه : -




واقلبي اللـي صـار فيـه اجتوالـي
ورجلي خفن عقـب ماهـن ثقيـلات

من حر قبـا مـن نفايـس حلالـي
جاها أبو شقرة عاذره بيـن الابيـات

راحـت ويبراهـا سـوات الغزالـي
ماتت وحتى الفوج من موتهـا مـات

قصيـرتـن لمبهـريـن الـدلالـي
في وجه ابن عرشان من قبل الأهوات

قصيركـم يـا ذاهبيـن الحـلالـي
ذالي ثلاث سنيـن والرابعـة جـات

لـو أنهـا راحـت خـلاف التوالـي
ما توجع الرجال من عرض ما فـات

حدانا "اخـو نـوره" حدتـه الليالـي
فرساننا تذبـح كمـا تذبـح الشـاة






ومعاركنا معهم هي بلا شك كثيره مثل : -

1-أم رضمه واللي قتل به عزيّز الدويش .

2- الصريف والتي كانت أغلبه من مطير .

3- المسعري وإنهزام مطير شر هزيمه .

4- ام الجماجم وهروب مطير من المعركه .

5- الشوكي واللي خذابه الأمير طلال الرشيد بريه من مطير .

6- والنسيعي حيث كان معهم فرسان من قبيلة العجمان لاكن أنهزموا هزيمه قاسيه .

يقول الأمير عبيد الرشيد




العيد عيدنـاه باقصـى صعافيـق
والعيد الاخـر بالحفـر والدجانـي
ندز عيـرات النضـا بالمساويـق
وكثيرهن من كثـر الادلاج وانـي
فاضن مثل مشحنـا ت الدوانيـق
ينقلـن قـل الطـوب والجبخانـي
"للعارض" المذكور والخرج وطويق
لا لا ربح حـيٍ بهـاك المكانـي
عي يرد "مطير" زود على القيـق
تقول وخـذت باشتـك بالضمانـي
ياما عقبهـن الفـوات الهداليـق
صارت شرايدهم مـع المكروانـي
..
..
وراح اذكر لكم معركة ياطب بتفاصليها والشعر اللي انذكر به
..
وشكرا لك يالمطيري لانك فتحت على نفسك بااااب
..
وتقبل تحياتي

[alaneed]

بسم الله الرحمن الرحيم

أخواني الأعضاء أولاً جميع هذا الكلام حصل في العصور الغابره

لكن هذا لايبرر لأحد تزوير الحقائق اما الناس اليوم أخوان ؤجميع القبائل

عزيزه وكريمه با لنسبه لمطير فهم والنعم أما بالنسبه للي اورده أخونا

صريح فهو من نسج الخيال أي انه بهذه القصيده قضى على عتيبه وشيوخها

وقضى على عنزه وشيوخها وقضى على شمر وشيوخها وقضى على الضفير

وشيوخها أيش الخيال هذا يارجل ارفع نفسك عن هذا الكذب وأعتقد أن هذا

المنتدى أرفع من هذه المهاترات وانا آسف اذا غلطت في حق أحد

وتقبلوا تحياتي

[°¨¨¨«.¸.,•°™غًٍّـًٍيًّـ¨¨¨°ـًٍابـٍُّـًكًًٍٍٍٍُِِّ™]

عزالله انك يالصريح ماطحت انبطحت. وحطيت نفسك بين طاخ وطيخ.من نشيط في يد انشط. عساك للقوه والله يكون بعونك ياخال انا في صف ربعي وعيال عمي .ماهو معناه نقصان بحق حمران النواظر الى يشهد لهم التاريخ قبيله اخذت قسمها وزود.بس العين ماتعلى على الحاجب. ويمناك ماهى مثل شمالك.
بس انت الله يهديك نقزت نقزه مال امها داعي.
وصح لسانك ياعكاش ولسان قائل القصيده وبيض الله وجهك.
وتقبلو تحياتي لجميع المشاركين

[الايداء1]

وكم شيخ قومن طايح بالمغاره ***** عليه لجن البني المغادير
وكم ذود مصلاح اخذنا خياره ***** تفز القبايل ليا ذكر طاري مطير
نضرب على روس القبايل جهاره ***** نضرب عليهم دون عذر ومعاذير
عينت ابن هندي طايح في سماره ***** من فعل ابن جبرين قفو مفارير
سقنا عشايرهم ودارج حواره ***** وكسيرته ياكبرها من مكاسير
وابن محيا ثاوي في جواره ***** بيوم يشيب كبارها والمصاغير
وتركي دماغه فوق متنه قراره ***** ماحوله الا الحوم ورد ومصادير
ونهار ابن تنيبيك يربط جهاره ***** يربط بحصانه والمزاحم مصايير
وقشغان شيخ من سلايل عماره ***** عشاه ابن سقيان عكف المناقير
وجديع ابن وايل دفنا وجاره ***** عاداتنا نخلي الرقاب المشاهير
وابن رشيد الي طوال سباره ***** عليه ردن وافيات الاسابير

ياكذبك يالمطيري كل هلي جبتهم ذبحتوهم وبعدين هم رخوم وأنتم بس الشجعان .
عيب عليك تكذب .

[ابوعبد الرحمن22]

شكرأً للاخوان على الردود ( الشافيه الكافيه)



تحياتي

[الحمادي الكويتي]

مشكورين ياعيال العم على الردود الطيبه الي بينت الحقيقه لكل من يحاول تلطيخ سمعه عتابه...والله يوفقكم

[خيّال البويضا]

هناك رد آخر لأحد شعار عنزة الفطاحل, يفند بها هذه المزاعم الباطله في هذه القصيدة البائسة الهشة الركيكة كصاحبها ... يقول بها :


مـبـداي بـالـلـي نـتـقـي حـر نـــــاره = الـواحــد الـخـلاق والـي الـمـقـاديـر
أرسـل رسـولـه للخلائـق بـشـــــارة = وأنـذر وبشّـر سائـر النـاس تبشيـر
وإسحاق بشر به عقـب يـأس سـارة = الـرازق الوهـاب مغـني المـفـاقـيـر
أنشـأ السحاب مـن الـغـمام انـتـثـاره = ساقـه من المنشأ هبـوب المعاصير
يـهــل هــطـّال الـمـزون أبـغـــــزارة = يطـفح ربـابـه مثـل طـفـح النوافـيـر
عـذب الـقـراح الـلي تـدارج أنـهـاره = من ريهجان الفيض يجري شخاتير
عقـب الجفاف القـاع يطـلع خضـارة = والروض ينبـت ديـدحـان ونواويـر
أسـتـغـفـر الـرحـمـن فـي كـل تـــارة = تهـليـل فـي تعـظيـم شـأنـه وتكبـيـر
بسمه نظمت القاف عقب استخــاره = الجاش هـاض وفـور القـاف تفويـر
سـار القـلم يـكتـب لـطيـف الـعـبـاره = فـاض القريض وعبّـر الفكـر تعبيـر
الـبـال يـمـلـي مـن روابـع أفـكـــاره = مـن فن بدعي صخّر القاف تصخيـر
الشـعـر منـظـومـه نجـيـد أبـتـكــاره = ونصوغ وزنـه لا يجـي فيـه تكسيـر
نظمه يـبي فـطنه وعـرف ومـهـارة = وصرف المعاني مثل صرف الدنانير
أختـار قفـر القـاف وأقطـف أثـمـاره = قطف الزهور مـن الحزوم المزاهير
مـا قـلـت منطـوقـي نـفـاق وقـمـاره = ولاني من اللي حّور الهرج تحـويـر
وخلاف ذا المطلـوب يلـزم إحضاره = قـم يا نديبي هات اللي يسبق الطيـر
جـهـز خـيـار مصندقـات الـغــمــاره = الـلي تـسيـر بحـامـيـات الـمـواطـيـر
ركـب لـه اللوحـة ومعـه استـمــارة = توه وصـل من ديـرة الغرب تصديـر
شغـل مفتاح البنـز وأضغــط أزراره = وقـيـره مبرج مـا يـبي منـك تغيـيـر
حـطـه بنمـره وأستـرح مـن غيـاره = مـا لـك شغـل يـا سائـق البنز بالقيـر
عـدل درقـسـونـه عـلى خـط قـــاره = وأحذر تغـر مـن الشبح له مطـاميـر
يسبق عربسات الفضاء في مـداره = تسمع فحيحه مثـل صـوت المقاطيـر
الـقـار يـزمـي بـس تـنظـر سـمـاره = من زايـد السرعه تشوفـه تقـل سيـر
مـا سـاقـه عـليـمي وسـواق طــاره = عـليه مـن جـرب جـميع المشـاويــر
يـا مـشتهـر بـالـمـرجـلـه والـنـدارة = بـلهـون خـذ مـني رسـالـة وتحـريـر
سـجـلـت ردي لا يطـول انـتـظـــاره = متفـقـده عـن نقـد بعـض الشـواعير
الـقـاف مـا يـسنـد لـشـبـه الـثــوارة = الغـشـم تعـمـه فـي ظـلام الـدياجـيـر
يسنـد عـلى الـلي يفـتهـم بـالأشـاره = مـدرك لبـيـب يـفسـر القصـد تفسيـر
عنـده عـلى حـل المعـانـي شـطـارة = يـحـل عـسـرات الـرمـوز الـفـوازيـر
خـطـو الفهيم الـلي صليبـه شـواره = حـكيـم رأي ويـأخـذ الشـور وأيشيـر
ولا الـغـبي يـشبـه حـفيـد الحـمـارة = مثـل البغـل نسل الكديشة مـن العيـر
هـذاك يـزهـى البـرذعـة والـوثــارة = مـا يـفهـم المـقصـود كنـه طـميهـيـر
مـا قـلت منظـوم القوافـي عـصـاره = لـفـظـه مـثـل در الـبـكـار الـمبـاكيــر
بعـض المعـانـي مـا تعـادل زقــــارة = وبعض المجالس تقـل لجت نواعيـر
واليـوم تلـقيـط السـوالـف اعـفــاره = والـكـل قــام يـزوّر الـهـرج تـزويــر
شفـت الأسـود مـدوبـحـه لـلجـعـاره = وجرو الثعـل كشـر بالأنـياب تكشيـر
نسـمع ونشعـر بـالأسـى والـمـراره = بعـض العـلـوم تـكـدر الـبـال تكـديــر
هـرج الـتجـني والخـطـأ والـجـواره = أصبـح يـروّج بـالـمـلأ لـه سماسيـر
مـا يشمتون أهـل النـقـا والـطـهـارة = نظهـر ثـنا حصن الـرجـال المناكيـر
راعـي الفضيلة ما يجـوز أحـتـقـاره = ومن له فخـر مـا يستحق المحاقيـر
قـلته وكثـر القـول نـبي أخـتـصــاره = ولا أحب هـرج الطهبله والشباشير
حـيـث الـكـلام إلـى تجـاوز عــيــاره = حتى عـن العـاقـل تـضيع التفـاكـيـر
عـاداتـنـا نصــعـد عـلى راس قــارة = ونرفع عن الهـزلات شبح النواظيـر
ونحـط مـن دون الـرذائـل اسـكــارة = شيمة عرب ولعرض الاجواد توفير
والشـر مـا هـو مـن سببنا انـفجـاره = ولا هـو بخيـر الـلي تسبـب بتفجيـر
وعـن الـمعـاور مـا نـزيح الستــاره = نرفى الخمال ونستـر العيـب تستيـر
واللي قصد ما أريد كشفت أســراره = ولا أريد اشهر به مع الناس تشهير
أبي أنصحه ما أريد أفـتش صــراره = حنـا لـك الـلـه نستعـيـب الـمعـايـيـر
عـندي نصيحـة والنصايـح أذخــاره = مثـل الذهـب بأيـام غـلـو المساعيـر
عـرف الرجال أهل الفضائل تـجـاره = لاشك عـرف أهـل الرذائـل مخاسير
مـن يجتهـد ينجـح بـوقـت أخـتبـاره = ويـنـال مـن جهـده شهـادات تقـديـر
والضرس يقلع كان زادت أضــراره = مادام مـا فـاده عـن الـقـلـع تخـديــر
وأهل الغدر والبوق ما هـم خـسـارة = ودك تعـلـّق روسهـم بـالـشنـاكـيـــر
ومـن لـه قـضيـه يـشتكي لـلـوزارة = ومن يعتدي يعطى مع الجلـد تعـزيـر
والقصـر شـامـخ مـا يشـوه جـداره = كثـر العـبـث والشخمطـة بالطباشيـر
وكسـر القـزازة مـا يـفيـده أجـبـارة = ولا أظـن تنفـع بـه سنايـف وتوسيـر
والعـود يـرجـف كـان دقـت أوتـاره = وأن صـاح صـوتـه جاوبنـه مزاميـر
ومـن لا يـقـدي بـالمماشي مـسـاره = هيهات ما يقـدر على مواصل السير
ومن حاد عن مسلك طريقه قطـاره = يـمشي عدل والـلـه عـليـه التياسيـر
ومـن زل تسهـل طيحته وانـثـبـاره = ومـن لا يخـاف اللـه بدربـه عـواثيـر
غلطـان مـن داس الخطـأ بأختيـاره = ما دام مبـصـر والـنـواظـر مـباحـيـر
ومن ينبش الغيران تدمي اضفــاره = مخطـي يحفـر دارس الـرمس تحفيـر
الـلي يـحـفـر مسـمـلات الجـحـــاره = يلقـى الهوايـش بالمـداحـل مخـاميـر
رقـط الأفـاعـي مـلـبـده بـالخـبـــاره = ونيـبـانهـا تـشبـه حـداد الـمـسامـيـر
والـداب سمـه حيـن ينـفـث بـخــاره = يدلي ويزعق عـالي الصوت تصفير
وترى الجليس الـلي يبيع العـطـارة = أفضل مـن الـلي بالفحـم ينفـخ الكيـر
الكيـر يـبعـث شيـن ريـح وحـــرارة = والعـطـر تـنفـح ريحـتـه بالـقـواريـر
والشـر تـكبـر بـالـتحـدي صـغـــاره = حيـث المثـل يضـرب بـذرة وقطميـر
وتـرى السعـايـر مـبتـداهـا شــرارة = وأن شبـت الضرمة تشـب الجثاميـر
عـزوة ربيعة مـن أسباب انشـطـاره = الحرب دارت بـيـن جساس والـزيــر
بـأسبـاب نـاقـة يـوم حـنـت حــواره = سراب من نـوق البسوس المهاطير
رميت بسهم وهـي لجسـاس جــاره = وراحوا بهـا هـمـام وكليـب وبجـيـر
وأذكر سبايب حـرب عبس وفـزارة = تــقـابـلـوا مـا بـيـنهـم بالـصـوابـيــر
خـيـال داحـس غـار وأرخى عـذاره = وخـيـال غـبـراء لاحهـا بالشـوابـيـر
ومـن حين صار لعـج داحس كراره = والغــوش بالميدان صـاروا دواويـر
لاشـك يــوم الـشـوط طـول مـغــاره = حمي الـوطيس وصار بالخيل تعقير
والكـل منهـم قـام يـنـدب أنـصـــاره = وحصل مـن الحيـيـن شـل المناسيـر
وتـجـالــدوا والـدم ثــّوع حـمــــاره = والنابغـة وصّـف هاك اليوم وأزهيـر
وقـالوا هـل التـاريـخ بأسباب فــاره = تبغـي تحصن عـن هجوم السنـانيـر
ســد الـيـمـن تـسـبـبـت بـأنـهــيـاره = والـعــرم سـال ودمـر السـد تـدميــر
خـذ الـمـثـل يـا الـلي تـدور الإثــارة = جرح المشاعر يغضب الناس ويثيـر
يا مـن بـدعـت القـاف تـبي انتـشاره = وزّع عـلى كل الـقـبـائـل تـصـاويــر
جـاني وشلتـه فـي ملـف الـضـبـاره = ما أبغـي جـدال مـروجيـن الأساطيـر
رد الـنـقـى مـا هـو عـلي أحـتـكـاره = ومن به دنس ما صيرله تقل بشكير
عـناز بـعـداد الحـصى والـحـجـــارة = وتاريخهم معروف من قبل ما صيـر
حيث الفهيم الـلي يعـرف الصـقـارة = ما حـط عكـفـان المخالـب عصافـيـر
والـلـي تـنكـر مـا يـفـيـده انـكــــاره = ربعي أعـزاز الجار ريـف الخطاطير
يـوم العـرب تطلـب محـل الـصـدارة = ربعـي سنـام المجـد ما هـم قـماميـر
واللي جحـد ملـزوم نلفـت أنـظـاره = لأمـجـاد وائـل يـوم خـز الـمعـاشيــر
أولاد وائــل مـا حـصـيـنا أخـبــــاره = ولا أقـدر أعـد شيوخهـم والمخاتيـر
بالقحط كان الروض بادت أشـجـاره = وأعجف سنام اللي شحمها قـناطير
ريـف الغـريـب الـلـي لفـاهـم زيـارة = عـز الـهـواشـل والوفـود المسايـيـر
بـقـبـالـهـم فـنجـال يـنـفـح ابـهـــاره = يـفــوح مـن صفـر الـدلال المباهيـر
وبـعـده سميـن الحيل فـوّح أكـتــاره = هـذي عـوايدهـم إلـى نـوشح الميـر
طبـع الكـرم سلـم الحـمـائـل وكــاره = مـن قـبـل تقـليط الـذبـايـح بقصديـر
أهـل الشهامة والصخى والجســارة = جادوا كـرم مـا هـو تـملـق وتـبـذيـر
ستـر الهنـوف اليـا تكشـف أخـمـاره = شـم الأنـوف النـافـلـيـن المـناعـيـر
وراعـي الفخـر فعـلـه يـرد أعـتبـاره = وكـل القبائـل مـا بهـم قـول تقصيـر
عصـر الغـزوا والسلب نبي أنـدثـاره = ونبش العلوم الماضية ما بها خيـر
والحـق نـوره مـثـل ضـوح المـنـارة = والـلـي نـسـي لابـد يحـتـاج تـذكيـر
والـلي يـسـب النـاس يـلـزم انـــذاره = عـن الخـطـأ يعطـا نصيحة وتحذيـر
ومـن يظـلـم الأجـواد تاهـت أبصـاره = والـرابـح الـلي بـدل الـهـدم تعـميـر
وأن تـاب مـن يخـطي قبلنـا اعتـذاره = مسموح والتوبة عـن الذنب تكفيـر
بـعـض السـوالـف مـا نحبـذ أظهـاره = نـذود عـن وائـل ولا نشمـت الغـيـر
ما أبـي العلـوم طوالهـا مـع أقصـاره = لكن هـضم حـق الأسـود الهـزابيـر
كيـف الرجـال الـلي سـوات السعـاره = وصفه لهم مثل السواني على البير
كـيـف الحـمـائـل شـبهـّوا لـلجــفــاره = كيـف البشـر يثغـون مثل القراقيـر
يـنعـت مـدابـيس الـوغـى بـالنـيـــاره = ويقـول هجـوا عـن نحاهـم مدابيـر
يـفـخـرعـليـنـا ويـدعـي بـأنـتـصــاره = ويقـول سفرهـم عـن الـدار تسفيـر
والرجـل في ربعـه يجـوز افـتـخــاره = لا شك ما يشـمـت طـوال الأشـابيـر
يـا اللي تقـول جـديع نـدفـن وجـــاره = ذكر الحـرايـب مـالها اليـوم تبريـر
جـديـع أخـو بـتـلا حـمى حـدود داره = تشهد لـه السمراء وذيـك العناقـيـر
ومناخ كـيـر الكـل خـاضـوا أغــمــار = وتـناوخت عشـرالقبايـل عـلى كيـر
تكاضموا مـن فـوق سـرج المهــاره = والسيف قـام أيطيـّر الروس تطييـر
جـديـع الـلي قـصت يـميـنـه يـســاره = مـزق مـنايـن سـاعـده بالـمنـاشيـر
زمـل الـطـنانـي صـادره مـع بـكـاره = وحط الجعيثن فوق وسم المغـاتيـر
كـون القـرايـب مـن سبـايـب دمـاره = ظـاهـر رمـاه ولا بـهـا حسن تدبيـر
وتغـانـمـه مسعـود وقـت أحتـضـاره = والعـبد روحه بالجسد مالهـا سبيـر
عـن الـمـنـايـا مـا تـفـيـد الخـفــــاره = ومن حـان يـومه ما يـرده نـواطيـر
ويـوم أدلهـم الجـو وأعـتـم صـفـاره = ما تسـمع إلا قـولـت العفـو يـا أميـر
كـم بـاسـل صنديـد تـوحـي جـعــاره = فـي ثـار مقـدام السلـف والمظـاهيـر
مشعـان وعبداللـه تـقـاضـوا بـثـاره = وتـم المحـاسب عـن جميع الفواتيـر
ومن جرعه مـر الحـدج بالغـضـاره = سـقــاه ابــن زلال ســم وزمهـريـــر
ولـو أبـي أعـدد كـل وقـعـه وغــاره = يـوم القـبـايـل بـيـن صـوال ومغـيـر
مـنـديـل بـن هـذال يـوم أشـتـهـــاره = فـك الهنـوف الـلي نهـوده مـزابـيـر
هـو الـذي رد الـفـتى عــن حـيـــاره = وأطلـق نشب محبوبته عقب تحجير
عندك دليـل الصـدق مـا هـي عيـاره = ولا هـي هـقـاوي بالكلام وتحـازيـر
ولا هي من هروج العرب مستعـاره = يخبـرك عـنهـا كـان تـنشـد دمـيثيـر
ومسلط بحومات الوغى لـه جــداره = وشهـوده الـلي يحـملـون البـواكيـر
فيه الدليل أوضح من خشوم صـاره = أبين مـن ابانـات وأشهـر من النيـر
وعندك خبـر برجس نهار الـمعـاره = تسعين فـارس ساقهـم بأيمـن حفيـر
صمد غدير الموت ما أعـلن فـراره = والشاهـد الـلي صور الفعـل تصويـر
نعطي عــن الوقعـه مواري وشـاره = ما أريـد أوضحها حشيمة وتـوقـيـر
وشيخين جونا مثل وصف النمـاره = صاهود بن لامي والشيخ الفراوي مسيمير
والكـل منهـم مـا حسـب لأنـكســاره = مقـصدهـم الوديان وديـار أبـا القيـر
مـن دون مطـلبهـم سلايـل عـمــاره = مـا حصلـوا خلفـه ولا حصلوا ضيـر
الـلي أنجبر ملزوم عقـب أضطـراره = خـلا شعـر دقـنه تـطـايـر شـعـاثـيـر
مـن أجـل طـلاب القـضـاء كـان داره = يستنكـره لا شاف بـالوجـه تغـيـيـر
والـلي مـنع مـا طـال مـدة حـصـاره = حوّل به أبو الروس من دون تأخيـر
ملحـان قـال الـروح طـاب أنـتحــاره = مار أمنعـوا ما أكـرر القـول تكريـر
رد أربعين وهم مـن أهـل الضفــاره = ماهم من أصحاب الكسل والمعاسير
وذبـح لـهـم كـومٍ تـعـشـوا فـقــــاره = وعـادوا بعـز ويشهدون الحواضيـر
وأن كـان يـرجـع كـل زرع لـبـــذاره = نخبرك مـن وايـل قـبايـل مع مطيـر
أنـشـد وخـذ مـن الرجـال أستـشـاره = وشف الهلال الـلي بخـد الخواويــر
لامـي نسـل مشهور سـاس الأمـاره = أصله من الشعلان من خلفت غرير
والجـعـفـري ومـريـخ منـا انـحـداره = وعزيـز وحميدان وعفاس وصعيـر
ربـعـك بـهـم مـن دم وائـل قـطـــاره = وش عـاد لـوهـم بالـقـبائـل شعاثيـر
ولـو تقطـع المعصم تطيح الســواره = مـا فـاد لـو شـديـتهـا بـالـخـوابـيــر
بـيـن الـقـرايـب مـا تجـوز القـشـاره = ولا مـن تنازع بين ورد ومصـاديـر
فـي ضـل حكـم الـلي لبسنا أشـعــاره = عـصـر الفخـر كـله تقـّدم وتطـويـر
عبـدالعزيـز أسـس مـن الملـك قــاره = وجمع شتات شعـوبهـا والجماهيـر
وتـجـمـعــت كـل الـقـبـائـل بـحــــاره = مـن جـدة لـرفحـا لنجـران لصـويـر
وعـاد النزايـع عـن طريـق السفـارة = مـن ديـرة البصـرة وبغـداد وزبـيـر
ومن ديـرة البحرين وأرض الزبـارة = ومـن غـزة وحيفا وعـمّـان والديـر
ومـن ديـرة الـرقـة ودار الـعـشـــارة = ومن حلب وتدمر وسحاب وضمير
عـادوا جميع البـدو وأهـل الحضـارة = أهل القصيم وساكن الوشم وسدير
والـلي غـرس لـه بالجزيـرة أشكـاره = طابت وسورها من المجـد تسويـر
مـن عـقـب مـا كـنا بعـيشـة عـــزاره = بالماضي اللي فات سرج ودوافيـر
عـقـب الهـماج الـلي بصـاري بـيـاره = أصبح قراح الماء تضخه مواسيـر
وصلوا عدد مـن فـاض يلقـط جمـاره = على الرسول الـلي صعـد بالمنابيـر


عليه الصلاة والسلام

[hunter]

بيض الله وجهك ياخيال البويضا
وبيض الله وجه كديميس

[محـــارب]

اقوووول

.................................................. .......
.................................................. ...................
.................................................. ......

والله ان مطير اكبر من سوالفكم وفعلها يعرفه القاصي والداني
وعتيبه اكبر بعد من سوالفكم ويعرفها القاصي والداني

وفعل مطير في عتيبه ايام الجهل معروف
وفعل عتيبه بمطير ايام الجهل معروف

.................................................. .................................................. .................................................. .................................................. .................................................. .................................................. .................................................. .................................................. .................................................. .................................



التزم بإداب الحوار , التي حددتها إدارة المنتدى

الإدارة

[منآور المورقي]

يا هلا بـك يا محآآرب بين اخوانك وربعـك .. وكلامك عيـن العقـل وعلى الخشم ..

مير راعي الماضوع جاك صاف الطبلوون 260 ويتهبد ويقول كلام ماله سنع تسنه يدور المسبه..!

وردو علاه الشباب بـ مثل اسلوبه ..





وهلابـك مليوون يا محـارب بين اخوانـك وربعـك ..

تحيااتي..

[محـــارب]

هلابك يامناور

والله يحييك يابعد راسي

........................................

والمنتديات اصلا وضعت للتقريب بيننا وحنا قراب ولله الحمد
واللي بينا دم ولحم ماحد قادر يفرقه

.................................................. .................................................. .................................................. .................................................. .................................................. ...............



قصيدة من شاعر , وقام شاعر أخر بالرد عليها , بدل ان تكون المداخلات في تقريب وجهات النظر وتصحيح الاخطاء , تحول للاتهام والتقليل من المتداخلين , ولذالك اضطررنا لقفل الموضوع

الإدارة