ماشاد بحر الخليج ألا بحر جده ... طــلال ناشــي !!!!!!!

[ناصر الجلاه]

..




طلال ناشي يحاول والزمن ضده=والشك ماينفعه .. والعلم ماسده

ماشاد بحر الخليج ألا بحر جده =والنيه الطيبه من حظ راعيها





ياطلال أنت شاعر بس مافيك خرجه=كل معنى قصيد تقول معناه يمي !!

البحر ملح وانته لوتذوقه تبجه=لاتحسبه زلال يجيك من قاع جمي !!

[حاكم الغنامي]

ههههههه


طيب طيب

المجرم الكبير ابو محمد

صح لساااانكــ

وننتظر ابو ناشي وصح لسانه مقدماااا

[ناصر الجلاه]

..

حاكم الغنامي

..

صح بدنكـ يابوعيد .. حضوركـ يشرفنا :)


لاهنت


..

[عبدالمجيد العطاوي]

صحّ لسااااااااااااانك واعتلا شاااااانك يابو محمّد عز الله موّال طايش مع هالقايلة ههههههههههه


وين انت ياطلال اعجل القاف حااااامي قدّام لا يبرد ثم يبرد مناقزي في صفّ الجلاه ههههههه



ننتظر ابن ناشي ونستأّذنكم لشيل البيوت .....:)

[صاهود]

صح السانك يالجلاه

وبنتظار شاعرنا شاعر الخليج طلال ناشي

والصف متحدد منذوا مبطي هههههههه

[برق الجنوب]

أنامافهمت ياناصر فهمني

[ناصر الجلاه]

..

عبدالمجيد العطاوي

..

صح بدنكـ يابونمر .. ولاعليكـ زود

حضوركـ يشرفنا والصف عاامر بوجودكـ

لاهنت

..

[ناصر الجلاه]

..

ديب عروا

..

صح بدنكـ يابحر جده .. ههههه حضوركـ كريـــم


لاهنت

..

[ناصر الجلاه]

..

برق الجنوب

..

هههههه لاتعليق يالغااالي لكن مالك فالمحاوره خلك على العرضه :)

حضوركـ شرفني


لاهنت

..

[سعود البرقاوي]

ايه ياناصر ايه
اقديت فالمشاغب ابن ناشي
ومن لاتقاضى حي يقمح ليا مات

على العموم الصف صفك
وللعم ترانا نبيه مشوي نص استوى


طلال بن ناشي
لا والله دخنت القايله عليك

[ناصر الجلاه]

..

سعود البرقاوي

..

صح بدنكـ ياسعود .. ههههه انت عينت ابن ناشي :)

حضوركـ يشرفني والصف يفخر بكـ


لاهنت


..

[قادح شرار]

صح لسانك يالجلاه على المبدأ الرائع ..

وصح لسان طلال مقدم ..

[صاهود]

ايه ياناصر ايه
اقديت فالمشاغب ابن ناشي
ومن لاتقاضى حي يقمح ليا مات

على العموم الصف صفك
وللعم ترانا نبيه مشوي نص استوى


طلال بن ناشي
لا والله دخنت القايله عليك

هو فالجامعه الحين خله يخلص ويحضر

وتشوف صفوف ابوناشي تسد عين الشمس

[سعود البرقاوي]

هو فالجامعه الحين خله يخلص ويحضر

وتشوف صفوف ابوناشي تسد عين الشمس


هههههه اشوى انها عين الشمس
ماهيب عين احد من الاجواد

ماهوب حوفك حوف الاتفاقية اللي البارح
لكن شغلكم عند محمد بن مشيط

[معجب العتيبي]

الله الله الله الله


الابداع والتميز يعود بعودة الجلاه


صح لسانك

على هذا الجمال ياناصر


ننتظر المتألق


طلال


وصح لسانه مقدما

[ناصر الجلاه]

..

قادح شرار

..


صح بدنكـ يالثبيتي .. حضوركـ كريـــــم


لاهنت

..

[ناصر الجلاه]

..

معجب العتيبي

..

صح بدنكـ يابوسلطان .. الابداااع انت من أهله

حضوركـ يشرفنا ومكسب لنا


لاهنت

..

[نوآف الغنامي]

الله الله الله



صح الله لسانك يااااناصر


ابداااع ماشاء الله عليك



ولا غرابه


وصخ لسان ابو ناشي مقدمااااا


والصف صف من من من :rolleyes::rolleyes:








صف ابوووووووووو ناااااشي :)


ولا يهووون نااااصر

[طلال ناشي]

الروج الأول خذيته معك ياناصر = وأنته ولدعم شاعر حزب ومناصر

والله ولي العباد الحاكم الناصر = والنيه الطيبه من حظ راعيها



والله أنك تنومس لو مافيك سجه = لا وصلك الكلام أتقول ماهو بهمي

لا تحجج ياناصر وأنت مامعك حجه = حجةٍ مايقربها القضا ماتتمي

[ناصر الجلاه]

..

خيال الصفراء

..

صح بدنكـ ياذيبان .. حضوركـ يشرفنا وصف طلال صفنا :)

لاهنت

..

[طلال ناشي]

يالربع القايله مامعهااااااا غنا

مافيك صبر لين تصيح الشمس ههههههه

[علي الثبيتي]

ياوجه الله ياخلق الله وش هالمصامخ مع القايله هههههههههه
ناصر صح لسانك وصح لساااااااااااااااااااااااااان طلال

وعلى القوه

[طلال ناشي]

حاكم الغنامي

عبدالمجيد العطاوي

صحت أبدانكم وشكراً على المرور


( تبا تنقز ياعبد المجيد لين تتعب مير والله مدري متى )


هههههههه

[فايز بن سرحان الثبيتي]

ناصر الجلاه

و


طلال ناشي


صحت قلوبكم


لاشك ان القاف مميز والموال محليه


متابعين لكم

[طلال ناشي]

صح السانك يالجلاه

وبنتظار شاعرنا شاعر الخليج طلال ناشي

والصف متحدد منذوا مبطي هههههههه



صح بدنك ياذيبان ولاهنت

والصف يزهابك طال عمرك

[طلال ناشي]

أبك أنت مسرعك تعود ياســــعود

البارح معي اليوم علي ههههههههههه

والله اللي مالك خاتمه

يبا الله يعينا علاكم

[طلال ناشي]

صح بدنك ياقاااااادح

ولا هنت على مرورك الغالي

[ناصر الجلاه]

..



دربيت فوقك حصاة رزاح يالعالي=ثم حولت فأسفل الواديان من عالي


لكن ربي كريم الوجه متعالي= والنيه الطيبه من حظ راعيها





الرجل كان ماحصل شداده وخرجه=مايسمونه العربان لوكان سمي !!

ياطلال الكلام اللي قريته موجه=يم قومٍ ماتعرق في عروقي ودمي !!

[طلال ناشي]

صح بدنك يامعجب

ههههههه

أنا احسنك معي لو ماهرجت ههههه


لاهنت على المرور

[طلال ناشي]

هلا وغلا ورحبتين

ياخيااااااااال الصفراء صح بدنك


والصف يزهاااابك وأبيض وجه .. ليتك ترتد أوليد عمك

هههههههه غدى مع القايله ...

[ناصر الجلاه]

..

النشمي .. ابن سرحان

..


صحت أبدانكــم .. حضوركم كريــــم


لاهنتوووا


..

[طلال ناشي]

دربيتها مير أنا في عالي البرقا = مازحزحتني حصاتك ياولد برقا

يازين هرجك معي يالطاره البرقا = والنيه الطيبه من حظ راعيها


أن بغيت الصراحه دون صجه ولجه = الرشا يالجلاه أرشاي والجم جمي

يوم ماريتنا مسرع ظحى ولك عجه = الحميه خذتني معك ياولد عمي

[سعود البرقاوي]

يوم ماريتنا مسرع ظحى ولك عجه
الحميه خذتني معك ياولـد عمـي

لله درك يابو ناشي على هالبيت
لامانع تسجيل الاعجاب مع اني ضدك ياحبيب قلبي

[طلال ناشي]

أرحب يابوفــــــــهد وصح بدنك

لاهنت على المرور المشرف

[طلال ناشي]

هلا يابن سرحاااان

صح بدنك وتشرفنا متابعتك

[صاهود]

اعلومك يابوناشي وشلون الكون اللي انت فيه حاول اتخلي الحرب تطول شوي لين يجون الروقه

وانتبه العطاويه معه هههههههههههههه

وانا مشغل النفيعي عنك عانا في نفود السر خذها ذقها

وصح السانك عدد مطير وعتيبه

[طلال ناشي]

هههههههه

من يوم راحو ذوي عطيه وهي مدوبحه هههههه

البركه في النشمي وابن سرحااان وخيال الصفراء هههههه

وأنت ياذيـــــب تكفي عن غيرك ...

[ناصر الجلاه]

..



ياروق هاتوا مترجم صاحبي يرطن=مانلحقه لوم لايم حملته طن طن

ياساري الليل لامدل ولاتفطن=والنيه الطيبه من حظ راعيها







الصراحه تضرك صك بابك وزجه=العمى مايشوف الدرب والصم صمي !!

الحميه لها فجٍ وسيع ويفجه=من يعرف السلوم ومن يعرف المذمي

[طلال ناشي]

من ماظي الوقت والروقه تترجملك = تاخذ حصاتك من أيدينك وترجملك

خلك على على حملتك وتبع أثرجملك = والنيه لطيبه من حظ راعيها


العشى عند خشمك والصحن لاترجه = انتبه يالعصيمي وش تفك وتخمي

ماتعرف الحميه والهجيج أبهجه = لين أوردك نبع السم وأسقيك سمي

[طلال ناشي]

ناصر صح أللساااااانك لاهنت

أستاااذنك طال عمرك

شرفتني باللعب معك


وشكراً لكل الزملاء اللذين شرفوناااااا


تحيااااااتي