عتيبه اذا تقابل شعارها قوة محاوراتهم

[محمد ابن رووق]

اذا تقابل العتيبي ضد العتيبي كانت محاوره قويه بالعكس اذا تقابل شعار القبايل الثانيه مع بعضهم البعض تشاهد محاوره عاديه حتى لو كانوا متميزين شعريا


ماهي الاسباب من وجهه نظرك

[ابو ســاره]

كلامك غير صحيح

عطنا شئ يثبت ذلك

فيه شعار يقابلون شعار من عتيبه ومحاوراتهم قويه بل ويتفوقون عليهم

مثل :

حبيب والرياحي

حبيب وابن مشيط

ملفي وتركي 2000

[محمد ابن رووق]

كلامك غير صحيح

عطنا شئ يثبت ذلك

فيه شعار يقابلون شعار من عتيبه ومحاوراتهم قويه بل ويتفوقون عليهم

مثل :

حبيب والرياحي

حبيب وابن مشيط

ملفي وتركي 2000



واضح انك ما فهمت


انا اقول اي عتيبي يلعب ضد عتيبي تكون محاوره ساخنه عكس قحطاني مع قحطاني


ومطيري مع مطيري وحربي مع حربي والخ

[عبدالله المطرفي الهذلي]

لا والله غلطان يامحمد كثير اللي يتقابلون مع شعار قبيلتهم ويلعبون بقوة .

[احمد منير الواصل]

كلامك صحيح واضح فعلآ في كم محاوره والله يطول في اعمار شعراء عتيبه
لو الشعر معه جنسيه كان لقيته عتيبي

[صاهود]

أسمحلي اخالفك فالراي بأستثناء حبيب وملفي لان بينهم امور وحسابات قديمه

أما الباقي حسب الظروف

[عبدالرحمن الهيلوم]

أسمحلي اخالفك فالراي بأستثناء حبيب وملفي لان بينهم امور وحسابات قديمه

أما الباقي حسب الظروف



الاخ كونان المطيري ؟؟؟

ياليت نعرف مابين السطور ;)

[صاهود]

الاخ كونان المطيري ؟؟؟

ياليت نعرف مابين السطور ;)

عبد الرحمن ماني خابرك كذا وش جاك

عموما ارجع لمحاورة حبيب العازمي وملفي المورقي في مزاين الهيلا اللي يقول فيها ملفي 000توصيني الليله وانا العام أوصيك00 ماني قاضبها لكن أرجع للمحاوره:p

وتلقي الامور اللي تسال عنها

والتنافس المحموم بينهم

[سعد السميري]

عبد الرحمن ماني خابرك كذا وش جاك

عموما ارجع لمحاورة حبيب العازمي وملفي المورقي في مزاين الهيلا اللي يقول فيها ملفي 000توصيني الليله وانا العام أوصيك00 ماني قاضبها لكن أرجع للمحاوره:p

وتلقي الامور اللي تسال عنها

والتنافس المحموم بينهم



قصدك ..



اشوفك توصيني وانا العام اوصيك=وذا الحين لا توصي مبالك وصية


:)




************


أنأ أو1فق ابن رووق في إن إذ1 إجتمع .. حبيب ومستور ..



تكون المحاورة ندية وتليق بشاعريها .. وترجعنا لأساليب المحاورات القديمة الفريده من نوعها ..




تقديري


;)

[محمد ابن رووق]

لا والله غلطان يامحمد كثير اللي يتقابلون مع شعار قبيلتهم ويلعبون بقوة .

عطني مثال




انا اقولك شعار مميزين بس اذا تقابلو مع بعض تكون محاوره عاديه




تلقى ابن شايق مبدع والقرقاح مبدع بس اذا تقابلو تطلع عاديه بعكس لو كل واحد يلعب لحاله

[عبدالله المطرفي الهذلي]

عندك ملفي إذا لعب مع مستور ولا الزلامي تكون محاوراته معهم ليست بالقويه

حمدان العصيمي كذلك ووصل العطياني .

الزلامي هو الوحيد الذي يلعب بقوه دائما لكن البلا إن لقي له شاعر ماجاء على اللي يبي .

[ابوتيجان]

الشعراء القويين غالبيتهم العظماء في عتيبة من قديم حتى اليوم ولاغرابة في قوت محاوراتهم إذا تقابلو مع بعض

[ابوتيجان]

عندك ملفي إذا لعب مع مستور ولا الزلامي تكون محاوراته معهم ليست بالقويه
.

والله ياخوي انا ماصادر عليك وجهة نظرك وكل واحد له معرفته
لكن محاورات مستور وملفى اللي يقول ماهي قوية مايعرف الفرق بين القوي والضعيف
وانا ماتكلم عن قوة كل واحد يضغط على الثاني اللي هي مقياس القوة والضعف عند بعض الناس اليوم
انا اقصد قوة في الفتل والنقض على مواضيع معينة دائماً ملفي يثيرها مع مستور
يمكن فيه محاورة او محاورتين ماهي قوية بين مستور وملفي لكن اغلب ماسمعت بينهم قوية


اما ملفي ماذكر له محاورات مع الزلامي ولادري قوية محاوراتهم ولاضعيفة

[محمد ابن رووق]

عندك ملفي إذا لعب مع مستور ولا الزلامي تكون محاوراته معهم ليست بالقويه

حمدان العصيمي كذلك ووصل العطياني .

الزلامي هو الوحيد الذي يلعب بقوه دائما لكن البلا إن لقي له شاعر ماجاء على اللي يبي .

اسمحلي اقول لك انت منت متابع للمحاوره



جميع محاورات ملفي مع العتبان ساخنه



كذلك وصل وحمدان مبدعين مع العتبان وغيرهم

[محمد ابن رووق]

يا الربع ناس فهموا كلامي غلط




انا ما اقصد الا العتيبي ضد العتيبي !

[صاهود]

يا الربع ناس فهموا كلامي غلط




انا ما اقصد الا العتيبي ضد العتيبي !

مشكور يابن روق وكل عام ونت بخير نسينا نعايدك السموحه

كلهم شاعر لكن حسب الماده اذا كان فيه ماده دسمه لاشك انهم راح يبدعون لان هم شعار فالاساس

وتمثلت في حبيب وملفي من جيل واحد ومن قبيله واحده ومن بطن واحد وكلن عارف امور الثاني

فمن الطبيعي تشوف المنافسه بينهم قويه والملعبه بينهم قويه

[سعود البرقاوي]

الاخ العزيز محمد بن روق
الله يسعد صباحك ويعطيك العافية على طرح هالنقطة المثيرة والحساسة في نفس الوقت .
لا أحبذ الدخول في مثل هالمواضيع لكن ما اثارني هو سوء فهم الاخوان اعلاه ولم يتوصلوا لزبدة الهرجة باستثناء بعضهم .

اخي محمد ؛؛
عموماً شعراء عتيبة يمثلون النصف من العدد الاجمالي لشعراء المحاورة ولهذا تجدهم يتوزعون مع الاخرين مما يقلل فرصة اللعب فيما بينهم وفي حال الاجتماع بينهم تكون النديّة حاضرة والحماس زائد وذلك لأن كل شاعر يريد ان يثبت قدرته وتفوقه وتميزه على الشاعر الآخر . وهذا موجود لدى القبائل الاخرى لكن لكثرة شعراء عتيبة كل شاعر عتيبي يريد ان يكون الافضل .

لنعود بالذاكرة للخلف قليلاً مع العلم بأنني للاسف لا املك ذاكرة تختزن مايمر عليها من محاورات ولنضع مطلق الثبيتي هو ( الاستاندر ) الذي سنقيس عليه
في حال مقابلة رشيد الزلامي ومستور العصيمي يكون في اوجه شاعريته ولاغرابة في ذلك لأنهم مثلث برمودا لدينا

كذلك مارأيناه في محاوراته مع الشاعر المبتدئ حبيب العازمي آنذاك حيث كان القصد منه ( تغييب شمسه ) ولذ نجد محاورات الاثنين لاتحتاج تعليق منّا

ايضاً كان ملفي المورقي في ذلك الوقت شرس فقد كان رحمه الله لا يأمنه لأنه يتطرق لمواضيع حساسة وما كان منه الا ان يتحاشاه واكبر دليل بداية مطلق مع ملفي حيث قال ( انتصب يالمورقي ثم اخذ مسواك راك ) من محاورة طويلة .

هذا على سبيل المثال ، اما في وقتنا الحاضر فعد واغلط من المحاورة ( العتيبية ) القوية في حالات مثل :
- مقابلة مستور العصيمي مع ملفي المورقي ، حبيب العازمي ، سفر الدغيلبي
- مقابلة حبيب العازمي مع كلاً من فهد العازمي ، ملفي المورقي ، سفر الدغيلبي
- مقابلة رشيد الزلامي مع كلاً من فهد العازمي ، سفر الدغيلبي

والعديد مما يصعب ذكرها علماً بأن ماذكرت هو المتعارف عليه في ساحات المحاورة كما اتوقع بأن تكون هناك محاورة قوية جداً جداً ولايمكن وصفها في حال اجتماع سفر الدغيلبي وملفي المورقي لأنهم مايحتاج بينهم علوم .

هذا مالدي بشكل سريع والمعذرة على الاطالة واسمحوا اذا كان هناك خطأ او زلل يا اخواني الافاضل .

تحياتي

[محمد ابن رووق]

الاخ العزيز محمد بن روق
الله يسعد صباحك ويعطيك العافية على طرح هالنقطة المثيرة والحساسة في نفس الوقت .
لا أحبذ الدخول في مثل هالمواضيع لكن ما اثارني هو سوء فهم الاخوان اعلاه ولم يتوصلوا لزبدة الهرجة باستثناء بعضهم .

اخي محمد ؛؛
عموماً شعراء عتيبة يمثلون النصف من العدد الاجمالي لشعراء المحاورة ولهذا تجدهم يتوزعون مع الاخرين مما يقلل فرصة اللعب فيما بينهم وفي حال الاجتماع بينهم تكون النديّة حاضرة والحماس زائد وذلك لأن كل شاعر يريد ان يثبت قدرته وتفوقه وتميزه على الشاعر الآخر . وهذا موجود لدى القبائل الاخرى لكن لكثرة شعراء عتيبة كل شاعر عتيبي يريد ان يكون الافضل .

لنعود بالذاكرة للخلف قليلاً مع العلم بأنني للاسف لا املك ذاكرة تختزن مايمر عليها من محاورات ولنضع مطلق الثبيتي هو ( الاستاندر ) الذي سنقيس عليه
في حال مقابلة رشيد الزلامي ومستور العصيمي يكون في اوجه شاعريته ولاغرابة في ذلك لأنهم مثلث برمودا لدينا

كذلك مارأيناه في محاوراته مع الشاعر المبتدئ حبيب العازمي آنذاك حيث كان القصد منه ( تغييب شمسه ) ولذ نجد محاورات الاثنين لاتحتاج تعليق منّا

ايضاً كان ملفي المورقي في ذلك الوقت شرس فقد كان رحمه الله لا يأمنه لأنه يتطرق لمواضيع حساسة وما كان منه الا ان يتحاشاه واكبر دليل بداية مطلق مع ملفي حيث قال ( انتصب يالمورقي ثم اخذ مسواك راك ) من محاورة طويلة .

هذا على سبيل المثال ، اما في وقتنا الحاضر فعد واغلط من المحاورة ( العتيبية ) القوية في حالات مثل :
- مقابلة مستور العصيمي مع ملفي المورقي ، حبيب العازمي ، سفر الدغيلبي
- مقابلة حبيب العازمي مع كلاً من فهد العازمي ، ملفي المورقي ، سفر الدغيلبي
- مقابلة رشيد الزلامي مع كلاً من فهد العازمي ، سفر الدغيلبي

والعديد مما يصعب ذكرها علماً بأن ماذكرت هو المتعارف عليه في ساحات المحاورة كما اتوقع بأن تكون هناك محاورة قوية جداً جداً ولايمكن وصفها في حال اجتماع سفر الدغيلبي وملفي المورقي لأنهم مايحتاج بينهم علوم .

هذا مالدي بشكل سريع والمعذرة على الاطالة واسمحوا اذا كان هناك خطأ او زلل يا اخواني الافاضل .

تحياتي





مابعد هالكلام شي اطلت لان الموضوع يحتاج تفصيل


بيض الله وجهك على الكلام المميز الذي ذكرته واعلم انك مبدع كما انك شاعر فحل

[سلطان الاشراف]

مرحبا ألف يابن روق على قولت أهل الجنوب 00

والله أنا من وجهة نظري البسيطه جدا أقول ,بأن شعار عتيبة دائما في المقدمة , وهذا شيء ما يختلف عليه إثنين ,لكن من ناحية قوة المحاورات بينهم بين , على حسب المعنى اللي بين الشاعرين المتحاورين , اذا كان بينهم معنى قوي , بتطلع المحاورة بشكل قوي والعكس صحيح , وأحيان سبحان الله وتحصل فالقبايل كلها , يكون بينك وبين ولد عمك الشر قايم أكثر من اللي بينك وبين الناس , وأحيان يكون حرصك على إن ولد عمك مايتفوق عليك في شيء أكثر من إنه لو كان الخصم من خارج قبيلتك , وتصير حتى عند عتيبة في محاوراتهم وتكون بعضها قوية لدرجة ما أحد يتوقعها 00
لكن في الآونه الأخيرة , وأسمحولي ياعتيبة وإعذروني ولكن من وجهة نظري 00
اذا صارت محاورة بين شاعر عتيبي وشاعر عتيبي , وشدت المحاورة بينهم , تلقى واحد فيهم يرخي شوي ويهدي السرعه , وتلقاه يجيب بيت يذكر فيه الشاعر العتيبي الثاني بأننا عيال عم ولا تضحك علينا البعيد والقريب , وتقلب الدعوه حبيه وضحك , وتنتهي على كذا 00

لدرجة مرة حضرت محاورة , فيها حبيب ومرزوق , وكنت جالس مع أخوياي من عتيبه , ولعب حبيب ومرزوق , وقالولي العيال من تتوقع يشد على الثاني , جاوبتهم بالنص شعار عتيبة
لا لعبوا مع بعض يشدون شوي وبعدين واحد فيهم يقول للثاني لاتنسى إننا عيال عم ومن هذا الكلام , وسبحان الله
ما غلقت هرجتي إلا مرزوق يجيب بيت مقارب لهذا الكلام وجلسنا نضحك وقولتلهم ماني معلمكم من قبل 00

طبعا كلامي هذا ما ينطبق على محاوراتهم كلها بشكل عام , ولكن أصبحت ألاحظه من نظرتي وهي معرضه للخطأ والصواب 00


سامحوني اذا جاء خطأ غير مقصود , ولا تزعلون عليه , فوالله العظيم إني أحب عتيبه وأموت فيهم , محبه في الله 00



تحياتي 00 سلطان الأشراف

[أبونواف]

والله ياخوي انا ماصادر عليك وجهة نظرك وكل واحد له معرفته
لكن محاورات مستور وملفى اللي يقول ماهي قوية مايعرف الفرق بين القوي والضعيف
وانا ماتكلم عن قوة كل واحد يضغط على الثاني اللي هي مقياس القوة والضعف عند بعض الناس اليوم
انا اقصد قوة في الفتل والنقض على مواضيع معينة دائماً ملفي يثيرها مع مستور
يمكن فيه محاورة او محاورتين ماهي قوية بين مستور وملفي لكن اغلب ماسمعت بينهم قوية






أنا أوفقك الراي وبقوه مستور مع ملفى لهم محاورات قويه ولا يتخللها الضعف أبداً ..

[رائد الكيرعاني القحطاني]

عتيبه ونعم

ما نجحد شاعريتهم وانهم شعراء عتيبه من اقوى الشعار لكن الله يطول بعمر الشيبان ويرحم الميت

رشيد=مستور=حبيب=ملفي

هذي اللي تجد الندية في محاوراتهم مع بعضهم ومع الاخرين

بالذات ملفي مع حبيب ومستور

لانه كان محارب من قبل الاثنين وارادو حجبه فهو يكون قوي ولا يحسب حساب مجاملات ومصالح شخصيه من وراهم فيقسى عليهم ويقسون عليه وتخرج لنا محاورة قمة وابداع

--------------------------------------------

بالنسبة لكلمتك يا بن رووق

القرقاح لعب هو وابو شنب

حوالي عشر محاورات فقط او تسع

واسأل عنها المكاتب الله يحيك تكون هي محاورات الموسم وقمة القمة

وان كنت ما تدري فادر

[محمد ابن رووق]

مرحبا ألف يابن روق على قولت أهل الجنوب 00

والله أنا من وجهة نظري البسيطه جدا أقول ,بأن شعار عتيبة دائما في المقدمة , وهذا شيء ما يختلف عليه إثنين ,لكن من ناحية قوة المحاورات بينهم بين , على حسب المعنى اللي بين الشاعرين المتحاورين , اذا كان بينهم معنى قوي , بتطلع المحاورة بشكل قوي والعكس صحيح , وأحيان سبحان الله وتحصل فالقبايل كلها , يكون بينك وبين ولد عمك الشر قايم أكثر من اللي بينك وبين الناس , وأحيان يكون حرصك على إن ولد عمك مايتفوق عليك في شيء أكثر من إنه لو كان الخصم من خارج قبيلتك , وتصير حتى عند عتيبة في محاوراتهم وتكون بعضها قوية لدرجة ما أحد يتوقعها 00
لكن في الآونه الأخيرة , وأسمحولي ياعتيبة وإعذروني ولكن من وجهة نظري 00
اذا صارت محاورة بين شاعر عتيبي وشاعر عتيبي , وشدت المحاورة بينهم , تلقى واحد فيهم يرخي شوي ويهدي السرعه , وتلقاه يجيب بيت يذكر فيه الشاعر العتيبي الثاني بأننا عيال عم ولا تضحك علينا البعيد والقريب , وتقلب الدعوه حبيه وضحك , وتنتهي على كذا 00

لدرجة مرة حضرت محاورة , فيها حبيب ومرزوق , وكنت جالس مع أخوياي من عتيبه , ولعب حبيب ومرزوق , وقالولي العيال من تتوقع يشد على الثاني , جاوبتهم بالنص شعار عتيبة
لا لعبوا مع بعض يشدون شوي وبعدين واحد فيهم يقول للثاني لاتنسى إننا عيال عم ومن هذا الكلام , وسبحان الله
ما غلقت هرجتي إلا مرزوق يجيب بيت مقارب لهذا الكلام وجلسنا نضحك وقولتلهم ماني معلمكم من قبل 00

طبعا كلامي هذا ما ينطبق على محاوراتهم كلها بشكل عام , ولكن أصبحت ألاحظه من نظرتي وهي معرضه للخطأ والصواب 00


سامحوني اذا جاء خطأ غير مقصود , ولا تزعلون عليه , فوالله العظيم إني أحب عتيبه وأموت فيهم , محبه في الله 00



تحياتي 00 سلطان الأشراف

بيض الله وجهك على الرد المميز

[محمد ابن رووق]

عتيبه ونعم

ما نجحد شاعريتهم وانهم شعراء عتيبه من اقوى الشعار لكن الله يطول بعمر الشيبان ويرحم الميت

رشيد=مستور=حبيب=ملفي

هذي اللي تجد الندية في محاوراتهم مع بعضهم ومع الاخرين

بالذات ملفي مع حبيب ومستور

لانه كان محارب من قبل الاثنين وارادو حجبه فهو يكون قوي ولا يحسب حساب مجاملات ومصالح شخصيه من وراهم فيقسى عليهم ويقسون عليه وتخرج لنا محاورة قمة وابداع

--------------------------------------------

بالنسبة لكلمتك يا بن رووق

القرقاح لعب هو وابو شنب

حوالي عشر محاورات فقط او تسع

واسأل عنها المكاتب الله يحيك تكون هي محاورات الموسم وقمة القمة

وان كنت ما تدري فادر




القرقاح شاعر قوي وابن شايق شاعر قوي


شف القرقاح لعبه مع رشيد وشف ابن شايق لعبه مع رشيد وشفهم اذا تقابلو القرقاح وابو شنب


موب نفس القوه اللي تطلع مع رشيد


على العموم امر هذا تلقاه بين شعار عتيبه وراجع كلام سعود البرقاوي بيوضح لك الكلام