مرحبا بالعازمي والعيد يا جعله مبارك

[رعد الروقي]

العازمي .. للفايدة ان كان معك وقت والا فمعذور



مرحبا بالعازمي والعيد يا جعله مبارك=لو تعــــــــــدى حينهـــا لكنّها لابد منها
صار ميراث الجدود اللي صفا عقب فالمعارك=طمعة اللي قبل عام العام ما سلم ثمنها

[عيد العازمي]

حاضر واتشرف ياعمده




البقا ياعمدة الشعار ماشالله تبارك = مايجي وقت اللزوم اللازمه وتغيب عنها !!



البشر في كل دعوى هيّنه لازم تشارك = والقصور الشامخه ماكل رجّال سكنها !!

[رعد الروقي]

كلنا درع البـــلاد ونفتدي داري ودارك=وان بلتنا القوم زرناها زيارة في وطنها
الجمال اللي لها مده تهادر فالمبارك=ماش راحة لان تطويها الليالي في كفنها

[عيد العازمي]

الكلام اللي تقوله ماتعدّى سمع جارك = في ديارٍ كل مضهودٍ من الدنيا زبنها!!


الجمل شقران لو شفته خلاف الذود بارك = منت بااكل من لحم سمحه قبل تشرب لبنها!!

[سـعـد الـعـصـيـمـي]

هذا لقا العمالقة على ماقالوا :)

صحت السنتكم

ومتابعين . .

[رعد الروقي]

فالجزيرة حمل دنة من بلد حسني مبارك=والفتاوي فاللحا يالعازمي كيف نحسنها
قلت عونك قال انا فرعون ماني مستشارك=والله اني لن تعودها لحده واحتضنها

[عيد العازمي]

كلهم من وسط يمناك الكريمه في يسارك = مطرقي يالا الكبود الموسنه كانه مكنها!!


الهجوس اللي تمد الفكر من كل المدارك = تعرف اللي كل صخره قبل تاقفله طحنها!!

[عيد العازمي]

مرحبا ياسعد

شرفت


وماعليك زود يامبدع

[رعد الروقي]

هذا لقا العمالقة على ماقالوا :)

صحت السنتكم

ومتابعين . .



هلا ومرحبا يا سعد العصيمي


منور ومشرف بتواجدك


صح بدنك ولاهنت

[رعد الروقي]

لا تقوله وانت شركم فوقهم من دون خارك=مسهراً عبادة الاوثان ومكسّر وثنها
يا خواط الليل في عين العرب بين سمارك=ان غزاك الفجر ما حصلت مهنه تمتهنها

[ابو لمار]

الله الله الله

لقاء العمالقه

عيديه حلوه
ههههههه

العمده

العازمي

صحت السنتكم وقلوبكم يامبدعين





متاااابع للفائده

[عيد العازمي]

قسوة العاقل مهابه ماتعداها مدارك = ماتعيش الناس ياعمده زمن ماهو زمنها !!



الحقيقه والصراحه ماندوّر خصم غارك = لو مابه ضيفةٍ نقلط على مقدم صحنها!!

[عيد العازمي]

ابو لمااااااااااااار


حياك الله


ومن العايدين


وشرفت يارجل


وصح لسانك


واطلع للاضواء ههههه

[طلال ناشي]

الله الله

ابدااااااااااااااع من كل الجهاااااااات

هنا أوقـــــــع

العمده - العازمي سجلا إعجابي

( رعد إذا كان وصلتك رسالتي ليش مارديت ؟؟ )

تحياااااتي وتقديري

[ابو لمار]

من الفايزين
وكل عام وانت بصحه وسلامه

ابو طلال
اي اضواء

ماخليتوا لنا اضواء
انت والعمده هههه
ماشاء الله عليكم

تبي الصراحه الفكه منكم غنيمه
هههههههههههه

[عيد العازمي]

يشرفنا اعجابك ياطلال


وتواجدك


وصح بدنك

[عيد العازمي]

هين يابو لماااااار


الله يعين من تنقض عليه بعد الغيبه


ههههههههههه


ابشرك انا ماني متواجد لين اشوفك لعبت

ههههههههه

يعني متقي شرك

[فايز بن سرحان الثبيتي]

صحت السنتكم وقلوبكم




جزاله ... ومعنى


لله دركم ياعتابه

العمده \ العازمي


كل عام وانتم بخير

[عيد العازمي]

كل عام وانت بخير يابو ريان


وماعلاك زود


وصح بدنك شرفتنا باطلالتك

[رعد الروقي]

الجزور اللي بنى غاربك ومتـــونك وزارك=ان جحدته كلمة ونعمين غيرك قد ضمنها
والعة نار العرب يالعازمي لكن نارك=شبها والا ذبحك البرد لو تامر وتنها

[طلال ناشي]

العمده عندما ياخذ طريق الخدمه
ههههه


والعة نار العرب يالعازمي لكـن نـارك
شبها والا ذبحك البرد لو تامـر وتنهـا


أوقع مره أخرى ,,,


تحياااااتي

[رعد الروقي]

الختام عندك يالعازمي

ان حبيت


صح لسانك ومشكور على اتاحة الفرصة لاخوك


وتشريفي هنا


نشوفك على خير ان شاء الله


تصبح على خير

[عيد العازمي]

يارعد كلمتك هاذي ماتعدّت عن مطارك = الجهود اللي تجيب الفخر تفكيرك شطنها!!



ماعرفنالك مكان ولامشينا مع مسارك = خبنةٍ فاسفل ثيابك ماعرفنا من خبنها!!



والختام عندك ياشاعر الروقه


كم شرفتني بمجاراتك وصح لسانك طال عمرك

[رعد الروقي]

الله الله الله

لقاء العمالقه

عيديه حلوه
ههههههه

العمده

العازمي

صحت السنتكم وقلوبكم يامبدعين





متاااابع للفائده




هلا ومرحبا يابو لمار


نورت بتواجدك وشرفت بمتابعتك


صح بدنك وقلبك وكلك ولاهنت

[رعد الروقي]

الله الله

ابدااااااااااااااع من كل الجهاااااااات

هنا أوقـــــــع

العمده - العازمي سجلا إعجابي

( رعد إذا كان وصلتك رسالتي ليش مارديت ؟؟ )

تحياااااتي وتقديري


هلا وغلا يا طلال ناشي


نورت المتصفح وشرفتنا بتواجدك الكريم


ابداً ما جاني رسالة منك الي هذه اللحظة

كرر يمكن فيه اشكال


احترامي لك

[رعد الروقي]

صحت السنتكم وقلوبكم




جزاله ... ومعنى


لله دركم ياعتابه

العمده \ العازمي


كل عام وانتم بخير


ارحب ارحب يا بن سرحان الثبيتي


صح بدنك وقلبك وكلك ولاهنت


منور الصفحة ومشرفنا بحضورك


وكل عام وانت ومن يعز عليك بخير وصحة وسلامة

[رعد الروقي]

العمده عندما ياخذ طريق الخدمه
ههههه


والعة نار العرب يالعازمي لكـن نـارك
شبها والا ذبحك البرد لو تامـر وتنهـا


أوقع مره أخرى ,,,


تحياااااتي


ههههه


وين توقيعك يمكن نسحب رصيدك


هلا هلا يا طلال

[رعد الروقي]

يارعد كلمتك هاذي ماتعدّت عن مطارك = الجهود اللي تجيب الفخر تفكيرك شطنها!!



ماعرفنالك مكان ولامشينا مع مسارك = خبنةٍ فاسفل ثيابك ماعرفنا من خبنها!!



والختام عندك ياشاعر الروقه


كم شرفتني بمجاراتك وصح لسانك طال عمرك



صح لساااااااااااااانك مدد ولا مع الماء تيمم


والشرف لي بلا شك

[سميران]

.


لعب الكبار كبييييييير

لله دررررركم



وصحت الألسن والقلوب

[نوآف الغنامي]

الله الله الله



عندما يحضر العمالقه لابد للأبداع ان يحضر



صحت السنتكم عدد ما خطته ايديكم من ابدااع



وبيض الله وجيهكم على هالمحراف الطيب

[قادح شرار]

صحت ألسنكم يالثنين

[معجب العتيبي]

العمــــــدة

مرحبا بالعازمي والعيد يا جعله مبارك=لو تعــــــــــدى حينهـــا لكنّها لابد منها
صار ميراث الجدود اللي صفا عقب فالمعارك=طمعة اللي قبل عام العام ما سلم ثمنها


العازمي

البقا ياعمدة الشعار ماشالله تبارك = مايجي وقت اللزوم اللازمه وتغيب عنها !!

البشر في كل دعوى هيّنه لازم تشارك = والقصور الشامخه ماكل رجّال سكنها !!


العمــــــدة

كلنا درع البـــلاد ونفتدي داري ودارك=وان بلتنا القوم زرناها زيارة في وطنها
الجمال اللي لها مده تهادر فالمبارك=ماش راحة لان تطويها الليالي في كفنها


العازمي

الكلام اللي تقوله ماتعدّى سمع جارك = في ديارٍ كل مضهودٍ من الدنيا زبنها!!


الجمل شقران لو شفته خلاف الذود بارك = منت بااكل من لحم سمحه قبل تشرب لبنها!!


العمــــــدة

فالجزيرة حمل دنة من بلد حسني مبارك=والفتاوي فاللحا يالعازمي كيف نحسنها
قلت عونك قال انا فرعون ماني مستشارك=والله اني لن تعودها لحده واحتضنها



العازمي

كلهم من وسط يمناك الكريمه في يسارك = مطرقي يالا الكبود الموسنه كانه مكنها!!


الهجوس اللي تمد الفكر من كل المدارك = تعرف اللي كل صخره قبل تاقفله طحنها!!


العمــــــدة

لا تقوله وانت شرك فوقهم من دون خارك=مسهراً عبادة الاوثان ومكسّر وثنها
يا خواط الليل في عين العرب بين سمارك=ان غزاك الفجر ما حصلت مهنه تمتهنها



العازمي

قسوة العاقل مهابه ماتعداها مدارك = ماتعيش الناس ياعمده زمن ماهو زمنها !!


الحقيقه والصراحه ماندوّر خصم غارك = لو مابه ضيفةٍ نقلط على مقدم صحنها!!


العمــــــدة

الجزور اللي بنى غاربك ومتـــونك وزارك=ان جحدته كلمة ونعمين غيرك قد ضمنها
والعة نار العرب يالعازمي لكن نارك=شبها والا ذبحك البرد لو تامر وتنها


العازمي

يارعد كلمتك هاذي ماتعدّت عن مطارك = الجهود اللي تجيب الفخر تفكيرك شطنها!!



ماعرفنالك مكان ولامشينا مع مسارك = خبنةٍ فاسفل ثيابك ماعرفنا من خبنها!!

عندما يحضر العمده يحضر الابداع

فكيف لو حضر العمده وحضر ابو طلال؟؟؟


لاشك ان يكون هناك كلمه للابداع والتميز


صحة السنتكم وعيدكم مبارك

[زبن الجعفري العنزي]

صحت السنتة الشعراء لكن بعد صحت قلوبهم هههههههههه



تحياتي

[خلف الروقي]

الله يعاااااااااافيكم





ابدااااااااع وتمييز









دمتم بود

[رعد الروقي]

سميران // خيال الصفراء // قادح شرار // معجب العتيبي ( لا هنت على مجهوداتك الطيبة )// راع الجدعا ابن وايل // خلف الروقي


هلا ومسهلا حضوركم مكسب وشرف لنا



صحت أبدانكم والله لا يهينكم

[حاكم الغنامي]

ههههههه


صحت السنتكم

[صاهود]

صحت الالسن والقلوب جميع

طاروق خمس نجوم

وشعار كبار

[عبدالمجيد العطاوي]

صار ميراث الجدود اللي صفا عقب فالمعارك=طمعة اللي قبل عام العام مـا سلـم ثمنهـا


الله عليك يالعمدة ( ,,,,,,,,,,,) هههههههههههه




الحقيقه والصراحه ماندوّر خصـم غـارك=لو مابه ضيفةٍ نقلط على مقدم صحنهـا!!


ياضلع مايهزّك ريح ....... ياعيد العازمي



صحّت السنتكم ملايييييييين

[احمد منير الواصل]

صح السنتكم وبيض الله وجيهكم انت يالعــــــــازمي ويالعمده
وتشكرون على المحاوره وابيات جميله

[البوعامر]

تسلمون يا اخوان

[سلطان بن دحيم]

الله الله

طاروق العمالقه

صحة السنتكم

[عيد العازمي]

جميع الاخوان الاعزاء


لكم فائق التحية والاحترام


على كرم اخلاقكم

وحسن حضوركم وصحت ابدانكم وقلوبكم


وكل عام والجميع بخير وعافيه

[رعد الروقي]

حاكم الغنامي // ذيب عروا // عبد المجيد العطاوي // احمد الروقي // البو عامر // سلطان بن دحيم


مرحبا ومسهلا

حي هذا الحضور الكريم وهذه الطلة المشرفة

صحت ابدانكم وبيض الله وجيهكم